កីឡា

កីឡាការិនីហុកគីម៉ាឡេស៊ីម្នាក់ ត្រូវបានហាមប្រាមមិនឲ្យចូលរួមប្រកួតស៊ីហ្គេម នៅកម្ពុជា

បានផុស

៣ years មុន

នៅ

ថ្ងៃសុក្រ ១០ កុម្ភៈ ២០២៣

ដោយ

ការបញ្ចេញមតិដ៏រសើបនៅលើបណ្ដាញសង្គមរបស់កីឡាការិនីវាយហុកគីជម្រើសជាតិម៉ាឡេស៊ី Hanis Nadiah Onn បានបណ្ដាលឲ្យនាងត្រូវបានព្យួរ និងមិនអនុញ្ញាតឲ្យធ្វើជាកីឡាការិនីតំណាងឲ្យក្រុមជម្រើសជាតិ ក្នុងព្រឹត្តិការណ៍ស៊ីហ្គេម ឆ្នាំ ២០២៣ ក្នុងខែឧសភានេះ នៅកម្ពុជាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តនេះ ត្រូវបានធ្វើឡើងដោយគណៈកម្មាធិការស៊ើបអង្កេត នៃក្រុមប្រឹក្សាកីឡាជាតិ (MSN) និងសហព័ន្ធកីឡាហុកគីម៉ាឡេស៊ី (MHC) ដែលបានជួបប្រជុំគ្នាកាលពីថ្ងៃអង្គារសប្ដាហ៍មុន ទាក់ទងនឹងបញ្ហា នៃការបញ្ចេញយោបល់ (Comment) ជាសាធារណៈ ដែលត្រូវបានចោទប្រកាន់ពីបទរើសអើងជាតិសាសន៍របស់ Hanis Nadiah ពាក់ព័ន្ធនឹងការប្រគំតន្ត្រីរបស់តារាចម្រៀង និងអ្នកនិពន្ធជនជាតិឥណ្ឌា AR Rahman នៅក្នុងរដ្ឋសហព័ន្ធកាលពីខែមុន។

គណៈកម្មាធិការដែលដឹកនាំរួមគ្នាដោយអគ្គនាយកគណៈកម្មាធិការស៊ើបអង្កេត នៃក្រុមប្រឹក្សាកីឡាជាតិ (MSN) លោក Datuk Ahmad Shapawi Ismail និងប្រធានសហព័ន្ធកីឡាហុកគីម៉ាឡេស៊ី (MHC) លោក Datuk Seri Subahan Kamal បានកោះហៅ Hanis Nadiah ដែលជាកីឡាការិនីលេងល្អបំផុតរបស់អាស៊ី ក្នុងឆ្នាំ ២០១៦ សម្រាប់វគ្គសម្ភាសន៍ ដើម្បីជួយស៊ើបអង្កេតបញ្ហានេះ។

ជាលទ្ធផល នៃសម័យប្រជុំ និងបន្ទាប់ពីការវាយតម្លៃលើការរកឃើញមួយចំនួនទៀតទាក់ទងនឹងបញ្ហានេះ គណៈកម្មាធិការបានសន្និដ្ឋានថា Hanis Nadiah បានបង្ហោះការបញ្ចេញយោបល់ (comment) បែបរើសអើងជាតិសាសន៍ ដោយសារតែការបញ្ចេញយោបល់ត្រូវបានធ្វើឡើងនៅឯការប្រគំតន្ត្រី ដែលភាគច្រើន នៃអ្នកចូលរួមគឺជាជនជាតិឥណ្ឌា។

“គណៈកម្មាធិការបានរកឃើញថា Hanis Nadiah មានទោសជាបុគ្គលដែលបានការសេចក្ដីថ្លែងការណ៍ ឬការបញ្ចេញមតិជាសាធារណៈនៅលើគណនីប្រព័ន្ធផ្សព្វផ្សាយសង្គមរបស់នាង ដែលមានទំនោរក្នុងការប្រមាថអ្នកដទៃ”។

សេចក្ដីថ្លែងការណ៍របស់ក្រសួងយុវជន និងកីឡា (KBS) បាននិយាយនៅថ្ងៃនេះថា “Hanis Nadiah ក៏ត្រូវបានគេរកឃើញថា មានកំហុសក្នុងការធ្វើការបញ្ចេញមតិដែលអាចត្រូវបានបកស្រាយខុស ឬបង្កឲ្យមានការយល់ច្រឡំ ការរំខាន ឬកំហឹងរបស់ភាគីមួយផ្សេងទៀត”។

Hanis Nadiah ក៏ត្រូវបានគេរកឃើញថា មានពិរុទ្ធពីបទធ្វើការបញ្ចេញយោបល់ដែលបណ្តាលឲ្យខូចខាតដល់មុខមាត់ក្រុម និងសហព័ន្ធកីឡាហុកគីម៉ាឡេស៊ី ដែលបានបំពានយ៉ាងច្បាស់នូវក្រមសីលធម៌របស់ស្ថាប័នគ្រប់គ្រងកីឡាហុកគី។

ទោះជាយ៉ាងណាក៏ដោយយោងទៅតាមសេចក្ដីថ្លែងការណ៍សហព័ន្ធកីឡាហុកគី ម៉ាឡេស៊ី នឹងវាយតម្លៃឡើងវិញនូវការសម្រេចចិត្តទាក់ទងនឹងកីឡាករវ័យ ២៦ ឆ្នាំ ប្រសិនបើនាងបង្ហាញការផ្លាស់ប្ដូរជាវិជ្ជមាននៅក្នុងអាកប្បកិរិយា។

ទន្ទឹមនឹងនោះ គណៈកម្មាធិការស៊ើបអង្កេតសង្ឃឹមថា ចំណាត់ការដែលបានធ្វើឡើង នឹងទុកជាការរំលឹក និងមេរៀនដ៏មានប្រយោជន៍ដល់ Hanis Nadiah និងអត្តពលិកជាតិទាំងអស់ ឲ្យប្រុងប្រយ័ត្នជានិច្ចរាល់ការបង្ហោះ ឬមតិយោបល់លើគ្រប់ប្រព័ន្ធផ្សព្វផ្សាយសង្គម។

នៅក្នុងសេចក្ដីថ្លែងការណ៍ដដែលនេះ គ្រូបង្វឹកក្រុមកីឡាហុកគីនារីជម្រើសជាតិ Mohd Nasihin Nubli Ibrahim បានជូនដំណឹងថា ក្នុងនាមជាកីឡាករសំខាន់របស់ក្រុម Hanis Nadiah មានចរិតរាបទាប និងមានវិន័យពេញមួយវគ្គហ្វឹកហាត់ និងការប្រកួតបន្ថែមពីលើការមានទំនាក់ទំនងកីឡាហុកគីឥណ្ឌាជាច្រើន៕

ប្រភព ៖ bernama.com

អត្ថបទ ៖ មន្នីរ័ត្ន

Related Topics:កម្ពុជា-ម៉ាឡេស៊ី

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា