កីឡា

ពេលនេះ ៧ប្រទេសចុះឈ្មោះប្រកួត«គុនខ្មែរ»ទាំង១៩វិញ្ញាសាក្នុងស៊ីហ្គេម២០២៣

បានផុស

៣ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

ប្រភេទកីឡាអត្តសញ្ញាណជាតិ«គុនខ្មែរ»ដែលត្រូវបានដាក់ឲ្យប្រកួតជាផ្លូវការក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ រហូតដល់ពេលនេះមាន៧ប្រទេសចុះឈ្មោះចូលរួមប្រកួតទាំង១៩វិញ្ញាសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំគុនខ្មែរពិសេសកាលពីថ្ងៃទី២៦ ខែមករា ក្នុងរាជធានីភ្នំពេញរវាងគណៈកម្មាធិការជាតិរៀបចំការប្រកួតកីឡាស៊ីហ្គេម សហព័ន្ធកីឡាប្រដាល់គុនខ្មែរអន្តរជាតិ សហព័ន្ធកីឡាប្រដាល់គុនខ្មែរជាតិ និងសមាជិកអាស៊ាន៧ផ្សេងទៀតបានសម្រេចដាក់«គុនខ្មែរ»ជាផ្លូវការក្នុងស៊ីហ្គេម ឆ្នាំ២០២៣នេះ។ ពេលនោះ ថៃក៏ជាសមាជិកមួយដែលយល់ព្រមដាក់គុនខ្មែរ ប៉ុន្តែថៃមិនបញ្ជូនអត្តពលិករបស់ខ្លួនចូលរួមប្រកួតគុនខ្មែរទេ។

ក្នុងកិច្ចប្រជុំនោះបានសម្រេចដាក់វិញ្ញាសាគុនខ្មែរចំនួន១៩(១៩មេដាយមាស)គឺ១១វិញ្ញាសាសម្រាប់បុរស, ៦វិញ្ញាសាសម្រាប់នារី និងវិញ្ញាសាសម្តែងឯកត្តជនមាន២ គឺបុរស និងនារី។

បន្ទាប់ពីកាលបរិច្ឆេទនៃការចុះឈ្មោះត្រូវបានបើកកាលពីថ្ងៃទី៧ ខែកុម្ភៈ រហូតដល់ពេលនេះតាមការឲ្យដឹងពីសហព័ន្ធកីឡាប្រដាល់គុនខ្មែរអន្តរជាតិថា សម្រាប់ប្រភេទកីឡាគុនខ្មែរមានការចុះឈ្មោះ៦ប្រទេស និងចុះឈ្មោះចូលរួមប្រកួតទាំង១៩វិញ្ញាសាតែម្តង។

ប្រទេសដែលបានចុះឈ្មោះចូលរួមប្រកួតគុនខ្មែរទាំង៧គឺទី១. ម្ចាស់ផ្ទះកម្ពុជា, ២.ឡាវ, ៣. ឥណ្ឌូនេស៊ី, ៤. មីយ៉ាន់ម៉ា, ៥. ហ្វីលីពីន, និង ៦.វៀតណាម ខណៈ ៧. ម៉ាឡេស៊ី គ្រោងនឹងបញ្ជូនឈ្មោះឆាប់ៗ។ ដូច្នេះមានន័យថា ហោចណាស់មាន៧ប្រទេសចុះឈ្មោះប្រកួតដណ្តើមមេដាយគុនខ្មែរក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា។ តាមធម្មនុញ្ញស៊ីហ្គេម រាល់ប្រភេទកីឡានីមួយៗឲ្យតែមានប្រទេសចំនួន៤ចូលរួមគឺដាក់ឲ្យប្រកួតហើយ។