កីឡា

ខ្សែបម្រើវ័យក្មេង ជូ ស៊ីនទី ប្រាប់មូលហេតុពេញចិត្តអាហ្សង់ទីននៅ World Cup

បានផុស

៤ years មុន

នៅ

ថ្ងៃអង្គារ ១៥ វិច្ឆិកា ២០២២

ដោយ

ខ្សែបម្រើលេចធ្លោរបស់ព្រះខ័នរាជស្វាយរៀង និងជម្រើសជាតិកម្ពុជា ជូ ស៊ីនទី ពេញចិត្តក្រុមបាល់ទាត់ជម្រើសជាតិអាហ្សង់ទីន ក្នុងព្រឹត្តិការណ៍បាល់ទាត់ពិភពលោកឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលចោទសួរថា តើពេញចិត្តក្រុមបាល់ទាត់ជម្រើសជាតិណានៅជើងឯកបាល់ទាត់ពិភពលោកឆ្នាំនេះ? ហេតុអ្វី? ខ្សែម្រើវ័យក្មេងរូបនេះបានឆ្លើយថា ៖«ខ្ញុំគិតថា អាហ្សង់ទីន ពីព្រោះមួយរយៈពេលចុងក្រោយនេះ តំបន់ប្រយុទ្ធរបស់ អាហ្សង់ទីន ល្អខ្លាំង»។

អាហ្សង់ទីន ស្ថិតនៅពូល C ជាមួយ អារ៉ាប៊ីសាអូឌីត ម៉ិកស៊ិក និងប៉ូឡូញ។ ថ្ងៃទី២២ អាហ្សង់ទីន បើកឆាកប្រកួតជាមួយ អារ៉ាប៊ីសាអូឌីត, ថ្ងៃទី២៧ ប្រកួតជាមួយ ម៉ិកស៊ិក និងបន្តប្រកួតជាមួយ ប៉ូឡូញ ថ្ងៃទី១ ខែធ្នូ។

ក្រុមបាល់ទាត់ជម្រើសជាតិទាំង៣២ដែលជាប់វគ្គជម្រុះ និងបានឈានទៅដល់ជុំផ្តាច់ព្រ័ត្រនៅប្រទេសកាតាបានកំពុងត្រៀមខ្លួនយ៉ាងម៉ត់ចត់បំផុត។ ជាមួយគ្នានេះ ក្រុមជម្រើសជាតិមួយចំនួនបានធ្វើដំណើរទៅដល់ប្រទេសកាតាហើយ។

ការប្រកួតដែលធ្វើឡើងនៅទ្វីបអាស៊ីគឺជាពេលវេលាល្អបំផុតសម្រាប់អ្នកទស្សនាពីតំបន់អាស៊ី។ ក្នុងនោះ នៅកម្ពុជាទាំងកីឡាករ គ្រូបង្វឹក និងអ្នកនិយមចូលចិត្តបាល់ទាត់ក៏កំពុងទន្ទឹងរង់ចាំទស្សនាដែរ ខណៈការប្រកួតនឹងចាប់ផ្តើមនៅថ្ងៃទី២០ ខែវិច្ឆិកានេះ។

កីឡាករអាហ្សង់ទីនទាំង២៦រូបចុងក្រោយ

អ្នកចាំទី៖ Emiliano Martinez (Asotn Villa) Geronimo Rulli (Villarreal), Franco Armani (River Plate).
ខ្សែការពារ៖ Nahule Molina (Atlético Madrid), Gonzalo Montiel (Sevilla), Cristian Romero (Tottenham), German Pezzella (Real Betis), Nicolas Otamendi (Benfica), Lisandro Martinez (Manchester United), Marcos Acuna (Sevilla), Nicolas Tagliafico (Lyon), Juan Foyth (Villarreal)។
ខ្សែបម្រើ៖ Rodrigo de Paul (Atletico Madrid), Leandro Paredes (Juventus), Alexis mac Allister (Brighton), Guido Rodriguez (Real Betis), Alejandro Gomez (Sevilla), Enzo Fernandez (Benfica), Exequiel Palacios (Bayer Leverkusen)។
ខ្សែប្រយុទ្ធ៖ Angel di Maria (Juventus), Lautaro Martinez (Inter Milan), Juilan Alvarez (Manchester City), Nicolas Gonazales (Fiorentina), Joaquin Correa (Inter Milan), Paulo Dybala (AS Roma), Lionel Messi (PSG)៕

អត្ថបទ៖ វីរបុត្រ