កីឡា
ប្រធាន AFF លោក ខៀវ សាម៉េត ប្រាប់ថា មេ FIFA សង្ឃឹមប្រទេសអាស៊ានទៅលេង World Cup 2026
កាលពីថ្ងៃទី១៦ ខែមករា ឆ្នាំ២០២៣ កន្លងទៅនេះ លោក Gianni Infantino ប្រធានសហព័ន្ធកីឡាបាល់ទាត់អន្តរជាតិ (FIFA) បានចូលរួមជាគណៈអធិបតីជាមួយលោក ខៀវ សាម៉េត ប្រធានសហព័ន្ធកីឡាបាល់ទាត់អាស៊ីអាគ្នេយ៍ (AFF) ក្នុងពិធីចែកពានរង្វាន់ដល់ក្រុមជយលាភីពានរង្វាន់ AFF Championship ឆ្នាំ២០២២ នៅប្រទេសថៃ។
វត្តមានរបស់ប្រមុខបាល់ទាត់អន្តរជាតិនៅតំបន់អាស៊ានបានធ្វើឲ្យអ្នកគាំទ្រមានការចាប់អារម្មណ៍ និងពិចារណាថា ប្រហែលជាមានសញ្ញាអ្វីមួយដែល FIFA ជួយលើកកម្ពស់វិស័យបាល់ទាត់នៅអាស៊ាន។ ពាក់ព័ន្ធនឹងកត្តានេះ លោក ខៀវ សាម៉េត ប្រធានសហព័ន្ធកីឡាបាល់ទាត់អាស៊ាន និងជាអនុប្រធានសហព័ន្ធកីឡាបាល់ទាត់កម្ពុជា (FFC) បានប្រាប់«កម្ពុជាថ្មី»ថា មិនមានអ្វីប្រកាសជាផ្លូវការទេ ហើយលោក Gianni ចូលរួមផ្តល់ពានរង្វាន់ជាការលើកទឹកចិត្ត។
លោក ខៀវ សាម៉េត មានប្រសាសន៍ថា ៖«លោក Gianni Infantino អញ្ជើញមកទីក្រុងបាងកកនេះគ្មានអ្វីថ្មីទេ។ លោកគ្រាន់តែអញ្ជើញចូលរួមក្នុងពិធីចែកពានរង្វាន់។ ជាទូទៅ សហព័ន្ធបាល់ទាត់អន្តរជាតិ FIFA មានកញ្ចប់ថវិកាជាជំនួយសម្រាប់ប្រទេសសមាជិកទាំងអស់ ក្នុងនោះក៏មានប្រទេសអាស៊ានជាសមាជិកផងដែរ»។
ទោះបីជាយ៉ាងណា ប្រមុខដឹកនាំ AFF បានបញ្ជាក់ថា ៖«គ្រាន់តែលោក (Gianni) ចូលរួមលើកទឹកចិត្តដល់ប្រទេសអាស៊ាន ជាពិសេសប្រទេសដែលមានវិស័យបាល់ទាត់នាំមុខគេដូចជា ថៃ និងវៀតណាម ជាដើមគឺថា អាចមានឱកាសទៅលេង World Cup លើកក្រោយគឺឆ្នាំ២០២៦ ដោយសារឆ្នាំ២០២៦ ចំនួនប្រទេសដែលចូលរួមបានកើនឡើងដល់៤៨។ នៅអាស៊ីយើងបច្ចុប្បន្ននេះមាន៤កៅអីកន្លះប៉ុណ្ណោះ ប៉ុន្តែនៅឆ្នាំ២០២៦ បានឡើងដល់៨កៅអីកន្លះ។ អីចឹងលោកលើកទឹកចិត្តឲ្យប្រទេសអាស៊ានខំប្រឹងប្រែងដើម្បីចាប់យកឱកាសលេង World Cup ឆ្នាំ២០២៦»។
សូមបញ្ជាក់ថា រហូតដល់ពេលនេះ បណ្តាប្រទេសអាស៊ាន១១ប្រទេសដែលជាសមាជិក FIFA មិនធ្លាប់មានប្រទេសណាមួយបានកៅអីទៅលេង World Cup នៅជុំផ្តាច់ព្រ័ត្រឡើយ។ សូម្បីតែអាស៊ីទាំងមូលក៏កម្រទទួលបានកៅអីច្រើនទៅលេង World Cup ជុំផ្តាច់ព្រ័ត្រ៕
អត្ថបទ៖ វីរបុត្រ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ