កីឡា
ជួបជាមួយអាជ្ញាកណ្ដាលទទួលបន្ទុកកាត់សេចក្ដី នៅ World Cup 2022
ប្រវត្តិសាស្ត្រ នឹងត្រូវបានធ្វើឡើងនៅឆ្នាំនេះ ខណៈដែលមន្ត្រីដឹកនាំការប្រកួតស្ត្រី ចំនួន ៦ នាក់ ធ្វើដំណើរទៅ World Cup ជាលើកដំបូងក្នុងប្រវត្តិសាស្ត្ររបស់ខ្លួន។
តួនាទីជាមន្ត្រីអាជ្ញាកណ្ដាលដឹកនាំការប្រកួតនៅ World Cup ច្រើនតែជាការងារដែលមិនទទួលបានអរគុណនោះទេ។
ខណៈពេលដែលកីឡាករត្រូវបានសរសើរនៅពេលពួកគេធ្វើបានល្អ អាជ្ញាកណ្ដាលកម្រនឹងត្រូវបានគេសរសើរចំពោះការបំពេញការងាររបស់ពួកគេបានល្អ។ ផ្ទុយទៅវិញ ពួកគេត្រូវបានការទន្ទ្រានជាប្រចាំដោយកីឡាករ អ្នកចាត់ការទូទៅ និងអ្នកគាំទ្រ ចំពោះកំហុសតិចតួចបំផុត។
សម្រាប់ការប្រកួតបាល់ទាត់ពិភពលោក ឆ្នាំ ២០២២ បានបញ្ចេញបញ្ជីឈ្មោះអាជ្ញាកណ្ដាលចំនួន ៣៦ នាក់, ជំនួយការអាជ្ញាកណ្ដាល ចំនួន ៦៩ នាក់ និងមន្ត្រីវីដេអូប្រកួត ចំនួន ២៤ នាក់ ដែលមើលការខុសត្រូវលើប្រព័ន្ធវីដេអូជំនួយការអាជ្ញាកណ្ដាល (VAR)។
តើនរណាជាអាជ្ញាកណ្ដាលក្នុងការប្រកួត World Cup 2022?
AFC – សហព័ន្ធបាល់ទាត់អាស៊ី
– អាជ្ញាកណ្ដាល ៦ នាក់
– ជំនួយការអាជ្ញាកណ្ដាល ១០ នាក់
– មន្ត្រីវីដេអូ ៤ នាក់
CAF – សហព័ន្ធបាល់ទាត់អាហ្វ្រិក
– អាជ្ញាកណ្ដាល ៦ នាក់
– ជំនួយការអាជ្ញាកណ្ដាល ១០ នាក់
– មន្ត្រីវីដេអូ ២ នាក់
CONCACAF – សហព័ន្ធបាល់ទាត់អាមេរិកខាងជើង
– អាជ្ញាកណ្ដាល ៥ នាក់
– ជំនួយការអាជ្ញាកណ្ដាលចំនួន ១២ នាក់
– មន្ត្រីវីដេអូ ៣ នាក់
CONMEBOL – សហព័ន្ធបាល់ទាត់អាមេរិកខាងត្បូង
– អាជ្ញាកណ្ដាល ៧ នាក់
– ជំនួយការអាជ្ញាកណ្ដាល ១៥ នាក់
– មន្ត្រីវីដេអូ ៤ នាក់
OFC – សហព័ន្ធបាល់ទាត់អូសេអានី
– អាជ្ញាកណ្ដាល ១ នាក់
– ជំនួយការអាជ្ញាកណ្ដាល ២ នាក់
UEFA – សហព័ន្ធបាល់ទាត់អឺរ៉ុប
– អាជ្ញាកណ្ដាល ១១ នាក់
– ជំនួយការអាជ្ញាកណ្ដាល ២០ នាក់
– មន្ត្រីវីដេអូ ១១ នាក់
នេះនឹងក្លាយជាការប្រកួតបាល់ទាត់ពិភពលោកលើកដំបូងដែលមានមន្ត្រីប្រកួតជាស្ត្រី – អាជ្ញាកណ្ដាល Stephanie Frappart (បារាំង) , Salima Mukansanga (រវ៉ាន់ដា) និង Yoshimi Yamashita (ជប៉ុន); ជំនួយការអាជ្ញាកណ្ដាល Neuza Back (ប្រេស៊ីល), Karen Díaz Medina (ម៉ិកស៊ិក) និង Kathryn Nesbitt (អាមេរិក)។
ការប្រកួតបាល់ទាត់ពិភពលោក ឆ្នាំ ២០២២ នៅប្រទេសកាតា ក៏នឹងឃើញផងដែរនូវការណែនាំ នៃបច្ចេកវិទ្យាវៃឆ្លាតសិប្បនិម្មិត (AI) ដែលមានមូលដ្ឋានលើពាក់កណ្ដាលស្វ័យប្រវត្តិកម្ម លើការចាប់បាល់ offside ផងដែរ។
អាជ្ញាកណ្ដាលក៏នឹងប្រើប្រាស់បច្ចេកវិទ្យា Goal-line technology ដែលបានណែនាំក្នុងអំឡុងការប្រកួត World Cup 2014 នៅប្រទេសប្រេស៊ីល៕
ប្រភព ៖ aljazeera.com
អត្ថបទ ៖ មន្នី រ័ត្ន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ