ប្រធាន FIFA ចង់ឲ្យ World Cup លេង ៣ឆ្នាំម្តង

ប្រធាន FIFA លោក Gianni Infantino ចង់រៀបចំការប្រកួតពានរង្វាន់ World Cup រៀងរាល់បីឆ្នាំម្តង ដែលជាផ្នែកនៃផែនការរយៈពេលវែង ដើម្បីធ្វើបដិវត្តបាល់ទាត់អន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពជោគជ័យផ្នែកពាណិជ្ជកម្ម និងកីឡាសម្រាប់ព្រឹត្តិការណ៍នៅប្រទេសកាតា បានជំរុញទឹកចិត្តដល់លោក Infantino ដែលបានបង្ហាញពីមហិច្ឆតាដ៏ធំរបស់គាត់កាលពីសប្តាហ៍មុន តាមរយៈការប្រកាសថា ពានរង្វាន់ Club World Cup កាន់តែធំនឹងប្រព្រឹត្តទៅនៅឆ្នាំ២០២៥ បើទោះបីជាមិនទទួលបានការគាំទ្រពីកីឡាករ ក្លិប និងសហព័ន្ធអន្តរជាតិក៏ដោយ។ .

លោក Infantino ជឿជាក់​ថា​ ការ​រៀបចំ​ព្រឹត្តិការណ៍ World Cup នៅតំបន់មជ្ឈិមបូព៌ា ដែលត្រូវនឹង​ពាក់​កណ្តាល​រដូវរងា​នៅ​អឺរ៉ុប ​បាន​បង្ហាញ​ថា​ជា​ការ​ផ្លាស់ប្តូរ​ហ្គេម​ ដែលបញ្ជាក់​ថា ​កីឡា​អាច​បន្ត​រីក​ចម្រើន​និង​ជា​សកល។

មហិច្ឆតារយៈពេលវែងរបស់លោក Infantino គឺបង្កើតវដ្ដការប្រកួត ដោយក្នុងនោះពានរង្វាន់ World Cup នឹងត្រូវធ្វើឡើងរៀងរាល់៣ឆ្នាំម្តង ហើយការប្រកួត Club World Cup និងការប្រកួតតាមទ្វីបដូចជាពានរង្វាន់ European Championship នឹងត្រូវប្រារព្ធឡើងក្នុងឆ្នាំផ្សេងទៀត។

ទោះបីជាយ៉ាងណាក៏ដោយ មិនទាន់មានការផ្លាស់ប្តូរភ្លាមៗទេ រហូតដល់ក្រោយការប្រកួតបាល់ទាត់ពិភពលោកឆ្នាំ២០៣០ឯណោះ ព្រោះថា កិច្ចពិភាក្សារវាងភាគីពាក់ព័ន្ធជុំវិញប្រតិទិនអន្តរជាតិឆ្នាំ ២០២៤ ដល់ឆ្នាំ២០៣០ ជិតនឹងបញ្ចប់ហើយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ FIFA បង្ហាញចំនួន អ្នកចូលរួមទស្សនាផ្ទាល់ ក្នុងវគ្គចែកពូល World Cup 2022