កីឡា
គុនល្បុក្កតោកម្ពុជា ត្រៀមអត្តពលិក ២៨ នាក់ ដើម្បីប្រកួតពេលធ្វើម្ចាស់ផ្ទះស៊ីហ្គេម ២០២៣
គុនល្បុក្កតោកម្ពុជា បាននិងកំពុងហ្វឹកហាតយ៉ាងសស្រោកសស្រាំ ដោយមានកីឡាករ-កីឡាការិនី ២៨ នាក់ ដើម្បីត្រៀមបង្ហាញវត្តមានជាលើកដំបូង ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ ២០២៣ ដែលកម្ពុជា ធ្វើជាម្ចាស់ផ្ទះជាប្រវត្តិសាស្ត្រ។
នាមជាម្ចាស់ផ្ទះស៊ីហ្គេម ឆ្នាំ ២០២៣ ប្រភេទកីឡាដែលស្ថិតនៅចំណាត់ថ្នាក់ទី ៣ ឬជាប្រភេទកីឡាក្នុងតំបន់ និងកីឡាប្រពៃណីមួយនេះ បានត្រៀម ២១ វិញ្ញាសាប្រកួតប្រជែងដណ្ដើមមេដាយ ហើយកម្ពុជា ត្រៀមកីឡាករ-កីឡាការិនី សរុបចំនួន ២៨ នាក់ បែងចែកចេញជា ២ គឺវិញ្ញាសាប្រយុទ្ធ មានចំនួន ១២ នាក់ និងវិញ្ញាសាសម្ដែង មានចំនួន ១៦ នាក់។
គ្រូបង្វឹកនៃក្រុមជម្រើសជាតិគុនល្បុក្កតោកម្ពុជា លោក វី តារ៉ា បានបញ្ជាក់ថា កីឡាករទាំង ២៨ នាក់នេះហ្វឹកហាត់មួយថ្ងៃ ២ ដង ព្រឹកម្ដង និងរសៀលរហូតដល់ល្ងាចម្ដង ពោលគឺពេលព្រឹកហ្វឹកហាត់ជុំគ្នាទាំងវិញ្ញាសាសម្ដែង និងប្រយុទ្ធ ខណៈពេលរសៀល ហ្វឹកហាត់ដោយមានការបែងចែកតាមវិញ្ញាសារៀងៗខ្លួន។
គ្រូបង្វឹកដដែលរូបនេះ ក៏បានមើលឃើញពីភាពរីកចម្រើននៃគុណផលសម្រាប់ក្រុមដែលត្រូវប្រកួតលើវិញ្ញាសាសម្ដែង ក៏ដូចជាក្រុមដែលប្រកួតលើវិញ្ញាសាប្រយុទ្ធកំពុងសម្រួចការហ្វឹកហាត់ទៅតាមបទបញ្ជាថ្មី ហើយលោកបានដាក់ក្ដីរំពឹងថា គុនល្បុក្កតោកម្ពុជា នឹងធ្វើបានលទ្ធផលល្អ ដោយទទួលបានមេដាយមាស ក្នុងចំណោម ២១ វិញ្ញាសា នាមជាម្ចាស់ផ្ទះ និងជាម្ចាស់ក្បាច់គុន។
«សម្រាប់គុនល្បុក្កតោយើង គឺយើងរំពឹងថា នឹងបានគុណផលល្អ បានមេដាយមាសល្អក្នុងចំណោម ២១ វិញ្ញាសា ដោយសារតែទី ១ យើងជាម្ចាស់ផ្ទះ អ៊ីចឹងបទពិសោធយើងច្រើនជាងគេ ប៉ុន្តែយើងក៏នៅតែពង្រឹងបន្ថែមដែរ ខ្លាចមានការប្រែប្រួលយ៉ាងណា។» សម្ដីរបស់ លោក វី តារ៉ា។
កីឡាប្រពៃណីរបស់កម្ពុជា ‘គុនល្បុក្កតោ’ នឹងក្លាយជាប្រភេទកីឡាមួយ នៃកីឡាយុទ្ធគុនចម្រុះ ដែលនឹងត្រូវដាក់ឲ្យប្រកួតក្នុងព្រឹត្តិការណ៍ដ៏មានកិត្យានុភាពប្រចាំតំបន់អាស៊ីអាគ្នេយ៍ ក្នុងចំណោមកីឡាទាំង ៣៩ ប្រភេទ បូកកីឡាសម្ដែង ១ ប្រភេទ៕
អត្ថបទ៖ មន្នីរ័ត្ន
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)