កីឡា
វិភាគ ព្យាករលទ្ធផល ជម្រើស១១នាក់ អាហ្សង់ទីន vs ក្រូអាត យប់នេះ
ក្រុមបាល់ទាត់ជម្រើសជាតិអាហ្សង់ទីនត្រូវតទល់នឹងជម្រើសជាតិក្រូអាត ជើងឯកពិភពលោក វគ្គពាក់កណ្តាលផ្តាច់ព្រ័ត្រម៉ោង២យប់នេះ ដើម្បីរកឱកាសទៅវគ្គផ្តាច់ព្រ័ត្រ នៅប្រទេសកាតា។
ការប្រកួតធ្វើកីឡដ្ឋាន Lusail Iconic ដែលជាទីលានប្រកួតលើកដំបូងសម្រាប់ក្រូអាតក្នុង World Cup ឆ្នាំនេះ ប៉ុន្តែជាលើកទី៤សម្រាប់អាហ្សង់ទីន បន្ទាប់ពីលើកទី១ចាញ់ អារ៉ាប៊ីសាអូឌីត ២-១, លើកទី២ ឈ្នះ ម៉ិកស៊ិក ២-០ និងលើកទី៣ឈ្នះប៉េណាល់ទី៤-៣ លើហូល្លង់។
ព័ត៌មានក្រុម
ខ្សែការពារអាហ្សង់ទីន Gonzalo Montiel និង Marcos Acuna ជាប់ពិន័យកាតលឿងពីរដងជាប់គ្នាមិនអាចលេងបានទេ។ Nicolas Tagliafico និង Scaloni អាចបន្តតំបន់ការពារបាន។ Alejandro Gomez អាចនឹងបង្ហាញខ្លួនយប់នេះ ដោយសារជាសះស្បើយពីរបួសហើយ ខណៈ Rodrigo De Paul និង Angel Di Maria ដែលមានបញ្ហារបួសតិចតួចទំនងជាមានវត្តមានដែរ។
លោក Scaloni បានធ្វើការផ្លាស់ប្តូរពេលប៉ះហុល្លង់វគ្គ៨ក្រុមចុងក្រោយជាមួយខ្សែការពារ៥រូប ដោយមានវត្តមាន Lisandro Martinez ធ្វើបានល្អ ហើយរូបគេអាចលេងបានទៀតយប់នេះ។
ចំណែកគ្រូអាតវិញ លោក Dalic ពិតជាសំណាងណាស់ដែលមានក្រុមពោរពេញដោយឆន្ទៈក្នុងការទទួលបានជ័យជម្នះលើជើងខ្លាំងប្រេស៊ីល ហើយកូនក្រុមគ្មានបញ្ហាអ្វីធំដុំទេសម្រាប់រាត្រីនេះ។ បន្ថែមលើនេះ Borna Sosa និង Mislav Orsic មានសុខភាពល្អប្រសើរឡើងវិញហើយ។
កំពុងមុតស្រួចនៅតំបន់រកគ្រាប់បាល់ លោក Dalic ជឿជាក់លើខ្សែបម្រើប្រយុទ្ធស្លាប Mario Pasalic ជាមួយខ្សែប្រយុទ្ធ Andrej Kramaric ដែលជាអ្នករកគ្រាប់បាល់តាមស្មើប្រេស៊ីល។
កីឡាករគួរឲ្យចាប់អារម្មណ៍
- Lionel Messi ជាតារាឆ្នើមដែលអ្នកគាំទ្រទូទាំងពិភពលោកកំពុងរង់ចាំមើលថាតើរូបគេធ្វើឲ្យសុបិនក្លាយជាការពិតសម្រាប់ជម្រើសជាតិអាហ្សង់ទីនដែរឬទេ។ កីឡាករវ័យ៣៥ឆ្នាំរូបនេះធ្វើបានល្អដោយរកបានគ្រាប់បាល់ និង assist ថែមទៀត ហើយក៏ជាបេក្ខភាពម្នាក់ដែលអាចប្រជែងស្បែកជើងមាសដែរ។
- ពិតណាស់ពិភពលោកកំពុងផ្តោតអារម្មណ៍លើ Luka Modric ប្រធានក្រុមក្រូអាត ប៉ុន្តែមិនអាចមើលរំលងខ្សែបម្រើការពារ Marcelo Brozovic ដែលជាអ្នកនាំលេងដ៏សំខាន់បានទេ។ រូបគេក៏អាចក្លាយជារបាំងថ្មដ៏ធំក្នុងការរារាំង Messi។ Brozovic បោះបាល់បានដល់៩៦ដងពេលប៉ះប្រេស៊ីល។
ប្រវត្តិជួបគ្នា
យប់នេះគឺជាការជួបគ្នាលើកទី៣ក្នុងព្រឹត្តិការណ៍ World Cup រវាងជម្រើសជាតិទាំងពីរនេះ។
- លើកទី១ វគ្គសន្សំពិន្ទុក្នុងពូល អាហ្សង់ទីន បានឈ្នះ ក្រូអាត ១-០ នៅឆ្នាំ១៩៩៨។
- លើកទី២ វគ្គសន្សំពិន្ទុក្នុងពូលដូចគ្នា ក្រូអាត លត់ អាហ្សង់ទីន ៣-០ នៅឆ្នាំ ២០១៨។
- លើកទី៣ នេះជាឱកាស អាហ្សង់ទីន សងសឹក ប៉ុន្តែមិនអាចមើលស្រាលក្រូអាតបានឡើយ បើពុំនោះទេអាចទឹកភ្នែក។
ជម្រើស១១នាក់ដំបូង
- អាហ្សង់ទីន អាចដាក់ជម្រើស១១នាក់ដំបូង៖ E. Martinez; Molina, Romero, Otamendi, Tagliafico; Fernandez, De Paul, Mac Allister; Di Maria, Messi និង Alvarez។
- ក្រូអាត អាចដាក់ជម្រើស១១នាក់ដំបូង៖ Livakovic; Juranovic, Gvardiol, Lovren, Sosa; Modric, Brozovic, Kovacic; Pasalic, Kramaric និង Perisic។
គ្រាប់បាល់អាច អាហ្សង់ទីន ២-១ ក្រូអាត
ការប្រកួតនេះប្រុងប្រយ័ត្នរៀងៗខ្លួនដោយមិនសម្រុកគ្នាទៅវិញមកខ្លាំងទេ ហើយអាចអូសបន្លាយដល់៩០នាទី និងថែម១៥នាទីពីរដង។ មុនការប្រកួយតាមការព្យាករ អាហ្សង់ទីនមានឱកាសឈ្នះ ៥៥.៨% ខណៈក្រូអាតមានឱកាសឈ្នះត្រឹមតែ១៧.៩%។ យ៉ាងណា ការប្រកួតនេះនឹងមិនអាចប៉េណាល់ទីកាត់សេចក្តីទេគឺអាហ្សង់ទីនអាចឈ្នះក្រូអាត ២-១៕
ប្រែសម្រួល៖ វីរបុត្រ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២៣ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន