Connect with us

កីឡា

ដល់ថ្ងៃប្រកួត World Cup ស្រាប់តែប្រធាន FIFA ក្តៅស្លឹកត្រចៀក ស្តីឲ្យលោកខាងលិចចាស់ដៃ

បានផុស

នៅ

ប៉ុន្មានម៉ោងមុនការប្រកួតបាល់ទាត់ពិភពលោក ចាប់ផ្តើមនៅប្រទេសកាតា ប្រធាន FIFA លោក Gianni Infantino បានចោទប្រកាន់ប្រទេសលោកខាងលិចថា “ពុតត្បុត” ដោយនិយាយថា ពួកគេមិនមានតួនាទីផ្តល់មេរៀនសីលធម៌ដល់ប្រទេសផ្សេងទៀត។

ប្រធាន FIFA លោក Gianni Infantino
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសន្និសីទសារព័ត៌មានដ៏ក្ដៅគគុកមួយ ក្នុងរាជធានីរបស់ប្រទេស កាតា មុនការប្រកួត បុរសសញ្ជាតិស្វីសដើមកំណើតអ៊ីតាលីរូបនេះបាននិយាយថា អឺរ៉ុបគួរតែដោះស្រាយបញ្ហាឧក្រិដ្ឋកម្មអតីតកាលរបស់ខ្លួនសិន មុនពេលចង្អុលទៅកាតា។

លោក Infantino បានប្រាប់អ្នកយកព័ត៌មានរាប់រយនាក់កាលពីថ្ងៃសៅរ៍ទី១៩ខែវិច្ឆិកាថា “ខ្ញុំក៏ជាជនជាតិអឺរ៉ុបដែរ។ សម្រាប់អ្វីដែលអឺរ៉ុបបានធ្វើនៅជុំវិញពិភពលោកក្នុងរយៈពេល ៣០០០ ឆ្នាំចុងក្រោយនេះ យើងគួរតែសុំទោសសម្រាប់រយៈពេល ៣០០០ឆ្នាំខាងមុខ មុនពេលចាប់ផ្តើមផ្តល់មេរៀនសីលធម៌ដល់មនុស្ស”។

ប្រធាន FIFA លោក Gianni Infantino

ប្រទេសកាតា ដែលទទួលបានសិទ្ធិធ្វើជាម្ចាស់ផ្ទះការប្រកួតបាល់ទាត់ពិភពលោកកាលពីឆ្នាំ២០១០ បានទទួលរងការរិះគន់យ៉ាងចាស់ដៃ ចំពោះការប្រព្រឹត្តដាក់ពលករចំណាកស្រុក និងកំណត់ត្រាសិទ្ធិមនុស្សរបស់ខ្លួន។

លោក Infantino និយាយថា “ប្រទេសមជ្ឈិមបូព៌ា មានភាពរីកចម្រើនក្នុងការធ្វើឲ្យប្រសើរឡើងនូវសិទ្ធិរបស់ពលករចំណាកស្រុក។ ខ្ញុំបានមកទីនេះកាលពីប្រាំមួយឆ្នាំមុន ហើយបាននិយាយអំពីបញ្ហារបស់ពលករចំណាកស្រុកដោយផ្ទាល់ នៅក្នុងកិច្ចប្រជុំលើកដំបូងរបស់ខ្ញុំ”។

អ្នកគាំទ្រក្រុមជម្រើសជាតិ  ម៉ិកស៊ិក

លោកបន្តថា “តើមានក្រុមហ៊ុនធុរកិច្ចនៅអឺរ៉ុប ឬលោកខាងលិចប៉ុន្មាន ដែលរកប្រាក់បានរាប់លានពីកាតា និងបណ្តាប្រទេសក្នុងតំបន់។ តើពួកគេប៉ុន្មាននាក់បានដោះស្រាយបញ្ហាសិទ្ធិពលករចំណាកស្រុកជាមួយអាជ្ញាធរ? ខ្ញុំមានចម្លើយសម្រាប់អ្នក គ្មានទេ! មេរៀន​សីលធម៌​ម្ខាង ​គឺ​គ្រាន់​តែ​ជា​ការ​លាក់ពុត​ប៉ុណ្ណោះ”។

គួរបញ្ជាក់ថា សន្និសីទសារព័ត៌មានរបស់លោក Infantino ធ្វើឡើងមួយថ្ងៃ បន្ទាប់ពី FIFA និងប្រទេសកាតាបានប្រកាសថា ការលក់ស្រាបៀរនឹងត្រូវហាមឃាត់នៅកីឡដ្ឋានទាំងប្រាំបី។ FIFA និយាយថា ការសម្រេចចិត្តនេះនឹងធានាថា កីឡដ្ឋាននិងតំបន់ជុំវិញផ្តល់នូវបទពិសោធន៍រីករាយ ការគោរព និងភាពស្រស់ស្រាយសម្រាប់អ្នកគាំទ្រទាំងអស់៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ កីឡាករមានឥទ្ធិពល១០រូប បង្ហាញខ្លួនលើកដំបូង ក្នុងព្រឹត្តិការណ៍ World Cup

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៤ នាទី មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង១ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ២ ម៉ោង មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម