កីឡា

ធឿន ធារ៉ា ប៉ះ ម្ចាស់ខ្សែក្រវាត់ WBC ស្អែកល្បីដល់ស្តេចប្រដាល់ Buakaw

បានផុស

២ years មុន

នៅ

ថ្ងៃសុក្រ ៣០ ធ្នូ ២០២២

ដោយ

ម្ចាស់ខ្សែក្រវាត់ Thai Fight ក្តៅៗ ធឿន ធារ៉ា នឹងទទួលស្វាគមន៍ជើងខ្លាំងថៃ Beckham Bigwin នៅថ្ងៃទី៣១ ខែធ្នូ ស្អែកនេះនៅសង្វៀនមួយក្នុងរាជធានីភ្នំពេញ ដែលបានធ្វើឲ្យស្តេចប្រដាល់ថៃ Buakaw Banchamek ចាប់អារម្មណ៍យ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផេកផ្លូវការក្លឹប Banchamek Gym របស់កំពូលអ្នកប្រដាល់ថៃ Buakaw Banchamek ដែលរូបគេក៏បានចែករំលែកព័ត៌មានប្រដាល់នេះដែរបាននិយាយថា ៖«នៅថ្ងៃទី៣១ ខែធ្នូនេះសូមចូលរួមលើកទឹកចិត្តដល់ Beckham។ ច្បាស់ណាស់ រូបគេនឹងមិនធ្វើឲ្យអ្នកគាំទ្រខកចិត្តឡើយ ហើយនឹងធ្វើឲ្យកក្រើកស្រុកខ្មែរ»។

ឈ្មោះ Beckham BigWin ដែលប្រើតាមក្លឹបរបស់ខ្លួន ប៉ុន្តែឈ្មោះដែលរូបគេប្រើកន្លងមកThanapat Tonphosi ជាម្ចាស់ខ្សែក្រវាត់មួយថៃ WBC និងមេដាយមាសឃីកបុកស៊ីង ពីកីឡាស៊ីហ្គេម ឆ្នាំ២០២១ (លើកមកឆ្នាំ២០២២) នៅប្រទេសវៀតណាម។

តាមពិតទៅរូបគេធ្លាប់ប្រកួតជាមួយកីឡាករកម្ពុជា ឈឿង ល្វៃ ពីរដងហើយ។ កាលស៊ីហ្គេមនៅប្រទេសវៀតណាម រូបគេបានឈ្នះ ល្វៃ ដោយពិន្ទុ វគ្គផ្តាច់ព្រ័ត្រ យកបានមេដាយមាស ប៉ុន្តែកាលពីពេលថ្មីៗនេះរូបគេបានចាញ់ ល្វៃ វគ្គពាក់កណ្តាលផ្តាច់ព្រ័ត្រក្នុងការប្រកួតជើងឯកឃីកបុកស៊ីងអាស៊ី ឆ្នាំ២០២២ នៅប្រទេសថៃ ដែលរូបគេទទួលបានត្រឹមមេដាយសំរឹទ្ធ៕