Connect with us

កីឡា

លោក Conor Nestor រីករាយក្នុងការត្រលប់មករកជ័យជម្នះវិញសម្រាប់ ព្រះខ័នរាជស្វាយរៀង

បានផុស

នៅ

ក្លិប​បាល់ទាត់​ព្រះខ័ន​រាជ​ស្វាយរៀង បាន​ត្រលប់​មក​រក​ជ័យជម្នះ​វិញ​ក្នុង​ពានរង្វាន់​ខេ​ម​បូ​ឌា​ន​ព្រី​មៀ​រលីគ (Cambodian Premier League) ឆ្នាំ ២០២២ ក្រោយ​យកឈ្នះ​ដោយ​លទ្ធផល ២-១ លើ​ក្លិប​បឹងកេត នា​ជំនួប​សប្ដាហ៍​ទី ២៦ នៃ​ជុំ​ទី ៤ កាលពី​ចុង​សប្ដាហ៍​កន្លងទៅ ក្រោយ​ចាញ់ ៤ សប្ដាហ៍​ជាប់ៗ​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូបង្វឹក​ព្រះខ័ន​រាជ​ស្វាយរៀង លោក Conor Nestor បាន​ឲ្យ ‘​កម្ពុជា​ថ្មី​’ ដឹង​ថា «កាលពី​សប្ដាហ៍​មុន អ្វី​ដែល​សំខាន់​គឺ​យើង​វិល​ត្រលប់​ទៅ​រក​ភាព​ឈ្នះ​វិញ។ នៅ​ពេល​ដែល​ទម្រង់​លេង​របស់​អ្នក​មិនល្អ ទំនុក​ចិត្ត​របស់​អ្នកមាន​កម្រិត​ទាប ដូច្នេះ​ខ្ញុំ​មាន​មោទនភាព​ចំពោះ​កីឡាករ​របស់​យើង​សម្រាប់​ការ​ត្រលប់​មកវិញ»។

ជាមួយ​នឹង​លទ្ធផល​មិនល្អ​នៅ ៤ ប្រកួត​ចុងក្រោយ លោក Conor ក៏បាន​និយាយ​ពី​បញ្ហា​ផង​ដែរ ដោយ​លោក​ថា «ទេ! តាម​ពិត​ទៅ ខ្ញុំ​មាន​អារម្មណ៍​ថា យើង​មិនបាន​លេង​មិនល្អ​នៅ​ក្នុង​ប្រកួត​ជា​ច្រើន​នោះ​ទេ។ ក្នុង​ការ​ប្រកួត ១-០ ទល់នឹង​ភ្នំពេញ​ក្រោន យើង​លេង​មិនបាន​ល្អ បន្ទាប់ពី​គេ​ទទួល​បាន​កាត​ក្រហម ប៉ុន្តែ​មុន​នោះ វា​គឺជា​ការប្រកួត​ដ៏​អស្ចារ្យ​រវាង​ក្រុម​ល្អ​ទាំងពីរ។ ការប្រកួត​ទល់នឹង​ភ្នំពេញ​ក្រោន នៅ​ខេត្ត​ស្វាយរៀង គឺ​មិន​គួរ​ឲ្យ​ជឿ​ដែល​ការ​សម្រេចចិត្ត​នៅ​លើ​ទីលាន​ដោយ​មន្ត្រី​អាជ្ញាកណ្ដាល​បានសម្រេច​ការប្រកួត ដូច្នេះ​ខ្ញុំ​យល់​ចំពោះ​អារម្មណ៍​កីឡាករ​របស់ខ្ញុំ​ចំពោះ​ការប្រកួត​នោះ»។

«ដូចគ្នា​ដែរ​ការប្រកួត​មុន​នោះ​យើង​ស្មើនឹង​គូប្រកួត​របស់​យើង ប៉ុន្តែ​បាន​ធ្វើ​ឲ្យ​មាន​កំហុស​បុគ្គល​សំខាន់​មួយ​ក្នុង​ការ​ប្រកួត​នីមួយៗ ហើយ​ត្រូវ​បាន​ពិន័យ។ នោះ​បង្ហាញ​អ្នក​ពី​ការ​កើនឡើង នៃ​ស្តង់ដារ​ការប្រកួត​នៅ​ក្នុង​បាល់ទាត់​កម្ពុជា ការប្រកួត​មាន​កម្រិត​ខ្ពស់ ហើយ​កំហុស​មួយ​អាច​ធ្វើ​ឲ្យ​អ្នក​បាត់បង់​ពិន្ទុ»។ គ្រូ​បង្វឹក​សញ្ជាតិ​អៀរឡង់​ខាងជើង​រូប​នេះ​បាន​សង្កត់ធ្ងន់។

សូម​បញ្ជាក់​ថា ព្រះខ័ន​រាជ​ស្វាយរៀង បច្ចុប្បន្ន​កំពុង​ឈរ​នៅ​លេខ ៣ នៃ​តារាង​ចំណាត់ថ្នាក់ ដោយ​មាន​ពិន្ទុ​ស្មើគ្នា (៤៩ ពិន្ទុ) ទាំង ៣ ក្រុម ជាមួយ​ភ្នំពេញ​ក្រោ​ន និង​វិសាខា តែ​ភ្នំពេញ​ក្រោ​ន ឈរ​នៅ​ពី​លើ​ដោយសារ​នាំមុខ​លើ​រូបមន្ត Head To Head។ ការប្រកួត​សប្ដាហ៍​ចុងក្រោយ ថ្ងៃ​សៅរ៍​ខាងមុខនេះ គឺជា​ការប្រកួត​កាត់សេចក្ដី ដោយ​ព្រះខ័ន​រាជ​ស្វាយរៀង ត្រូវ​ជួប វិសាខា ខណៈ ភ្នំពេញ​ក្រោ​ន ជួប បឹងកេត៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣៤ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤៣ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៥១ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម