កីឡា
ចំនុចគួរកែលំអ ក្រោយ U20 កម្ពុជា ស្មើ U20 សិង្ហបុរី ១-១ យប់មិញ
ក្រុមបាល់ទាត់ជម្រើសជាតិកម្ពុជាអាយុក្រោម២០ឆ្នាំ (U20) បានត្រឹមស្មើជាមួយក្រុម U20 សិង្ហបុរី ដែលសល់សមាជិកតែ១០នាក់នៅលើទីលានក្នុងការប្រកួតលើកទី២ វគ្គជម្រុះក្នុងពូលពានរង្វាន់ AFC U20 CHAMPIONSHIP 2023 នៅប្រទេសតាជីគីស្ថាន។
ការប្រកួតទាំងពីរវគ្គបង្ហាញឲ្យឃើញថា ក្រុមជំទង់គោព្រៃកម្ពុជាមានប្រៀបជាងយុវជនសិង្ហបុរីទាំងបច្ចេកទេស គ្រប់គ្រងបាល់ និងឱកាសស៊ុត ប៉ុន្តែធ្វើមិនបានសម្រេច។ ផ្ទុយទៅវិញ ក្រុមសិង្ហបុរីទទួលបានឱកាសម្តងៗបង្កគ្រោះថ្នាក់ ក្នុងនោះទទួលបានពិន័យទាត់១១ម៉ែត្រ ប៉ុន្តែត្រូវបានអ្នកចាំទីកម្ពុជា រិទ្ធ លីហេង ជួយសង្គ្រោះបាន។
ទោះជាយ៉ាងណា សិង្ហបុរី នៅតែអាចបំប៉ោងសំណាញ់ទីកម្ពុជាដើម្បីនាំមុខ ១-០ ដោយកីឡាករ Kieran Teo នៅនាទីទី២៨ មុនពេលកម្ពុជាតាមស្មើ ១-១ ដោយកីឡាករ កើត ពេជ្រ នៅនាទីទី៤៤។ នៅវគ្គទី២ ក្រុមយុវជនកម្ពុជាបានធ្វើការវាយសម្រុកយ៉ាងខ្លាំង និងទទួលបានឱកាសពីស្លាបឆ្វេង-ស្តាំញឹកញាប់ ប៉ុន្តែធ្វើមិនបានសម្រេច។
ពិសេសទៀតនោះ កីឡាករសិង្ហបុរី Raoul Sahaimi ទទួលបានពិន័យកាតក្រហម ក្រោយពិន័យកាតលឿងពីរដង និងត្រូវចេញពីទីលាននៅនាទី៦៦ ដែលធ្វើឲ្យសិង្ហបុរីសល់សមាជិកតែ១០នាក់ប៉ុណ្ណោះ។ ប្រការនេះរឹតតែធ្វើឲ្យកម្ពុជាមានប្រៀបខ្លាំងឡើង ហើយសិង្ហបុរីព្យាយាមការពារទ្វេដង។
ក្រុមយុវជនកម្ពុជាបានសម្រុក និងដាក់សម្ពាធយ៉ាងខ្លាំង ហើយទទួលបានឱកាសស៊ុតញឹកញាប់ពីស្លាបឆ្វេង-ស្តាំ។ ទោះជាយ៉ាងណា អ្នកចាំទីរបស់សិង្ហបុរីសង្គ្រោះបាល់បានរហូត។ ភាគច្រើនកីឡាករប្រយុទ្ធឆ្វេង និងស្តាំអូសយកទៅស៊ុតខ្លួនឯងតែម្តង ហើយកោះបោះ ឬកាត់ចូលកណ្តាលណាស់ដែលធ្វើឲ្យអ្នកចាំទីសិង្ហបុរីសង្គ្រោះបាល់បានបែប។
ដូច្នេះប្រការដែលគួរកែប្រែគឺខ្សែបម្រើប្រយុទ្ធស្លាបគួរបោះ ឬបញ្ជូនបាល់ចូលកណ្តាលឲ្យបានច្រើនប្រហែលជាមានលទ្ធផលកាន់តែល្អប្រសើរ។ កុំព្យាយាមអូសបាល់ទៅស៊ុតខ្លួនឯងពោលគឺលេងជាច្រើនក្រុមឲ្យបានច្រើននៅតំបន់ប្រយុទ្ធ។
ទោះបីជាយ៉ាងណា ជារួម ក្រុមយុវជនកម្ពុជាធ្វើបានល្អជាងសិង្ហបុរី ហើយកាលចាញ់លីបង់១-០ ក៏គ្រូបង្វឹកយុវជនកម្ពុជាសរសើរថា លេងបានល្អជាងលីបង់ដែរ ថ្វីបើលទ្ធផលចាញ់ក៏ដោយ។ ដូច្នេះមានន័យថា លេងល្អមើល តែមិនល្អស៊ី។
ពេលនេះ ក្រុម U20 កម្ពុជាស្ទើរតែអស់ឱកាសឡើងទៅវគ្គបន្តហើយ បន្ទាប់ពីបើកឆាកចាញ់លីបង់ និងប្រកួតទី២ស្មើសិង្ហបុរី ហើយប្រកួតចុងក្រោយជួបម្ចាស់ផ្ទះតាជីគីស្ថាន៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ