កីឡា
នារី៥០០នាក់នឹងរាំចង្វាក់ប្រជាប្រិយខ្មែរក្នុងកីឡាជាតិខែក្រោយនេះ
កម្ពុជានឹងរៀបចំព្រឹត្តិការណ៍ប្រកួតកីឡាជាតិលើកទី៣ នាខែវិច្ឆិកា ឆ្នាំ២០២២ ខាងមុខនេះដើម្បីយកធ្វើជាបទពិសោធសម្រាប់ទទួលរៀបចំការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ឲ្យទទួលបានជោគជ័យ។
ការប្រកួតកីឡាជាតិលើកទី៣នេះនឹងមានអត្តពលិកប្រមាណចន្លោះពី៦ពាន់ទៅ៧ពាន់ចូលរួមប្រកួតដែលមកពីសហព័ន្ធកីឡាជាតិ សមាគម អង្គភាព និងរាជធានី ខេត្ត ក្រុងទាំងអស់ចូលរួមប្រកួត។ ជាមួយគ្នានេះ ក្នុងពិធីបើក-បិទ នឹងមានអ្នកចូលរួមប្រមាណ៧ម៉ឺននាក់ដែលមានលក្ខណៈទ្រង់ទ្រាយធំដូចនឹងព្រឹត្តិការណ៍កីឡាស៊ីហ្គេមដែរ។
ចំពោះការសម្តែងសិល្បៈ វប្បធម៌ គណៈកម្មការរៀបគ្រោងមនុស្សប្រមាណ២ពាន់នាក់ចូលរួមសម្តែង។
ក្រោយកិច្ចប្រជុំព្រឹកថ្ងៃទី២៥ ខែតុលា ឆ្នាំ២០២២ ស្តីពីការត្រៀមរៀបចំការប្រកួតកីឡាជាតិលើកទី៣ ឯកឧត្តម វ៉ាត់ ចំរើន អគ្គលេខាធិការ NOCC និងជាអគ្គលេខាធិការ គណៈកម្មាធិការជាតិជាតិ CAMSOC បានប្រាប់អ្នកសារព័ត៌មានថា ៖«ក្នុងពិធីបើក-បិទនេះ យើងនឹងមានការសម្តែងលក្ខណៈពិសេសជាច្រើន មានតាំងពីការដុតកាំជ្រួចដែលមានលក្ខណៈទំនើប។ ការសម្តែងរបស់កងយោធពលខេមរភូមិន្ទរបស់បញ្ជាការដ្ឋានកងអង្គរក្សចំនួន១ពាន់នាក់ ហើយមានការរាំជាចង្វាក់រាំវង់ ឡាំលាវ ដែលជាចង្វាក់រាំប្រជាប្រិយខ្មែរគឺមាននារី៥០០នាក់ធ្វើការរាំបង្ហាញជាទស្សនីភាព។ ដូច្នេះយើងមានមនុស្សប្រហែលជា២ពាន់នាក់ដែលត្រូវចូលរួមសម្តែងក្នុងពិធីបើក-បិទនេះ។ យើងរួមគ្នាធ្វើដើម្បីជាជំហានថ្មីឆ្ពោះទៅស៊ីហ្គេម-អាស៊ានប៉ារ៉ាហ្គេម២០២៣ឲ្យទទួលបានជោគជ័យ»។
នេះជាកីឡាជាតិលើកទី១ ឆ្នាំ២០១៦ និង លើកទី២ ឆ្នាំ២០១៨ ត្រូវបានរៀបចំនៅពហុកីឡដ្ឋានជាតិ ខណៈលើកទី៣នេះប្រារព្ធនៅពហុកីឡដ្ឋានជាតិមរតកតេជោ ដែលជាកន្លែងរៀបចំមហាព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣៕
អត្ថបទ៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ