មិនថោកទេ តម្លៃសំបុត្រ​ចូលទស្សនា World Cup នៅ កាតា 

ការប្រកួតបាល់ទាត់ពានរង្វាន់ពិភពលោកឆ្នាំ២០២២ ដែលរៀបចំឡើងក្នុងប្រទេសកាតា បានឈានដល់វគ្គ១៦ក្រុមចុងក្រោយហើយ។

រាត្រីនេះមាន២គូ ដោយនៅម៉ោង២២:០០ គឺជំនួបរវាងហូឡង់ និងសហរដ្ឋអាមេរិក ចំណែកនៅម៉ោង ២:០០រំលងអធ្រាត្រគឺជំនួបរវាង អាហ្សង់ទីន និងអូស្រ្តាលី។

ចាប់ពីវគ្គនេះទៅ ការប្រកួតធានាថានឹងកាន់តែជក់ចិត្ត ដោយមនុស្សរាប់លាននាក់នៅលើភពផែនដី នឹងទស្សនាមិនហ៊ានប៉ប្រិចភ្នែកទាំងនៅលើកញ្ចក់ទូរទស្សន៍តាមគេហដ្ឋាន និងនៅក្នុងកីឡដ្ឋានផ្ទាល់។

ដូច្នេះហើយ ថ្ងៃនេះ កម្ពុជាថ្មី សូមបង្ហាញជូនលោកអ្នក ឲ្យដឹងពីតម្លៃសំបុត្រការប្រកួត World Cup 2022 នៅកាតា ចាប់ពីវគ្គ១៦ក្រុមចុងក្រោយ ដល់វគ្គផ្តាច់ព្រ័ត្រ៖

• វគ្គ១៦ក្រុមចុងក្រោយ៖ Cat 1 – ២៧៥ដុល្លារ; Cat 2 – ២០៥ដុល្លារ; Cat 3 – ៩៦ដុល្លារ; Cat 4 – ១៩ដុល្លារ
• វគ្គ៨ក្រុមចុងក្រោយ៖ Cat 1 – ៤២៥ដុល្លារ; Cat 2 – ២៨៨ដុល្លារ; Cat 3 – ២០៥ដុល្លារ; Cat 4 – ៨២ដុល្លារ
• វគ្គ៤ក្រុមចុងក្រោយ៖ Cat 1 – ៩៥៥ដុល្លារ; Cat 2 – ៦៦០ដុល្លារ; Cat 3 – ៣៥៧ដុល្លារ; Cat 4 – ១៣៧ដុល្លារ
• វគ្គដណ្តើមយកលេខ៣៖ Cat 1 – ៤២៥ដុល្លារ; Cat 2 – ៣០២ដុល្លារ; Cat 3 – ២០៥ដុល្លារ; Cat 4 – ៨២ដុល្លារ
• វគ្គផ្តាច់ព្រ័ត្រ៖ Cat 1 – ១៦០៦ដុល្លារ; Cat 2 – ១០០២ដុល្លារ; Cat 3 – ៦០៥ដុល្លារ; Cat 4 – ២០៥ដុល្លារ

ប្រែសម្រួល៖ Vann Vann

ប្រភព៖ The National News

ចុចអាន៖ មិនទាន់ដឹងអីផង អ្នកគាំទ្រអង់គ្លេស ទិញសំបុត្រវគ្គផ្តាច់ព្រ័ត្រ World Cup រួចទៅហើយ