កីឡា
ប្រុសស្អាត Nick ប្តេជ្ញាជួយព្រះខ័នរាជស្វាយរៀងពេលប៉ះដង្កោសែនជ័យថ្ងៃនេះ
កីឡាករបាល់ទាត់ខ្មែរ-អាមេរិក Nick Taylor បានត្រៀមខ្លួនរួចរាល់ហើយដើម្បីជួយក្រុមព្រះខ័នរាជស្វាយរៀង ពេលជួបម្ចាស់ផ្ទះ អាយអេសអាយ ដង្កោសែនជ័យ វេលាម៉ោង៣:៤៥នាទីរសៀល ថ្ងៃអាទិត្យ ទី៩ ខែមេសា នេះ សម្រាប់ការប្រកួតសប្តាហ៍ទី៧ នៃខេមបូឌានលីគខាប់ ២០២៣។
បន្ទាប់ពីចូលរួមជាមួយព្រះខ័នរាជស្វាយរៀងមក Nick Taylor បានអភិវឌ្ឍខ្លួនយ៉ាងល្អទាំងសម្របខ្លួនជាមួយមិត្តក្រុម និងបរិយាកាសនៅប្រទេសកម្ពុជា ពីព្រោះស្ថានភាពអាកាសធាតុនៅកម្ពុជាកំពុងក្តៅខ្លាំងខុសពីអាមេរិកត្រជាក់។
បង្ហាញខ្លួនឲ្យព្រះខ័នរាជស្វាយរៀង៣ដង កីឡាករជម្រើសជាតិកម្ពុជារូបនេះរកបាន៣គ្រាប់ ប៉ុន្តែជារឿយៗ រូបគេមិនបានលេងពេញម៉ោងទេ។ ពេលខ្លះត្រូវដូរចូលនៅវគ្គទី២ ហើយពេលខ្លះត្រូវបានដាក់ជម្រើស១១នាក់ តែដូរចេញនៅវគ្គទី៣។
សម្រាប់ជំនួបដ៏សំខាន់ថ្ងៃនេះ Nick Taylor បាននិយាយថា ៖«ដល់ថ្ងៃប្រកួតទៀតហើយ! ត្រៀមខ្លួនរួចរាល់ហើយដើម្បីលេងឲ្យល្អបំផុត និងបញ្ចប់វគ្គសន្សំពិន្ទុក្នុងពូលដោយមានកំណត់ត្រាខ្ពស់។ ខំប្រឹងទាំងអស់គ្នាក្រុមយើង»។
ពិតណាស់ ប្រកួតនេះសំខាន់មែន និងជាការប្រកួងចុងក្រោយវគ្គសន្សំក្នុងពូល។ ឆ្លងកាត់៥ប្រកួតកន្លងមក ព្រះខ័នរាជស្វាយរៀង ឈ្នះ៣ ស្មើ១ និងចាញ់១ ខណៈអាយអេសអាយ ដង្កោសែនជ័យ ឈ្នះ២ ចាញ់៣ មាន៦ពិន្ទុ កំពុងឈរលេខ៤។
គូប្រជែងកៅអីវគ្គពាក់កណ្តាលផ្តាច់ព្រ័ត្រគឺ ណាហ្គាវើលដ៍ ដែលឈ្នះ៣ ស្មើ១ និងចាញ់១ ហើយមាន១០ពិន្ទុដូចព្រះខ័នរាជស្វាយរៀងដែរ ប៉ុន្តែគិតលើគ្រាប់បាល់ចំណេញ ព្រះខ័នរាជស្វាយរៀង ឈរលេខ២ ណាហ្គាវើលដ៍ ឈរលេខ៣ ក្នុងពូល B ដូច្នេះជាជំនួបកាត់សេចក្តីស្វែងរកក្រុមឡើងទៅវគ្គពាក់កណ្តាលផ្តាច់ព្រ័ត្រ។ ម៉ោងដំណាលគ្នានេះ ណាហ្គាវើលដ៍ ត្រូវប្រកួតជាមួយ អង្គរថាយហ្គឺរ នៅខេត្តសៀមរាប។
នៅក្នុងពូលជាមួយគ្នានេះ ភ្នំពេញក្រោនជាក្រុមកំពូលតារាងបានកក់កៅអីឡើងទៅកាន់វគ្គពាក់កណ្តាលផ្តាច់ព្រ័ត្រហើយ៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ