កីឡា
អ្នកគាំទ្រព្រួយបារម្ភ ក្រោយប្រទះឃើញ Mike Tyson អង្គុយលើរទេះរុញ
កីឡាករប្រដាល់ទម្ងន់ធ្ងន់ Mike Tyson ថ្មីៗនេះត្រូវបានប្រទះឃើញប្រើរទេះរុញនៅព្រលានយន្តហោះ ទីក្រុង Miami ខណៈដែលអតីតជើងឯកពិភពលោកទម្ងន់ធ្ងន់រូបនេះជួបបញ្ហារបួសខ្នង។
អតីតអ្នកប្រដាល់ជើងខ្លាំងរូបនេះ មានអាជីពល្បីល្បាញបំផុតមួយក្នុងវិស័យប្រដាល់សាកល។ លោកបានចូលនិវត្តន៍ក្នុងឆ្នាំ ២០០៥ បន្ទាប់ពីចាញ់កីឡាករ Kevin McBride ប៉ុន្តែចាប់តាំងពីពេលនោះមកបានវិលត្រឡប់មកសង្វៀនវិញ ក្នុងទម្រង់នៃការប្រកួតមិត្តភាពជាមួយកីឡាករ Roy Jones Jr ក្នុងឆ្នាំ ២០២០។
ពេលនេះ Tyson មានវ័យ ៥៦ ឆ្នាំហើយ ហើយបាននិងកំពុងបង្ហាញសញ្ញានៃការវិវឌ្ឍន៍អាយុរបស់លោក បើទោះបីជាថ្មីៗនេះបានបង្ហោះវីដេអូបង្ហាញពីរូបរាងរបស់ខ្លួននៅល្អក៏ដោយ។ ប៉ុន្តែថ្មីៗនេះ លោកត្រូវការដំបងដើរ ខណៈពេលកំពុងនៅទីក្រុងញូវយ៉ក ហើយឥឡូវនេះត្រូវបានគេប្រទះឃើញអង្គុយនៅលើរទេះរុញ នៅទីក្រុង Miami ។
ជើងខ្លាំងប្រដាល់រូបនេះត្រូវបានគេរាយការណ៍ថាមានបញ្ហាខ្នង ហើយបានរងរបួសសរសៃពួរដែលធ្វើឱ្យលោកត្រូវរប្រើទេះរុញជាប់ ជាមធ្យោបាយដើម្បីទប់របួសរបស់ខ្លួន។ ប្រភពមួយបានបង្ហោះរូបភាពទាំងនោះ ដោយប្រាប់សារព័ត៌មានល្បីឈ្មោះ TMZ ថា៖ “គាត់កំពុងតែដោះស្រាយបញ្ហារលាកសរសៃពួរ។ មិនមានអ្វីធ្ងន់ធ្ងរទេ។ គ្រាន់តែជាគ្រោះថ្នាក់ការងារសម្រាប់អត្តពលិកដែលប្រឹងប្រែងខ្លាំងដូច Mike”។
រឿងនេះកើតឡើងតែប៉ុន្មានថ្ងៃប៉ុណ្ណោះ បន្ទាប់ពី Tyson ត្រូវបានគេប្រទះឃើញ ស្ពឹកជើង ខណៈប្រើដំបងដើរជាជំនួយ ដើម្បីឱ្យគេមានលំនឹង ដែលត្រូវបានរាយការណ៍ថា ត្រូវបានគេប្រើប្រាស់ទាក់ទងនឹងរបួសផងដែរ។
រំឭកពីប្រវត្តិប្រកួតវិញ Tyson ធ្លាប់ឡើងសង្វៀន ៥៨ លើក ឈ្នះ ៥០ លើក ចាញ់ ៦ លើក និងលទ្ធផលការប្រកួតឆាចោល ២ លើក ក្នុងនោះផ្តួលដៃគូឱ្យសន្លប់ ៤៤ លើក ជាកីឡាករល្បីអាមេរិកាំងប្រចាំទសវត្សរ៍ ៩០ និង ២០០០៕
ប្រភព៖ mirror.co.uk
អត្ថបទ៖ មន្នីរ័ត្ន
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ