កីឡា

កម្ពុជានឹងហោះទៅប្រកួតជាមួយម៉ាឡេស៊ី យប់ថ្ងៃទី៧ ខែធ្នូនេះ

បានផុស

២ years មុន

នៅ

ថ្ងៃចន្ទ ៥ ធ្នូ ២០២២

ដោយ

ក្រុមបាល់ទាត់ជម្រើសជាតិកម្ពុជានឹងធ្វើដំណើរទៅប្រទេសម៉ាឡេស៊ី នាយប់ថ្ងៃទី៧ ខែធ្នូ ឆ្នាំ២០២២ នេះដើម្បីប្រកួតមិត្តភាពអន្តរជាតិជាមួយក្រុមជម្រើសជាតិម៉ាឡេស៊ី នៅថ្ងៃទី៩ ខែធ្នូ ឆ្នាំដដែល។

បញ្ជីឈ្មោះក្រុមបាល់ទាត់ជម្រើសជាតិទើបតែចេញជាសាធារណៈកាលពីព្រឹកម្សិលមិញនេះ ហើយនឹងចាប់ផ្តើមហ្វឹកហាត់តែម្តងនៅថ្ងៃទី៥ ខែធ្នូនេះនៅកីឡដ្ឋានរបស់ក្លឹបព្រះខ័នរាជស្វាយរៀង និងបន្តហ្វឹកហាត់នៅថ្ងៃទី៦ មុនពេលធ្វើដំណើរមករាជធានីភ្នំពេញវិញដើម្បីចូលរួមពិធីប្រគល់ពានរង្វាន់ក្រុម និងឯកត្តជននៃជម្រើសជើងឯកខេមបូឌានព្រីមៀរលីគនៅល្ងាចថ្ងៃទី៧ ខែធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចប់ទទួលពានរង្វាន់ ក្រុមជម្រើសជាតិនឹងចេញដំណើរភ្លាមទៅប្រទេសម៉ាឡេស៊ីទាំងយប់ដើម្បីប្រកួតមិត្តភាពអន្តរជាតិ។ ដូច្នេះមានន័យថា ក្រុមជម្រើសជាតិកម្ពុជាប្រមូលហ្វឹកហាត់បានតែពីរថ្ងៃប៉ុណ្ណោះសម្រាប់ការត្រៀមខ្លួនប្រកួតជាមួយម៉ាឡេស៊ីដែលគ្រោងធ្វើនៅថ្ងៃទី៩ ខែធ្នូ។

ក្រោយប្រកួតកម្តៅសាច់ដុំជាមួយម៉ាឡេស៊ី កម្ពុជាមានរយៈពេលតែ១០ថ្ងៃប៉ុណ្ណោះដើម្បីហ្វឹកហាត់ត្រៀមប្រកួតពានរង្វាន់ AFF Cup ដែលនឹងចាប់ផ្តើមប្រកួតពីថ្ងៃទី២០ ខែធ្នូនេះ។ កម្ពុជា ស្ថិតនៅពូល A ជាមួយក្រុមខ្លាំងថៃ ហ្វីលីពីន ឥណ្ឌូណេស៊ី និងព្រុយណេ។

កម្មវិធីប្រកួតរបស់កម្ពុជា