Connect with us

កីឡា

Chelsea បានចែកផ្លូវជាមួយគ្រូបង្វឹកលោក Thomas Tuchel ជាផ្លូវការ

បានផុស

នៅ

ក្លិបតោខៀវ Chelsea នៅថ្ងៃនេះ បានប្រកាសចែកផ្លូវជាមួយ លោក Thomas Tuchel ជាផ្លូវការ បន្ទាប់ពីដឹកនាំក្រុមពុំទទួលបានលទ្ធផលល្អ នៅដើមរដូវកាលនេះ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្លិប​បានប្រកាសថា​៖ «​ក្នុងនាម​អ្នក​គ្រប់គ្នា​នៅ Chelsea FC ក្លិប​សូម​ថ្លែងអំណរគុណ​ចំពោះ លោក Thomas និង​បុគ្គលិក​របស់គាត់ សម្រាប់​ការខិតខំ​ប្រឹងប្រែង​រប​ស់​ពួកគេ​ទាំងអស់​ក្នុងអំឡុងពេល​របស់​ពួកគេ​ជាមួយ​ក្លិប​។ Thomas នឹង​នៅក្នុង​ប្រវត្តិសាស្ត្រ​របស់ Chelsea បន្ទាប់ពី​ឈ្នះ Champions League, Super Cup និង Club World Cup នៅក្នុង​ពេលវេលា​របស់​គាត់​នៅទីនេះ​។​»

​នៅពេលដែល​ម្ចាស់​ក្លិប​ថ្មី​ចូលមក​ដល់​បាន ១០០ ​ថ្ងៃ ម្ចាស់​ថ្មី​ជឿថា​ វា​ជា​ពេលវេលា​ដ៏​ត្រឹមត្រូវ​ដើម្បី​ធ្វើការ​ផ្លាស់ប្តូរ​នេះ​។ លោក Thomas Tuchel បាន​ចូលមក​ដឹកនាំ Chelsea នៅ​ថ្ងៃទី​ ២៦ ខែមករា ឆ្នាំ​ ២០២១ ក្នុង​កិច្ចសន្យា​រយៈពេល ១៨ ​ខែ ជាមួយនឹង​ជម្រើស​ក្នុង​ការបន្ត ជំនួស​អ្នកចាត់ការ​ទូទៅ​ចាស់ លោក Frank Lampard​។

​ចាប់តាំងពី​ចូលមក​ដឹកនាំ លោក​បាន​ជួយ​ក្លិប​បង្កើត​រឿង​ដ៏​គួរឱ្យភ្ញាក់ផ្អើល​ស្ទើរ​មិន​ជឿ ពោលគឺ​ជួយ​ក្លិប​ឈ្នះ​ជើងឯក UEFA Champions League បន្ទាប់មក Super Cup និង Club World Cup​។ តែ​ចូលដល់​រដូវ​កាល ២០២២-២៣ នេះ ហាក់​ដឹកនាំ​ក្រុម​មិនបាន​ល្អ​ទាល់តែសោះ ដោយ ៦ ​ប្រកួត​បើកឆាក​នៅ Premier League រកបាន​តែ ១០ ​ពិន្ទុ ក្នុងនោះ​ឈ្នះ​ ៣ ប៉ុន្តែ​ឈ្នះ​ដោយ​លំបាក ហើយ​ស្មើ​ ១ និង​ចាញ់​ ២ ​។ រឹតតែ​គួរឱ្យ​ខកចិត្ត​យប់មិញ​នេះ​បាន​ចាញ់ ក្លិប Dinamo Zagreb ក្នុងជំនួប​បើកឆាក​ពូ​ល E ក្របខ័ណ្ឌ UEFA Champions League ថែម​ទៀតផង​៕

​អត្ថបទ​៖ មន្នី​រ័ត្ន​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម