Connect with us

កីឡា

កូន​កំព្រា​ជា​ម្ចាស់​មេដាយ២​​គ្រឿង​​ ងួន​ រតនា​ នឹង​​យក​​ប្រាក់​​ធ្វើ​​បុណ្យ​​ឧទ្ទិស​​ជូន​​អ្នក​​មាន​​គុណ

បានផុស

នៅ

កីឡាការិនី​មាន​ពិការភាព ងួន រតនា ​បាន​ឈ្នះ​មេដាយ​២​​គ្រឿង​គឺ​មាស១ និង​ប្រាក់​១​ពី​ព្រឹត្តិការណ៍​អាស៊ាន​ប៉ារ៉ាហ្គេម លើក​ទី​១១ ឆ្នាំ​២០២២ នៅ​ទី​ក្រុង​សូឡូ ប្រទេស​ឥណ្ឌូនេស៊ី​កាល​ពី​ពេល​ថ្មី​ៗ​នេះ។

ងួន រតនា ជា​កូន​កំព្រា​ដែល​ឪពុក​ម្តាយ​បាន​លា​ចាក​លោក​ទាំង​ពីរ​ និង​រស់​នៅ​ពោរពេញ​ដោយ​វេទនា កម្សត់ កណ្តោច​កណ្តែង ខ្វះ​ភាព​កក់​ក្តៅ និង​ខ្វះ​ពំនាក់​អាស្រ័យ​ស្រប​ពេល​ដែល​កីឡាការិនី​រូប​នេះ​​ពិការភាព​ដៃ​ទាំង​ពីរ។

មេដាយ​មាស
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី​រូប​នេះ​បាន​ចាប់​ផ្តើម​ហ្វឹក​ហាត់​កីឡា​អត្តពលកម្ម និង​ប្រឹង​ប្រែង​តស៊ូ​ លះ​បង់​គ្រប់​បែប​យ៉ាង​​ដើម្បី​បំពេញ​ក្តី​ស្រមៃ​​ក្នុង​នាម​ជា​ជន​មាន​ពិការភាព​ម្នាក់។ ម្ចាស់​មេដាយ​៣​គ្រឿង​នេះ​តែង​តែ​ស្រមៃ​ធ្វើ​ឲ្យ​បាន​ជោគជ័យ​ក្នុង​ការ​ចូល​រួម​ប្រកួត​លើ​ឆាក​អន្តរជាតិ​ដើម្បី​ជីវិត​ផ្ទាល់​ខ្លួន និង​ប្រទេស​ជាតិ។ ទី​បំផុតក្តី​ស្រមៃ​បាន​ក្លាយ​ជា​ការ​ពិត។

ងួត រតនា បាន​រៀប​រាប់​​ថា ៖«ខ្ញុំ​មាន​អារម្មណ៍​សប្បាយ​ចិត្ត ហើយ​រំភើប​រក​អ្វី​មកប្រៀប​មិន​បាន​ទេ ព្រោះ​អី​ក្តី​ស្រមៃ​របស់​ខ្ញុំ​ក្លាយ​ជា​ការ​ពិត។ ខ្ញុំ​ស្រមៃ​យូរ​ហើយ។ ​ពេល​ខ្ញុំ​​ឃើញ​គេ​បាន​ជោគជ័យ​ ខ្ញុំ​គិត​ថា ថ្ងៃ​ណា​មួយ​នឹង​បាន​ជោគជ័យ​ដូច​គេ។ ឥឡូវ​ខ្ញុំ​ព្យាយាម​បាន​សម្រេច​ដូច​ខ្ញុំ​ស្រមៃ​ទុក​ពី​មុន​មែន។ ខ្ញុំ​អរគុណ អ្នក​គ្រូ លោក​គ្រូ​ដែល​បានបណ្តុះ​បណ្តាល​ខ្ញុំឲ្យ​បាន​ជោគជ័យ»។

រៀប​រាប់​ទាំង​ទឹក​ភ្នែក អួលដើម​ក រតនា បាន​បន្ត​ថា ៖«លទ្ធផល​នេះ​មាន​ន័យ​ខ្លាំង​ជា​ទី​បំផុត​សម្រាប់​ជីវិត​ខ្ញុំ។ ខ្ញុំ​មិន​ដឹង​​និយាយ​អ្វី​ឲ្យ​សម​នឹង​ភាព​ជោគជ័យ​ទេ ព្រោះ​អី​ខ្ញុំ​ពិការ​​វេទនា​យូរ​ហើយ ហើយ​​ជា​កូន​កំព្រា​ទៀត។ ម៉ែឪលា​ចាក​លោក​អស់​ហើយ។ រស់​នៅ​ម្នាក់​ឯង…កណ្តោច​កណ្តែង…ពេល​ខ្ញុំ​សម្រេច​បាន​ជោគជ័យ…ពេល​ខ្ញុំ​មាន​បាន…ម៉ែឪ​ឃ្លាត​ឆ្ងាយ​ពី​ខ្ញុំ….»។

មេដាយ​ប្រាក់

«ពេល​បាន​លុយ​ខ្ញុំ​នឹង​ធ្វើ​បុណ្យ​ឧទ្ទិស​ជូន​ដល់​មាតាបិតា​ខ្ញុំ​ដែល​ពួក​គាត់​ចែក​ឋានទៅ ហើយ​ខ្ញុំ​ធ្វើ​បុណ្យ​តទៅ​មុខ​ទៀត​ដើម្បី​​កុំ​ឲ្យ​ជាតិ​ក្រោយ ខ្ញុំ​ពិការ​ដូច​ជាតិ​នេះ»។

សូម​បញ្ជាក់​ថា ងួត រតនា បាន​ឈ្នះ​មេដាយ​មាស១​គ្រឿង​សម្រាប់​វិញ្ញាសា​រត់​ចម្ងាយ​១៥០០​ម៉ែត្រ ប្រភេទ​ពិការ T46 និង​​មេដាយ​ប្រាក់១​គ្រឿង​សម្រាប់​វិញ្ញាសា​រត់ចម្ងាយ ៤០០ម៉ែត្រ ប្រភេទពិការ T46៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២០ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៣៦ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ២ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

Sokha Hotels

ព័ត៌មានពេញនិយម