កីឡា
FIFA ដាក់បម្រាមសហព័ន្ធបាល់ទាត់ឥណ្ឌា ប៉ុន្តែមិនពាក់ព័ន្ធនឹងរឿងប្រកួតជាមួយកម្ពុជាលើកមុន
សហព័ន្ធកីឡាបាល់ទាត់ពិភពលោក (FIFA) បានដាក់បម្រាមផ្អាកសកម្មភាពសហព័ន្ធកីឡាបាល់ទាត់ឥណ្ឌា (AIFF) កាលពីល្ងាចថ្ងៃចន្ទ (១៥ សីហា) ដោយសារឥទ្ធិពលនៃការលូកដៃចូលហួសហេតុពីភាគីទី ៣។ ការព្យួរសហព័ន្ធកីឡាបាល់ទាត់ឥណ្ឌា នេះបានគំរាមកំហែងដល់ការធ្វើម្ចាស់ផ្ទះការប្រកួតបាល់ទាត់នារីពិភពលោក អាយុក្រោម ១៧ ឆ្នាំ ដែលគ្រោងធ្វើនៅថ្ងៃទី ១១ ដល់ថ្ងៃទី ៣០ ខែតុលា ឆ្នាំ ២០២២ នេះ។
សហព័ន្ធកីឡាបាល់ទាត់ពិភពលោក (FIFA) បាននិយាយថា ការព្យួរនេះមានប្រសិទ្ធភាពភ្លាមៗ ហើយការបំពាននេះ គឺជាការបំពានយ៉ាងធ្ងន់ធ្ងរលើលក្ខន្តិកៈរបស់ FIFA។
FIFA បាននិយាយថា ការព្យួរនេះនឹងត្រូវបានលុបចោលវិញ នៅពេលដែលសហព័ន្ធបាល់ទាត់ឥណ្ឌា រៀបចំគណៈកម្មាការប្រតិបត្តិ ឱ្យមានភាពត្រឹមត្រូវឡើងវិញ។ “ការព្យួរនេះនឹងត្រូវបានលុបចោលនៅពេលដែលការបញ្ជាឱ្យបង្កើតគណៈកម្មាធិការគ្រប់គ្រង ដើម្បីកំណត់ថាអំណាចរបស់គណៈកម្មាធិការប្រតិបត្តិ AIFF ត្រូវបានលុបចោល ហើយរដ្ឋបាល AIFF ទទួលបានការគ្រប់គ្រងពេញលេញលើកិច្ចការប្រចាំថ្ងៃរបស់ AIFF” ។
FIFA បាននិយាយថា ការប្រកួតបាល់ទាត់នារីពិភពលោក អាយុក្រោម ១៧ ឆ្នាំ មិនអាចប្រារព្ធធ្វើឡើងនៅប្រទេសឥណ្ឌាដូចការគ្រោងទុកនោះទេ។ “FIFA កំពុងតែមានទំនាក់ទំនងក្នុងន័យស្ថាបនាជានិច្ចជាមួយក្រសួងកិច្ចការយុវជន និងកីឡា ក្នុងប្រទេសឥណ្ឌា ហើយសង្ឃឹមថា លទ្ធផលវិជ្ជមានចំពោះករណីនេះអាចនៅតែសម្រេចបាន”។
ការព្យួរ ឬផ្អាកសកម្មភាពរបស់ AIFF នេះ មានន័យថា ឥណ្ឌា នឹងមិនអាចចូលរួមប្រកួត AFC Asian Cup 2023 ទេ។ ម្យ៉ាងវិញទៀត ការប្រកួតមិត្តភាពជាមួយវៀតណាម ក្នុងថ្ងៃ FIFA ក៏ត្រូវបានលុបចោល ហើយសម្រាប់ ជើងឯកលីគ ក៏មិនអាចមានចូលរួមប្រកួតជាមួយក្រុមផ្សេងទៀតក្នុងព្រឹត្តិការណ៍ AFC Championship ផងដែរ៕
ប្រភព៖ zeenews.india.com
អត្ថបទ៖ មន្នីរ័ត្ន
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី