ក្រុមហ៊ុនអាកាសចរណ៍ម៉ារ៉ុក រៀបចំជើងហោះហើរពិសេស ដឹកហ្វេនៗ ទៅគាំទ្រដល់ កាតា (មានវីដេអូ)

ក្រុមហ៊ុនអាកាសចរណ៍ Royal Air Maroc របស់ប្រទេសម៉ារ៉ុក នឹងដំណើរការជើងហោះហើរពិសេសចំនួន៣០ ដើម្បីដឹកអ្នកគាំទ្របាល់ទាត់ចេញពីទីក្រុង Casablanca ទៅកាន់ទីក្រុង Doha សម្រាប់ការប្រកួតវគ្គពាក់កណ្តាលផ្តាច់ព្រ័ត្រ World Cup នៅថ្ងៃពុធជាមួយក្រុមជម្រើសជាតិបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនអាកាសចរណ៍នេះនិយាយថា ជើងហោះហើរនឹងចេញដំណើរនៅថ្ងៃអង្គារ និងថ្ងៃពុធ។

អ្វីដែលជាក្តីរីករាយដល់ប្រជាជនម៉ារ៉ុក ហើយមិនត្រឹមតែសម្រាប់អ្នកគាំទ្របាល់ទាត់ប៉ុណ្ណោះទេ ប្រទេសនេះបានក្លាយជាប្រទេសដំបូងគេ ក្នុងទ្វីបអាហ្រ្វិកដែលឈានទៅដល់វគ្គពាក់កណ្តាលផ្តាច់ព្រ័ត្រនៃពានរង្វាន់បាល់ទាត់ពិភពលោកឆ្នាំ២០២២ នៅកាតា។

គួរបញ្ជាក់ថា អ្នកគាំទ្រក្នុងការធ្វើដំណើរកញ្ចប់តម្លៃពិសេសនេះ នឹងត្រូវទៅចូលរួមជាមួយជនជាតិម៉ារ៉ុករាប់ពាន់នាក់ទៀត ដែលគាំទ្រការប្រកួតបាល់ទាត់នៅទីក្រុង Doha រួចទៅហើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ ផ្ទុះការជជែកបែកផ្សែងពេញពិភពលោក រឿងយកអាជ្ញាកណ្តាលអាហ្សង់ទីន កាត់សេចក្តីក្នុងជំនួប ព័រទុយហ្គាល់-ម៉ារ៉ុក