កីឡា
ស្រាបៀរ អាចនឹងត្រូវហាមឃាត់មិនឲ្យលក់ក្នុងកីឡដ្ឋាន World Cup ទាំង ៨ ជាថ្មី
នៅសល់តែប៉ុន្មានថ្ងៃទៀតប៉ុណ្ណោះ រហូតដល់ការប្រកួតបាល់ទាត់ពិភពលោក (FIFA World Cup 2022) ចាប់ផ្ដើម ម្ចាស់ផ្ទះកាតា ត្រូវបានគេរាយការណ៍ថា កំពុងដាក់សម្ពាធឲ្យ FIFA បញ្ឈប់ការលក់ស្រាបៀរនៅកីឡដ្ឋានចំនួន ៨ ក្នុងការប្រកួតដែលនឹងក្លាយជាការវិលត្រលប់មកហាមឃាត់ដ៏គួរឲ្យភ្ញាក់ផ្អើលមួយ។
ការលក់គ្រឿងស្រវឹង ត្រូវបានគ្រប់គ្រងយ៉ាងតឹងរ៉ឹងក្នុងប្រទេសកាតា ប៉ុន្តែវានឹងមាននៅក្នុងតំបន់ខាងក្រៅកន្លែងប្រកួត និងតំបន់អ្នកគាំទ្រ ក៏ដូចជានៅក្នុងសណ្ឋាគារផងដែរ តែពេលប្រកួតប៉ុណ្ណោះ។
Budweiser គឺជាអ្នកឧបត្ថម្ភធំជាងគេមួយរបស់ FIFA ប៉ុន្តែត្រូវបានប្រាប់កាលពីថ្ងៃសៅរ៍ ឲ្យផ្លាស់ប្ដូរទីតាំងតូបលក់ផលិតផលរបស់ខ្លួននៅកីឡដ្ឋានទៅកាន់ទីតាំងមិនសូវលេចធ្លោ។
កាសែត The Times រាយការណ៍ថា Qatar 2022 ឥឡូវនេះចង់រឹតត្បិតបន្ថែមទៀត ហើយថា ការពិភាក្សាកំពុងបន្តរវាង FIFA និង Budweiser។ ការសម្រេចចិត្តត្រូវបានគេរំពឹងទុកនៅថ្ងៃសុក្រ ប៉ុន្តែគេជឿថា ស្រាបៀរ អាចត្រូវបានហាមឃាត់ពីគ្រប់កីឡដ្ឋាន។
Budweiser នៅតែជាដៃគូដ៏សំខាន់មួយរបស់ FIFA ហើយប្រសិនបើវាត្រូវបានបដិសេធនូវឱកាសលក់ស្រាបៀរ ឬមានភាពមើលឃើញណាមួយនៅក្នុងការប្រកួត World Cup នោះ ស្ថាប័នគ្រប់គ្រងបាល់ទាត់ នឹងបំពានលើកិច្ចសន្យារាប់លានដុល្លារ។
FIFA និងម្ចាស់ Budweiser, AB InBev ត្រូវបានគេទាក់ទងដើម្បីធ្វើការអត្ថាធិប្បាយ។
ជាការឆ្លើយតបទៅនឹងសំណើសុំរុះរើកន្លែងលក់របស់ខ្លួន AB InBev បានប្រាប់ Sky News ថា “AB InBev ត្រូវបានជូនដំណឹងនៅថ្ងៃទី ១២ ខែវិច្ឆិកា ហើយកំពុងធ្វើការជាមួយ FIFA ដើម្បីផ្លាស់ប្ដូរទីតាំងហាងទៅទីតាំងតាមការណែនាំ។ យើងកំពុងធ្វើការជាមួយ FIFA ដើម្បីនាំយកបទពិសោធដ៏ល្អបំផុតទៅកាន់អ្នកគាំទ្រ។ ការផ្តោតអារម្មណ៍របស់យើង គឺលើការផ្តល់នូវបទពិសោធន៍អ្នកប្រើប្រាស់ល្អបំផុតដែលអាចធ្វើទៅបានក្រោមកាលៈទេសៈថ្មី។
ប្រសិនបើការហាមប្រាមស្រាបៀរនៅតែបន្ត កន្លែងតែមួយគត់ដែលអ្នកគាំទ្រអាចផឹកស្រាបាន គឺនៅសួនអ្នកគាំទ្រដែលបានកំណត់ ដែល Budweiser បានបង្ហាញរួចហើយថា ភេសជ្ជៈ ៥០០ml នឹងធ្វើឲ្យអ្នកគាំទ្រត្រូវចំណាយក្នុងតម្លៃ £១១.៦០ ($១៣.៨១) ក្នុងមួយកែវ៕
ប្រភព ៖ theguardian.com
អត្ថបទ ៖ មន្នីរ័ត្ន
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២០ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន