កីឡា
អ្នកគាំទ្របាល់ទាត់ យកបង្គោល រត់ចូលទីលានទៅវាយអ្នកចាំទីពីក្រោយ ពេញទំហឹង
ការប្រកួតបាល់ទាត់ក្នុងស្រុកមួយនៅប្រទេសតួកគី បានប្រែក្លាយទៅជាអំពើហិង្សា បន្ទាប់ពីអ្នកគាំទ្រម្នាក់ ចូលទៅក្នុងទីលានក្នុងការប្រកួតលីគ រវាងក្លិប Goztepe និង Altay។
ជំនួបរវាងក្រុមទាំងពីរ ក្នុងក្របខណ្ឌទី២ TFF បានបញ្ចប់ទៅដោយភាពច្របូកច្របល់ ខណៈអ្នកចាំទី Ozan Evrim Ozenc របស់ក្លិប Altay ត្រូវរងការវាយប្រហារយ៉ាងពេញទំហឹង។
អ្នកចាំទីកំពុងជជែកជាមួយមិត្តរួមក្រុមរបស់គាត់ បន្ទាប់ពីការប្រកួតត្រូវបានបញ្ឈប់ ដើម្បីឲ្យរថយន្តសង្គ្រោះបន្ទាន់ចូលទៅក្នុងទីលាន ដើម្បីជួយអ្នករបួស។
Ozenc វ័យ២៩ឆ្នាំ មិនបានដឹងពីអ្វីដែលនឹងកើតឡើងនៅពីក្រោយគាត់ទេ ខណៈអ្នកគាំទ្ររត់ចូលទីលាន ដោយមានកាន់បង្គោល យកទៅវាយគាត់។
ការដែលអនុញ្ញាតឲ្យអ្នកគាំទ្ររត់ចូលទីលានដោយគ្មានការរំខាន បានបង្កឲ្យមានក្តីព្រួយបារម្ភអំពីសុវត្ថិភាពកីឡាករ ខណៈឧបទ្ទវហេតុនេះ បានចោទជាសំណួរ អំពីបញ្ហាអ្នកគាំទ្រនៅកន្លែងនានាទូទាំងពិភពលោក។
អ្នកចាំទី ត្រូវបានបញ្ជូនទៅមន្ទីរពេទ្យដើម្បីពិនិត្យបន្ថែមលើរបួសក្បាលរបស់គាត់ បន្ទាប់មកលោកអាជ្ញាកណ្តាល Emre Kargin ក៏បានប្រកាសផ្អាកការប្រកួត។
ទាក់ទងឧប្បត្តិហេតុនេះ ក្លិប Goztepe បានអំពាវនាវឲ្យដាក់ទណ្ឌកម្មអ្នកគាំទ្ររូបណាដែលធ្វើសកម្មភាពគ្រោះថ្នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ វីដេអូថតជាប់ អ្នកគាំទ្រអាហ្សង់ទីន និងម៉ិកស៊ិក វាយគ្នាបែកឈាម ក្នុងកីឡដ្ឋាន កាតា
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន