វីដេអូថតជាប់ អ្នកគាំទ្រអាហ្សង់ទីន និងម៉ិកស៊ិក វាយគ្នាបែកឈាម ក្នុងកីឡដ្ឋាន កាតា

វីដេអូដ៏គួរឲ្យរន្ធត់មួយ បង្ហាញពីអ្នកគាំទ្រអាហ្សង់ទីនហូរឈាម ត្រូវបានគេនាំចេញ បន្ទាប់ពីមានការវាយតប់គ្នាជាមួយអ្នកគាំទ្រម៉ិកស៊ិក ក្នុងកីឡដ្ឋាន អំឡុងការប្រកួតរវាងជម្រើសជាតិទាំង២ កាលពីថ្ងៃសៅរ៍ទី២៦ខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីនោះមិនបានប៉ុន្មានផង វីដេអូ​នៃ​ការប្រទូសរ៉ាយ​បង្ហូរឈាម​ក្នុង​កីឡដ្ឋាន Lusail Iconic នៅ​ប្រទេស​កាតា ត្រូវបានគេចែកចាយព្រោងព្រាត។

អ្នកគាំទ្រមិនស្គាល់អត្តសញ្ញាណម្នាក់ ដែលជាបុរសវ័យកណ្តាល ហាក់ដូចជាកំពុងព្យាយាមផ្ញើសារចេញពីទូរស័ព្ទដៃរបស់គាត់ ខណៈគាត់ត្រូវបានគេនាំចេញពីកន្លែងអង្គុយទស្សនា។

អំពើហិង្សាក្នុងកីឡដ្ឋាននេះ បានផ្ទុះឡើងបន្ទាប់ពីអាហ្សង់ទីន រកបានគ្រាប់បាល់ទីពីរ ទល់នឹងម៉ិកស៊ិក​ ក្នុងការប្រកួតដ៏តានតឹងនៃពូល C។

គួរបញ្ជាក់ថា ក្នុងពូល C នេះ ប៉ូឡូញ កំពុងមាន៤ពិន្ទុ ឈរលេខ១ ខណៈអាហ្សង់ទីនឈរលេខ២ មាន៣ពិន្ទុ អារ៉ាប៊ីសាអូឌីត ឈរលេខ៣មាន ៣ពិន្ទុ ចំណែក ម៉ិកស៊ិក នៅបាតតារាង មាន១ពិន្ទុ។

សម្រាប់ការប្រកួតបន្ទាប់ ប៉ូឡូញ ត្រូវប៉ះ អាហ្សង់ទីន ខណៈ អារ៉ាប៊ីសាអូឌីត ត្រូវប៉ះ ម៉ិកស៊ិក។ ក្រុមទាំងអស់សុទ្ធតែត្រូវការឈ្នះរៀងៗខ្លួន ដើម្បីមានឱកាសឡើងទៅកាន់វគ្គបន្ទាប់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មិនសរសើរមិនបាន! អ្នកគាំទ្រជប៉ុន នៅតែធ្វើឲ្យពិភពលោក កោតស្ញប់ស្ញែង