កីឡា

ជើងខ្លាំងលេខ១បីស្ត្រីបានរថយន្តជាមន្ត្រីសាលាខណ្ឌទួលគោក និងជាអ្នកចេះសមាធិ

បានផុស

៣ years មុន

នៅ

ថ្ងៃសុក្រ ១០ មីនា ២០២៣

ដោយ

លោក យិន សំអុល បានធ្វើឲ្យមហាជនចាប់អារម្មណ៍យ៉ាងខ្លាំងនៅពេលលោកបានបីស្ត្រីជាទីស្រឡាញ់ក្នុងឱកាស«ទិវាអន្តរជាតិ៨មីនា» និងបានក្លាយជាជយលាភីលេខ១ទទួលបានរថយន្ត១គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីក្លាយជាម្ចាស់រថយន្ត១គ្រឿង លោក យិន សំអុល ត្រូវបានរដ្ឋបាលខណ្ឌទួលគោកអបអរសាទរ។ រដ្ឋបាលខណ្ឌទួលគោលបានលើកឡើងថា លោក យិន សំអុល ជាប្រធានការិយាល័យសេដ្ឋកិច្ច ទទួលចំណាត់ថ្នាក់លេខ១ បានឡាន១គ្រឿង ពីក្រុមហ៊ុន Boostrong សម្រាប់ការតស៊ូ អត់ទ្រាំ មិនងាយមានអ្នកអាចធ្វើបាន ក្នុងព្រឹត្តិការណ៍ប្រកួតប្រជែងបុរសលើកបីស្រ្តីបានយូរបំផុត បីដោយសេចក្ដីពេញចិត្ត បីដោយសេចក្ដីស្រលាញ់ពេញបេះដូង។ ប្រើរយៈពេលអស់៨ម៉ោង នៅមុខមហោស្រពទីក្រុងកោះពេជ្រ»។

បើក្រឡេកមើលពីប្រវត្តិដើម លោក យិន សំអុល ជាបុគ្គលដែលធ្លាប់បានបួសជាព្រះសង្ឃវត្តស្វាយពពែ និងជាអាចារ្យក្មេងផងដែរ។ កត្តានេះអាចយល់បានថា លោកមិនត្រឹមតែមានសុខភាពកាយល្អ មាំមួនប៉ុណ្ណោះទេ ប៉ុន្តែលោកក៏មានស្មារតីរឹងមាំល្អដែរ ដោយសារលោកធ្លាប់បួសរៀនធ្វើ«សមាធិ»។ ដូច្នេះការបច្ចេកទេសធ្វើ «សមាធិ»តាំងស្មារតីជាចំណុចសំខាន់ដែលជួយឲ្យលោកទ្រាំបីស្ត្រីជាទីស្រឡាញ់រហូតដល់៨ម៉ោង៕ឮ