Messi និយាយអ្វីខ្លះ ក្រោយចាញ់ អារ៉ាប៊ីសាអូឌីត ​យប់មិញ?

ក្រោយចាញ់ការប្រកួតលទ្ធផល ២ ទល់​នឹង ១ ជាមួយនឹង អារ៉ាប៊ីសាអូឌីត កាលពីយប់មិញ កំពូលកីឡាករបាល់ទាត់ Lionel Messi បានពោលពាក្យឈឺចាលាក់ទុកនៅក្នុងចិត្តទៅកាន់ទស្សនិកជន ក៏ដូចជាអ្នកគាំទ្ររបស់ក្រុមជម្រើសជាតិអាហ្សង់ទីន។

នៅក្នុង​ការ​ប្រកួត World Cup 2022 នៅឯពហុកីឡដ្ឋាន Lusail ប្រទេស កាតា ​នា​យប់​ថ្ងៃ​ទី២២ ខែ​វិច្ឆិកា ក្រុម​ជម្រើស​ជាតិអាហ្សង់ទីន មិនទទួលជោគជ័យឡើយ បន្ទាប់ពីប៉ះគ្នាជាមួយក្រុមជម្រើសជាតិ អារ៉ាប៊ីសាអូឌីត ដែលក្រោយពីនេះអ្នកសារព័ត៌មានបានសួរនាំជុំវិញ​អារម្មណ៍របស់កំពូលកីឡាករ Messi ហើយលោកបានផ្ដល់បទសម្ភាសន៍ពីការសោកស្ដាយរបស់ខ្លួន។

ប្រភពពី Fox News បានដកស្រង់សម្ដី Messi ថា “ជាការ​ពិត ពួកយើង​ដូច​ជា​ស្លាប់​អ៊ីចឹង! វា​ពិត​ជា​បរាជ័យ​ដ៏​ធំ​បំផុត​មួយ ព្រោះ​​យើង​មិន​រំពឹង​លទ្ធបែប​នេះ​ឡើយ។ ប៉ុន្តែយើង​គ្មាន​អ្វី​ត្រូវ​ដោះសារ​ទេ! ពួកយើង​នឹង​រួបរួម​គ្នា​ឱ្យ​បាន​ល្អ​ជាង​នេះ​ទៀត”។ បន្ទាប់ពីពោលពាក្យ​អាក់អន់​ចិត្ត​ទាំងនេះរួច Messi ​បាន​ស្នើឱ្យអ្នកគាំទ្របន្តការជឿជាក់លើក្រុមរបស់លោក ហើយលោកនិងសមាជិកនឹងបង្កើនការខំប្រឹងបន្ថែមទៀត៕

ប្រែសម្រួល៖ សន្យា

ចុចអាន៖ ចាញ់ អារ៉ាប៊ីសាអូឌីត មែន តែ Messi បង្កើតកំណត់ត្រាបានមួយ កាលពីយប់មិញ

ចុចអាន៖ កីឡាករក្មេងបំផុត នៅក្នុងការប្រកួត World Cup 2022 កំពុងទាក់ទាញហ្វេនស្ទើរពាសពេញពិភពលោក