កីឡា
អ្នកចាត់ការជម្រើសជាតិថៃ ប្រកាសផ្ដល់ប្រាក់ផ្ទាល់ខ្លួន ១៤ ម៉ឺនដុល្លារ បើក្រុមបានឡើងដល់វគ្គ ១/២ ផ្ដាច់ព្រ័ត្រ AFF Cup
អ្នកចាត់ការទូទៅក្រុមជម្រើសជាតិថៃ លោកស្រី Nualphan Lamsam ឬហៅ Madame Pang ប្រកាសផ្ដល់ប្រាក់ ៥ លានបាត (ប្រមាណ ១៤ ម៉ឺនដុល្លារអាមេរិក) បើចូលដល់វគ្គពាក់កណ្ដាលផ្ដាច់ព្រ័ត្រ ឬ ១/២ ផ្ដាច់ព្រ័ត្រ ក្នុងពានរង្វាន់ AFF Mitsubishi Electric Cup 2022។
ពានរង្វាន់បាល់ទាត់អាស៊ាន AFF Mitsubishi Electric Cup 2022 ក្រុមជម្រើសជាតិថៃ គឺជាក្រុមការពារតំណែងជើងឯក ហើយនៅឆ្នាំនេះ ការប្រកួតបានចាប់ផ្ដើម ២ ប្រកួតរួចហើយ (ថៃ ទើបប្រកួតបាន ១ ប្រកួត) ដោយក្រុមរហស្សនាម ដំរីសឹក ស្ថិតក្នុងពូល A បានឈ្នះក្នុងការប្រកួតដំបូងវគ្គចែកពូលជួបជាមួយ ព្រុយណេ ដែលក្រោយមក Madam Pang ហ៊ានចំណាយប្រាក់ផ្ទាល់ខ្លួន ៥ លានបាត (ប្រមាណ ១៤៣,៨៤៣ ដុល្លារអាមេរិក) ទៅឲ្យក្រុមជម្រើសជាតិថៃ បើឆ្លងដល់វគ្គពាក់កណ្ដាលផ្ដាច់ព្រ័ត្រជើងឯកអាស៊ាន។
លោកស្រី Nualphan Lamsam អ្នកចាត់ការទូទៅក្រុមជម្រើសជាតិថៃ បានប្រកាសតាមរយៈ Facebook ផ្ទាល់ខ្លួនដោយមានខ្លឹមសារបញ្ជាក់ថា «ក្រៅពីប្រវត្តិ នៃកិត្តិយស និងមោទនភាព បើនិយាយពីការលើកទឹកចិត្តវិញ វាមានសារៈសំខាន់ណាស់។ វានឹងជួយជំរុញឲ្យឈានដល់គោលដៅ។ ដូច្នេះហើយ ត្រៀមចំណាយលុយផ្ទាល់ខ្លួន ៥ លានបាត សម្រាប់គោលដៅទី ១ ប្រសិនបើក្រុមជម្រើសជាតិថៃ អាចឆ្លងទៅវគ្គពាក់កណ្ដាលផ្ដាច់ព្រ័ត្របានដោយជោគជ័យ ក្នុងការប្រកួតជើងឯកអាស៊ាន ឆ្នាំ ២០២២»។
ថៃ នឹងវិលទៅប្រកួតនៅថ្ងៃប្រកួតទី ៣ នៃពានរង្វាន់ AFF Mitsubishi Electric Cup នាថ្ងៃចន្ទនេះ ដោយប៉ះ ហ្វីលីពីន នៅម៉ោង ១៩ និង ៣០ យប់ នៅកីឡដ្ឋាន Thammasat ខណៈថ្ងៃនេះ កម្ពុជា សម្រាក។ ពួកគេនឹងជួបគោព្រៃកម្ពុជា នៅថ្ងៃចុងក្រោយ (ថ្ងៃប្រកួតទី ៥) នាថ្ងៃទី ០២ ខែមករា ឆ្នាំ ២០២៣ ខាងមុខ នាទីក្រុងបាងកក៕
ប្រភព ៖ siamsports.com
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ