Connect with us

កីឡា

ឈប់​​ឌឺ​ដង​​ ផ្លែ​ផ្កា​​គ្នា​​ទៅ​ រឿង​​សំខាន់​​រួម​ដៃ​គ្នា​​​​​អភិវឌ្ឍ​​«គុន​ខ្មែរ»

បានផុស

នៅ

​ការ​ផ្លែ​ផ្កា ឌឺ​ដង វាយ​ប្រហារ​ ឈ្លោះ​ប្រកែក​គ្នា​​​ទៅ​វិញ​ទៅ​មក​​តាម​បណ្តាញ​ទំនាក់​ទំនង​សង្គម​​ជុំ​វិញ​កីឡាប្រដាល់​«គុន​ខ្មែរ» និង«មួយ​ថៃ» មិន​មាន​ប្រយោជន៍​អ្វី​សោះ​ឡើយ ក្រៅ​តែ​ពី​ធ្វើ​ឲ្យ​តម្លៃ​ជាតិ​ធ្លាក់​ចុះ និង​អាប់​ឱន​​​ ប៉ុន្តែ​រឿង​សំខាន់​ត្រូវ​រួម​ដៃ​គ្នា​ដើម្បី​ជំរុញ​អភិវឌ្ឍ​​ក្បាច់​​គុន​បុរាណ​ខ្មែរ​ឲ្យ​រីក​ចម្រើន​ទូទាំង​ពិភព​លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គុន​ខ្មែរ​គឺ​ជា​ក្បាច់​គុន​​​បុរាណ​​​​បែប​​ប្រយុទ្ធ​​មាន​ប្រភព​ដើម​នៅ​​ក្នុង​ប្រទេស​កម្ពុជា។ ​ក្បាច់​គុន​នេះ​​មាន​អាវុធ​៨​ទិស​​​គឺដៃ​ពីរ កែង​ពីរ ជើង​ពីរ និង​ជង្គង់​ពីរ ដែល​មាន​​​របៀប​ឈរ​វ៉ៃ​កណ្តាប់​ដៃ​ កែង ជង្គង់ និង​ទាត់​ដែល​មាន​គោល​ដៅ​ផ្តួល​ដៃ​គូ​ឲ្យ​សន្លប់ ឬ​ឈ្នះ​ដោយ​ពិន្ទុ។​

​ប្រវត្តគុន​ខ្មែរ ឬ​ប្រដាល់​សេរី​បាន​ចាប់​ផ្តើម​តាំង​ពី​សម័យ​កាល​ចក្រភព​ខ្មែរ​​ (Khmer Empire) ដែល​មាន​តាំង​ពីគ.ស​៨០២ ​ដែល​ពេល​នោះ​ប្រទេស​នៅ​តំបន់​អាស៊ាន​ជា​ច្រើន​មិន​ទាន់​មាន​ទេ។ ​​ក្បាច់​គុន​ត្រូវ​បាន​ប្រើ​​ដោយ​យោធាចក្រភព​ខ្មែរ​ដែលជា​អាវុធ​​ប្រើ​ដៃ​ដ៏​គ្រោះ​ថ្នាក់ និង​មាន​ប្រសិទ្ធភាព​​​របស់​​ទាហាន​​សម័យ​កាល​ចក្រភព​ខ្មែរ។ ភស្តុតាង​ជាក់​ច្បាស់​មិន​អាច​ប្រកែក និង​​កែ​ប្រែ​បាន​គឺ​​​ចារ​លើ​ថ្ម​សិលា​ប្រាសាទ​ជា​ច្រើន​ស្ទើរ​ទូទាំង​ប្រទេស​កម្ពុជា។

ក្នុង​នាម​ជា​កូន​ខ្មែរ​មាន​កាតព្វ​កិច្ច​ថែ​រក្សា ការពារ អភិរក្ស និង​អភិវឌ្ឍ​ក្បាច់​គុន​បុរាណ​ខ្មែរ​​ឲ្យ​គង់​យូរ​អង្វែង និង​រីក​ចម្រើន​​ទាំង​ក្នុង​ និង​ក្រៅ​ប្រទេស។ ​ដើម្បី​ឲ្យ​«គុន​ខ្មែរ»ខ្លាំង និង​រីក​ចម្រើន​ទៅ​បាន​មាន​តែ​ពល​រដ្ឋ​ខ្មែរ​ខ្លួន​ឯង​រួម​ដៃ​គ្នា​អភិវឌ្ឍ និង​ផ្សព្វផ្សាយ​ឲ្យ​ផុលផុស​ពី​មួយ​ថ្ងៃ​ទៅ​មួយ​ថ្ងៃ ពី​មួយ​សប្តាហ៍​ទៅ​មួយ​សប្តាហ៍ និង​ពី​មួយ​ឆ្នាំ​ទៅ​មួយ​ឆ្នាំ​ដែល​ត្រូវ​ប្រើ​ពេល​វេលា​យូរ ហើយ​មាន​ផែន​ការ​ច្បាស់​លាស់។

រហូត​ដល់​ពេល​នេះ​ សហព័ន្ធ​កីឡា​ប្រដាល់​ខ្មែរ​ក្នុង​ស្រុក​មាន​ហើយ សហព័ន្ធ​កីឡា​ប្រដាល់​គុន​ខ្មែរ​អន្តរជាតិ​ក៏​មាន​ដែល​ទទួល​ស្គាល់​ដោយ​គណៈកម្មាធិការ​ជាតិ​អូឡាំពិក​កម្ពុជា និង​ក្រសួង​អប់រំ យុវជន និង​កីឡា ព្រម​ទាំង​មាន​សមាជិក​ជា​ប្រទេស​នៅ​លើ​ពិភព​លោក​ប្រហែល​ជា​៥០​ប្រទេស​ហើយ។ ​អ្វី​ដែល​ពិសេស​មួយ​ទៀត​នោះ កម្ពុជា​ក្នុង​នាម​ជា​ម្ចាស់​ផ្ទះ​បាន​ដាក់​ក្នុង​ព្រឹត្តិការណ៍​កីឡា​ស៊ីហ្គេម លើក​ទី​៣២ ឆ្នាំ​២០២៣​ហើយ។

ជំហ៊ាន​ទៅ​មុខ​ទៀត ​ដើម្បី​ឲ្យ«គុន​ខ្មែរ»​ឈាន​ដល់​​ព្រឹត្តិការណ៍​កីឡា​ទ្វីប​អាស៊ី កីឡា​អូឡាំពិក និង​ការ​ប្រកួត​​ជើង​ឯក​ពិភព​លោក ទាម​ទារ​ឲ្យ​ឯក​ឧត្តម លោក​ជំទាវ អ្នក​ឧកញ៉ា លោក​ឧកញ៉ា លោក​ លោក​ស្រី អ្នក​នាង​កញ្ញា ជា​ពិសេស​អ្នក​ដែល​មាន​ទ្រព្យ​ធន​រួម​ដៃ​គ្នា​ដើម្បី​ជំរុញ និង​អភិវឌ្ឍ​គុន​ខ្មែរ។

អ្នក​មាន​ទ្រព្យ​ធន​​អាច​ចូល​រួម​ឧបត្ថម្ភ​គាំទ្រ​ដល់​កម្មវិធី​លំដាប់​ជាតិ និង​អន្តរជាតិ អាច​បង្កើត​ក្លឹបប្រដាល់ បង្កើត​សង្វៀន​ប្រដាល់​គុន​ខ្មែរ​លំដាប់​អន្តរជាតិ នាំ​ចូល​ចូល​កីឡាករ កីឡាការិនី​ល្បី​ៗ​មក​ពី​ប្រទេស​ផ្សេង​ចូល​រួម​ប្រកួត​គុន​ខ្មែរ​នៅ​ប្រទេស​កម្ពុជា​។ បង្កើត​ការ​ប្រកួត​ខ្សែ​ក្រវាត់​គុន​ខ្មែរ​ពិភព​លោក​ជា​ប្រចាំ​ឆ្នាំ កម្មវិធី​ប្រដាល់​ថ្នាក់​តំបន់ និង​អន្តរជាតិ​​ឲ្យ​បាន​ច្រើន។

បើក​វគ្គ​​បណ្តុះ​បណ្តាល អប់រំ និង​ផ្សព្វផ្សាយ​គុន​ខ្មែរ​ស្តីពីរ​បទ​បញ្ជា​នៃ​ការ​ប្រកួត​ ក្បួន​ក្បាច់ និង​ច្បាប់​គុន​ខ្មែរ​ផ្សេង​ៗ​ឲ្យ​ទូលំទូលាយ។ ទាំង​នេះ​មិន​ត្រឹម​តែ​ធ្វើ​ឲ្យ​គុន​ខ្មែរ​រីក​ចម្រើន​ប៉ុណ្ណោះ​ទេ ប៉ុន្តែ​ជា​ផ្នែក​មួយ​ជួយ​ធ្វើ​ឲ្យ​វិស័យ​ទេសចរណ៍​កាន់​តែ​រីក​ច្រើន​តាម​រយៈ​កីឡា។

អ្វី​ដែល​សំខាន់​ទៀត​នោះ ​ត្រូវ​​ជំរុញ​ឲ្យ​មាន​ការ​ប្រកួត​ជើង​ឯក​គុនខ្មែរ​ថ្នាក់​ជាតិ​​ប្រចាំ​ឆ្នាំ​នៃ​បណ្តា​ប្រទេស​ជា​សមាជិក។ ត្រូវ​​ជំរុញ​ឲ្យ​មាន​ការ​បើក​ក្លឹប​​ហ្វឹក​ហាត់​ប្រដាល់​គុន​ខ្មែរកាន់​តែ​ច្រើន​ទូទាំង​ពិភព​លោក ​ត្រូវ​បញ្ជូន​គ្រូ​បង្វឹក​ប្រដាល់​គុន​ខ្មែរ​ល្បី​ៗ ល្អ​​ៗ​ទៅ​បង្ហាត់​បង្រៀន​នៅ​តាម​ក្លឹប​​របស់​​ប្រទេស​​នានា​ ព្រម​ទាំង​មាន​សកម្មភាព​ឬ​ទិវាគុន​ខ្មែរ​ផ្សេង​ៗ​ទៀត។

នៅ​ពេល​មាន​កីឡាករ​ កីឡាការិនី​ប្រដាល់​គុន​ខ្មែរ​ខ្លាំង​ៗ​ដូច​ជា​ជើង​ឯក​គុន​ខ្មែរ​ជាតិ ជើង​ឯក​គុន​ខ្មែរ​អាស៊ាន ជើង​ឯក​គុន​ខ្មែរអាស៊ី ជើង​ឯក​គុន​ខ្មែរ​អាមេរិក ជើង​ឯក​គុន​ខ្មែរ​អាហ្វ្រិក ជើង​ឯក​គុន​ខ្មែរ​អឺរ៉ុប និង​ជើង​ឯក​គុន​ខ្មែរ​អូឡាំពិក​​ជា​ដើម​កាន់​តែ​ច្រើន ​ប្រជា​ជន​ទូទាំង​ពិភព​លោក​ទទួល​ស្គាល់​គុន​ខ្មែរ​កាន់​តែ​ច្រើន នោះ​មាន​ន័យ​ថា កម្ពុជា​ក្នុង​នាម​ជា​ម្ចាស់​ក្បាច់​គុន​បាន​​​ឈ្នះ​​​​រួច​ទៅ​ហើយ។

ទោះ​បី​ជា​យ៉ាង​ណា ប្រឡេក​មើល​​ស្ថានភាព​ប្រដាល់​គុន​ខ្មែរ​បច្ចុប្បន្ន​មាន​សកម្មភាព​សំបូរ​បែប​តែ​នៅ​ក្នុង​ប្រទេស​ប៉ុណ្ណោះ​ទេ ខណៈ​ប្រទេស​ជា​សមាជិក​នានា​ទូទាំង​ពិភព​លោក​ក៏​មិន​ទាន់​មាន​ច្រើន​ក្នុង​ការ​ធ្វើ​សកម្មភាព​ប្រដាល់​គុន​ខ្មែរ​មាន​រាប់​តាំង​ពី​បើក​ក្លឹប​បង្ហាត់ និង​កម្មវិធី​ប្រកួត​ជា​ដើម។

គិត​ឲ្យ​ជាក់​មែន​ទែន កម្មវិធី​ប្រដាល់​​តាម​ទូរទស្សន៍​មួយ​ចំនួន​​ទទួល​បាន​​​ម្ចាស់​ឧបត្ថម្ភ​ដែល​មាន​ផលិត​ផល​​នៅ​ក្នុង​ស្រុក ប៉ុន្តែ​កម្មវិធី​ប្រដាល់​ខ្លះ​មាន​ម្ចាស់​ឧបត្ថម្ភ​មក​ពី​ក្រៅ​ប្រទេស។ ទន្ទឹម​ជា​មួយ​គ្នា​នេះ ឯកឧត្តម លោក​ជំទាវ អ្នក​ឧកញ៉ា  លោក​ឧកញ៉ា និង​អ្នក​មាន​ទ្រព្យ​ភាគ​ច្រើន​នៅ​មិន​ទាន់​​​រួម​ចំណែក​ផុល​ផុស​ក្នុង​ការ​គាំទ្រ​បង្កើត និង​ជំរុញ​អភិវឌ្ឍ​គុន​ខ្មែរ​ឡើយ។

សាក​ស្រមៃ​មើល ប្រសិន​បើ​អ្នក​មាន​ទ្រព្យ​ធនចំណាយ​ថវិកា​ឧបត្ថម្ភ​ដល់​កម្មវិធី​ប្រដាល់​កាន់​តែ​ច្រើន ហើយ​ម្ចាស់​កម្មវិធី​ប្រដាល់​មាន​ថវិកា​ច្រើន​ក្នុង​ការ​​រៀបចំ​ប្រកួត​កម្រិត​ជាតិ និង​អន្តរជាតិ​ប្រកប​ដោយ​គុណភាព ដែល​មានកីឡាករ​ កីឡាការិនី​ល្បី​ៗ​លំដាប់​ពិភព​លោក​មក​ប្រកួត​ស្រុក​ខ្មែរ ហើយ​កីឡាករ កីឡាការិនី​គុន​ខ្មែរ​ខ្លាំងៗ​ទៅ​ប្រកួត​កម្មវិធី​ធំ​ៗ​​នៅ​ក្រៅ​ប្រទេស​កាន់​តែ​ច្រើន អត្តពលិក​ជាតិ និង​អត្តពលិក​អន្តរជាតិ​​បាន​ក្លាយ​ជា​​ជើង​ឯក​គុន​ខ្មែរ​ពិភព​លោក ឬ​អន្តរជាតិ​កាន់​តែ​ច្រើន ពេល​នោះ​គឺ​នរណា​មិន​ស្គាល់​គុន​ខ្មែរ។

បើ​អ្នក​មាន​ទ្រព្យ​ធន​បង្កើត​​ក្លឹប​ប្រដាល់​ ឬ​ជួយ​ឧបត្ថម្ភ​គាំទ្រ​ដល់​ក្លឹប​ប្រដាល់​គុន​ខ្មែរ​កាន់​តែ​ច្រើន ឧបត្ថម្ភ​គាំទ្រ​ដល់​កីឡាករ កីឡាការិនី​គុន​ខ្មែរ​កាន់​តែ​ច្រើន ពេល​នោះ​ជីវភាព​របស់​ពួក​គាត់​កាន់​តែ​ល្អ​ប្រសើរ។ ពួក​គាត់​មាន​ពេលវេលា​​ហ្វឹក​ហាត់​កាន់​តែ​ច្រើន ពេល​នោះ​អត្តពលិក​គុន​ខ្មែរ​​ខ្លាំង​គឺ​ថា គុន​ខ្មែរ​ខ្លាំង។

ជា​រួម សំណេរ​ខាង​លើ​គ្រាន់​តែ​ជា​គំនិត​តិច​តួច​ប៉ុណ្ណោះ​ ហើយ​ក៏​គ្មាន​ចេតនា​វាយ​ប្រហារ​លើ​បុគ្គល​ណា​ម្នាក់​ដែរ។ ដើម្បី​គុន​ខ្មែរ​ខ្លាំង​ទៅ​បាន ទាល់​តែ​ខ្មែរ​រួម​​​គ្នា​​ដើម្បី​អភិវឌ្ឍ​គុន​ខ្មែរ​ឲ្យ​រីក​ចម្រើន​ទាំង​ក្នុង និង​ក្រៅ​ប្រទេស៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៣ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៤ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៤ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៤ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម