កីឡា
លោក Conor ថានឹងផ្ដោតលើកំហុសផ្ទាល់ខ្លួន ដើម្បីត្រៀមប្រកួតបន្ទាប់នៃលីគកំពូលកម្ពុជា
លោក Conor Nestor គ្រូបង្វឹកក្លិបព្រះខ័នរាជស្វាយរៀង បាននិយាយថានឹងផ្ដោតលើកំហុសផ្ទាល់ខ្លួនបន្ទាប់ពីរងបរាជ័យ ៣ ប្រកួតជាប់គ្នា ហើយនឹងត្រូវត្រៀមជួបភ្នំពេញក្រោនម្ដងទៀតនៅថ្ងៃអាទិត្យស្អែកនេះ។
ក្លិបព្រះខ័នរាជស្វាយរៀងបានរងបរាជ័យ ៣ ប្រកួតជាប់ៗគ្នាក្រោមថ្វីជើង បឹងកេត, វិសាខា និងភ្នំពេញក្រោន ដែលធ្វើឱ្យ លោក Conor Nestor ទទួលស្គាល់ថាជាកំហុសរបស់ខ្លួនខណៈក៏មានកត្តារួមផ្សំផងដែរ។
គ្រូបង្វឹកសញ្ជាតិអៀរឡង់ខាងជើងបាននិយាយថា៖ «ច្បាស់ណាស់ វាមិនមែនជាអ្វីដែលយើងចង់បាននោះទេ។ យើងខំប្រឹងរាល់ថ្ងៃដើម្បីព្យាយាមឈ្នះ។ ទោះយ៉ាងណាក៏ដោយ មានភាពខុសគ្នាខ្លាំងរវាងការប្រកួតចុងក្រោយ និងប្រកួតផ្សេងទៀត។ ទល់នឹងបឹងកេត និងវិសាខា យើងបានបង្កើតកំហុសរៀងៗខ្លួនហើយត្រូវបានគេដាក់ពិន័យ។ ទល់នឹងភ្នំពេញក្រោន ខ្ញុំមិនអាចនិយាយច្រើនពេកអំពីឧប្បត្តិហេតុក្នុងការប្រកួតនេះទេ ពីព្រោះយើងបានបញ្ជូនលិខិតតវ៉ាអំពីការប្រកួតទៅ CPL»។
ពាក់កណ្ដាលសប្ដាហ៍នេះ ព្រះខ័នរាជស្វាយរៀងបានចាញ់ភ្នំពេញក្រោនដល់ទៅ ២-៥ ខណៈលោកបានបន្តថា៖ «គ្រាប់បាល់ទទួលយកបានចំនួន ៣គ្រាប់ គឺជាកំហុសរបស់ខ្ញុំចំពោះកំហុសបច្ចេកទេសដែលខ្ញុំបានធ្វើក្នុងនាមជាគ្រូបង្វឹក។ សូមកុំបន្ទោសកីឡាករ។ គ្រាប់ទី១ គឺជាកំហុសរបស់អាជ្ញាកណ្តាល និងទី៤ គឺជាកំហុសរបស់អាជ្ញាកណ្តាលខ្សែបន្ទាត់។ សម្រាប់ខ្ញុំ ខ្ញុំត្រូវតែផ្តោតលើកំហុសរបស់ខ្ញុំ ហើយកែលម្អពួកវា ពីព្រោះអ្នកគាំទ្ររបស់យើងសមនឹងទទួលបានភាពប្រសើរជាងនេះ»។
ព្រះខ័នរាជស្វាយរៀង នឹងត្រូវជួបភ្នំពេញក្រោនម្ដងទៀតនៅថ្ងៃទី២០ ខែវិច្ឆិកា ឆ្នាំ២០២២ ស្អែកនេះវេលាម៉ោង ៦:៣០នាទីយប់ នៅកីឡដ្ឋានស្មាតអរអេសអិនរបស់ភ្នំពេញក្រោនម្ដង។ ខណៈលោក Cornor Nestor បានឱ្យដឹងថា៖ «ផ្នែកដ៏ធំមួយនៃផែនការប្រកួតរបស់យើងគឺត្រូវលេងឱ្យឆ្ងាយពីគោលដៅរបស់យើងតាមដែលអាចធ្វើទៅបាន ដើម្បីកាត់បន្ថយឥទ្ធិពលរបស់មន្ត្រីការប្រកួត (អាជ្ញាកណ្ដាល)»។
គួរបញ្ជាក់ថា បច្ចុប្បន្ន ព្រះខ័នរាជស្វាយរៀងបានធ្លាក់មកឈរលេខ២ ដោយមានពិន្ទុស្មើគ្នាជាមួយ វិសាខា ប៉ុន្តែខុសគ្នាត្រង់រូបមន្ត Head To Head ហើយការប្រកួតនៅសល់ ៣ ប្រកួតទៀតនឹងបញ្ចប់៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ