កីឡា

បីស្រ្ដីប្រហែល២ម៉ោងស្ពឹកដៃ តែ ព្រំ សំណាង តស៊ូដល់៨ម៉ោងបានរថយន្ត១គ្រឿង

បានផុស

៣ years មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

កីឡាករប្រដាល់គុនខ្មែរ ព្រំ សំណាង និងស្ត្រីជាទីគោរពរបស់គាត់ទទួលបានរថយន្តថ្មីសន្លាង១គ្រឿងពីការចូលរួមប្រកួតបីស្ត្រីជាទីស្រឡាញ់ក្នុងឱកាស«ទិវាអន្តរជាតិនារី៨មីនា»នៅយប់មិញនេះដែលរៀបចំប្រកួតដោយក្រុមហ៊ុនភេសជ្ជៈឯកជនមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប្រកាសពីម្ចាស់កម្មវិធីមានបុរសនារីប្រមាណ៥០០គូបានចូលរួមប្រកួតដើម្បីក្នុងឱកាសទិវាអន្តរជាតិនារី៨មីនានេះ។ ការប្រកួតបានចាប់ផ្តើមតាំងពីវេលាម៉ោង៥ល្ងាចរហូតដល់ម៉ោងជិត៣ទៀបភ្លឺទើបបានរកឃើញអ្នកឈ្នះ។

ការប្រកួតត្រូវការសហការ កម្លាំងកាយ និងស្មារតីតស៊ូដែលស្ត្រីណាដែលលើដៃរបស់បុរសយូរជាងគេគឺជាអ្នក ហើយជាលទ្ធផល បុរសមកពីខេត្តតាកែវជាអ្នកទទួលបានចំណាត់ថ្នាក់លេខ១ ដែលទទួលបានរង្វាន់រថយន្ត១គ្រឿង និងលេខ២បានទៅកីឡាករប្រដាល់ ព្រំ សំណាងដែលត្រូវទទួលបានម៉ូតូ១គ្រឿង។

ទោះបីជាយ៉ាងណា ការប្រឹងប្រែងតស៊ូដល់ចុងបញ្ចប់ដោយប្រើពេលរហូតដល់ប្រហែលជា៨ម៉ោង កីឡាករ ព្រំ សំណាង និងស្ត្រីបីលើដៃ ក៏ត្រូវបានអ្នករៀបចំកម្មវិធីផ្តល់រង្វាន់រថយន្ត១គ្រឿងដែរដើម្បីបញ្ជាក់ពីការព្យាយាម និងតស៊ូដល់ទីបញ្ចប់។

ក្រោយចប់ការប្រកួត ព្រំ សំណាង បាននិយាយថា ខ្លួនមានអាការស្ពឹកដៃ បន្ទាប់ពីបីបានប្រហែលជា២ម៉ោង ប៉ុន្តែខ្លួនបានតាំងចិត្តតស៊ូ និងមិនលះបង់ដើម្បីឈានដល់ចុងក្រោយ។ ទោះជាយ៉ាងណា សំណាងបានរង្គើ ដោយសារនឿយហត់អស់កម្លាំងខ្លាំងពេកទើបទទួលបានចំណាត់ថ្នាក់លេខ២៕

អត្ថបទ៖ វីរបុត្រ