កីឡា
ក្លិប Shakhtar ផ្ដល់ប្រាក់ ២០.៥ លានផោន ពីការលក់កីឡាករម្នាក់ទៅឲ្យ Chelsea ដល់ទាហាន អ៊ុយក្រែន
ប្រធានក្លិប Shakhtar Donetsk លោក Rinat Akhmetov បានបរិច្ចាគ £២០.៥ លានផោន នៃតម្លៃផ្ទេរដែលបានមកពីក្លិប Chelsea លើការលក់កីឡាករ Mykhaylo Mudryk ដល់កិច្ចខិតខំប្រឹងប្រែងសង្គ្រាមអ៊ុយក្រែន។

Chelsea បានដណ្ដើមឈ្នះ Arsenal ដើម្បីចុះហត្ថលេខាលើ Mudryk កាលពីថ្ងៃអាទិត្យ ហើយបានធ្វើពិធីបង្ហាញនៅឯកីឡដ្ឋាន Stamford Bridge ជាកន្លែងដែលពួកគេបានយកឈ្នះ Crystal Palace ១-០ ក្នុងក្របខ័ណ្ឌ Premier League។
Mudryk ដែលបានយល់ព្រមលើកិច្ចសន្យារយៈពេល ៨ ឆ្នាំកន្លះនោះ មានទង់ជាតិអ៊ុយក្រែនបានបិទលើស្មារបស់គេ ខណៈ Chelsea បានចំណាយប្រាក់ដំបូងចំនួន ៧០ លានអឺរ៉ូ (៦២ លានផោន) សម្រាប់ខ្សែបម្រើស្លាបរូបនេះ បូកបន្ថែមជាមួយនឹងទឹកប្រាក់ ៣០ លានអឺរ៉ូ (២៦.៥ លានផោន)។

លោក Akhmetov ដែលជាអ្នកជំនួញដែលមានជាងគេបំផុតរបស់អ៊ុយក្រែន យោងតាមទស្សនាវដ្ដី Forbes បានបញ្ជាក់យ៉ាងច្បាស់ថា បើគ្មានទាហានរបស់ប្រទេស គឺនឹងមិនមានបាល់ទាត់ទេ។ ដូច្នេះលោកបានធ្វើផែនការហិរញ្ញវត្ថុដោយចាប់ផ្ដើមគម្រោង Heart of Azovstal។
Azovstal គឺជារោងចក្រដែករបស់ Akhmetov នៅ Mariupol ជាកន្លែងដែលអ្នកប្រយុទ្ធអ៊ុយក្រែន បានប្រឆាំងនឹងការទម្លាក់គ្រាប់បែករបស់រុស្ស៊ីជាច្រើនសប្ដាហ៍មុនពេលទីក្រុងដួលរលំ។ Azovstal បានក្លាយជានិមិត្តរូប នៃភាពក្លាហាន ការស៊ូទ្រាំ និងស្មារតីមិនចេះអត់ធ្មត់របស់ប្រជាជនអ៊ុយក្រែន។
Akhmetov បាននិយាយថា “ខ្ញុំចង់អរគុណពិភពលោកដ៏ស៊ីវិល័យទាំងមូលដែលបានជួយអ៊ុយក្រែន” ។ “យើងអាចនិយាយបានតែអំពីបាល់ទាត់អ៊ុយក្រែន ដោយសារតែកងទ័ពអ៊ុយក្រែន ប្រជាជនអ៊ុយក្រែន និងការគាំទ្រយ៉ាងច្រើនដែលយើងមានក្នុងអំឡុងពេលដ៏លំបាកមិនគួរឲ្យជឿនេះ។ ហើយវិធីតែមួយគត់ដែលយើងអាចកម្ចាត់អំពើអាក្រក់ដែលបានមកផ្ទះរបស់យើងគឺដោយការសហការគ្នា”។
“ខ្ញុំបរិច្ចាគ ២៥ លានដុល្លារ (២០.៥ ផោន) នៃថ្លៃផ្ទេររបស់ Mykhaylo ដើម្បីជួយទាហាន អ្នកការពារ និងគ្រួសាររបស់ពួកគេ។ ប្រាក់នេះ នឹងត្រូវបានប្រើដើម្បីគ្របដណ្ដប់លើតម្រូវការផ្សេងៗគ្នា ចាប់ពីការផ្តល់ការព្យាបាលផ្នែកវេជ្ជសាស្ត្រ និងសិប្បនិម្មិត និងជំនួយផ្លូវចិត្ត រហូតដល់ការបំពេញសំណើជាក់លាក់។ វានឹងត្រូវបានគ្រប់គ្រងដោយក្រុមជំនាញវិជ្ជាជីវៈឯករាជ្យដែលនឹងធ្វើការជាមួយអ្នកការពារ Azovstal ក្រុមគ្រួសាររបស់ពួកគេ អ្នកផ្តល់សេវាថែទាំ និងអ្នកស្ម័គ្រចិត្ត”៕
ប្រភព ៖ theguardian.com
អត្ថបទ ៖ មន្នីរ័ត្ន
-
ជីវិតកម្សាន្ដ១ សប្តាហ៍ មុន
ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប
-
ជីវិតកម្សាន្ដ៦ ថ្ងៃ មុន
រៀមច្បង Anne បង្ហោះរូបជាមួយ Patricia ក្នុងន័យចង់មានផ្ទៃពោះដែរ
-
ជីវិតកម្សាន្ដ១ សប្តាហ៍ មុន
Bella ត្រូវមនុស្សទូទាំងប្រទេសថៃកោតសរសើរ ក្រោយនិយាយប្រយោគមួយឃ្លា
-
ជីវិតកម្សាន្ដ១ សប្តាហ៍ មុន
មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ
-
ជីវិតកម្សាន្ដ៧ ថ្ងៃ មុន
រូបរាងរបស់ Janie កំពុងរងការរិះគន់ថា ដូចមនុស្សទាស់សរសៃ
-
ជីវិតកម្សាន្ដ៦ ថ្ងៃ មុន
ទម្លាយទ្រព្យសម្បត្តិរបស់ Janie ដែលខំរកដោយដៃឯង
-
ជីវិតកម្សាន្ដ១ សប្តាហ៍ មុន
តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ
-
ជីវិតកម្សាន្ដ៥ ថ្ងៃ មុន
ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត