កីឡា
ចាប់ពីថ្ងៃនេះ កម្មវិធីសំខាន់ៗ៨មុនពិធីបើកកីឡាស៊ីហ្គេមជាផ្លូវការ
គិតត្រឹមថ្ងៃទី២៥ ខែមករា នេះ នៅសល់តែ១០០ថ្ងៃទៀតប៉ុណ្ណោះ ព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឈានចូលមកដល់លើទឹកដីនៃព្រះរាជាណាចក្រកម្ពុជាជាលើកដំបូងក្នុងប្រវត្តិសាស្ត្រ។
ថ្ងៃនេះ គណៈកម្មាធិការជាតិរៀបចំការប្រកួតកីឡាស៊ីហ្គេម (CAMSOC) រៀបចំពិធីរាប់ថយក្រោយ១០០ថ្ងៃដ៏អស្ចារ្យនៃដំណើរឆ្ពោះទៅស៊ីហ្គេម ហើយប្រជាពលរដ្ឋទូទាំងប្រទេសក៏ចូលរួមអបអរសាទរទាំងទំនាក់ទំនងពីមាត់មួយទៅមាត់មួយ និងតាមបណ្តាញទំនាក់ទំនងសង្គមចំពោះព្រឹត្តិការណ៍កីឡាដ៏ធំប្រចាំតំបន់អាស៊ានមួយនេះ។
ពិធីរាប់ថយក្រោយ១០០ថ្ងៃត្រូវប្រារព្ធចាប់ពីម៉ោង៤រសៀលថ្ងៃពុធនេះនៅពហុកីឡដ្ឋានជាតិមរតកតេជោក្រោមវត្តមានសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ CAMSOC។ ពិធីនេះមានកម្មវិធីជាច្រើនដូចជាការច្រៀងបទចម្រៀង ការសម្តែងសិល្បៈក្បាច់គុន ក្បាច់រាំ និងអុជកាំជ្រួចដែលមានផ្សាយផ្ទាល់ទាំងតាមទូរទស្សន៍ និងបណ្តាញទំនាក់ទំនងសង្គម។
ជាមួយគ្នានេះ ក៏មានវត្តមានតារាចម្រៀងល្បីៗជាច្រើនចូលរួមសម្តែថ។ ក្នុងនោះ លោក សុគន្ធ ថេរ៉ាយុ ច្រៀងបទ«ឈ្នះឈ្នះ», កញ្ញា វី ឌីណែត ច្រៀងបទ«Cambodia Our Home», លោក ហង្ស សុវណ្ណារិទ្ធ ច្រៀងបទ «អ្នកស្នងគុនខ្មែរ» និងលោក នី រតនា ចាប់ដៃកញ្ញា ឈិន ម៉ានិច្ច ច្រៀងបទ «នឹក២៤ម៉ោង»។
កញ្ញា ឈិន ម៉ានិច្ច ច្រៀងបទ«រស់ជាខ្លួនឯង», លោក នី រតនា ច្រៀងបទ«តើបងមានថ្ងៃនោះទេ», កញ្ញា សុខ សីឡាលីន ច្រៀងបទ«ស្មារតីកីឡាយើងរួមគ្នា» និងបទចុងក្រោយ«ស្មារតីសាមគ្គីភាព»ច្រៀងដោយលោក ហ្សូណូ។
ខាងលើនេះ គ្រាន់តែជាកម្មវិធីមួយមុនពេលដំណើរឆ្ពោះទៅស៊ីហ្គេម លើកទី៣២ ប៉ុន្តែនៅមានកម្មវិធីសំខាន់ៗជាច្រើនក្នុងរយៈពេល១០០ថ្ងៃខាងមុខនេះ។
- ថ្ងៃទី២៥ ខែមករា ៖ កិច្ចប្រជុំនាយបេសកកម្ម លើកទី១ (1st Chef-de-Mission (CDM) Meeting)
- ថ្ងៃទី២៧ ខែមករា៖ បិទការបញ្ចូលចំនួនទម្រង់ (Close of Entry by Number Form Submission)
- ថ្ងៃទី៧ ខែកុម្ភៈ ៖ ចាប់ផ្តើមទទួល និងបញ្ចូលទម្រង់ឈ្មោះ (Start of Accreditation and Entry by Names Form)
- ថ្ងៃទី៥ ខែមីនា៖ កិច្ចប្រជុំនាយកបេសកកម្ម និងបច្ចេកទេស លើកទី២ (2nd CDM Meeting and Technical Delegates Meeting)
- ថ្ងៃទី៥ ខែមីនា ៖ ការបញ្ជូលទម្រង់ឈ្មោះកីឡាបិទ (Sports Entry by Names Form Submission Closes)
- ថ្ងៃទី២១ ខែមីនា៖ ចាប់ផ្តើមរត់ភ្លើបគប់ (Start of Torch Run)
- ថ្ងៃទី២៣-២៨ ខែមេសា៖ ការចាប់ឆ្នោតប្រភេទកីឡា និងការគ្រប់គ្រង (DRM and Team Draws)
- ថ្ងៃទី៤ ខែឧសភា៖ ពិធីស្វាគមន៍ប្រតិភូប្រទេសនីមួយៗ (Team Welcome Ceremony)
សូមបញ្ជាក់ថា ពិធីបើកកីឡាស៊ីហ្គេម លើកទី៣២ នៅថ្ងៃទី៥ ខែឧសភា និងពិធីបិទ នៅថ្ងៃទី១៧ ខែឧសភា ខណៈពិធីបើកកីឡាអាស៊ានប៉ារ៉ាហ្គេម លើកទី១២ នៅថ្ងៃទី៣ ខែមិថុនា និងពិធីបិទ នៅថ្ងៃទី៩ ខែមិថុនា៕
អត្ថបទ៖ វីរបុត្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ