កីឡា

បឹងកេតប្រហែលប្រើស្តាតអូឡាំពិកជាផ្ទះបណ្តោះអាសន្ន

បានផុស

២ years មុន

នៅ

ថ្ងៃចន្ទ ១០ មេសា ២០២៣

ដោយ

ក្លឹបបាល់ទាត់បឹងកេតប្រហែលជាប្រើប្រាស់ពហុកីឡដ្ឋានជាតិ (អូឡាំពិក) សម្រាប់ធ្វើជាផ្ទះបណ្តោះអាសន្ន បន្ទាប់ពីបានចាកចេញពីកីឡដ្ឋានខេមបូឌាអ៊ែរវ៉ែរ នៅបឹងស្នោរ ក្នុងខណ្ឌច្បារអំពៅ រាជធានីភ្នំពេញ។

លោក ស្រី ពុធ ធីតា ប្រធានក្លឹបបឹងកេតបានប្រាប់«កម្ពជាថ្មី»នាព្រឹកថ្ងៃទី១០ ខែមេសា ឆ្នាំ២០២៣នេះថា ក្លឹបកំពុងរៀបចំឯកសារស្នើទៅសហព័ន្ធកីឡាបាល់ទាត់កម្ពុជា (FFC) ដើម្បីសុំពហុកីឡដ្ឋានជាតិអូឡាំពិកដើម្បីរៀបចំការប្រកួតខេមបូឌានព្រីមៀរលីគ និងពានរង្វាន់ផ្សេងៗនាពេលមុខ មុនពេលមានកីឡដ្ឋានផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បឹងកេត រៀបចំការប្រកួតក្នុងផ្ទះរបស់ខ្លួនចុងក្រោយបំផុតកាលពីថ្ងៃទី៨ ខែមេសា កន្លងទៅនេះជាមួយក្រុមកោះកុង ហើយជាលទ្ធផលបានត្រឹមស្មើគ្នា ១-១។

ក្រោយចប់ការប្រកួត លោកស្រី ពុធ ធីតា បាននិយាយលាទាំងទឹកភ្នែកថា កីឡដ្ឋាននេះបានកើតចេញជារូបរាងឡើងដោយដៃទាំងទ្វេ និងកិច្ចខិតខំប្រឹងប្រែងរបស់ក្រុមការងារទាំងមូល។

«សូមចាំទុកថា ខ្ញុំនឹងមិនឲ្យបាត់ឈ្មោះបឹងកេតទេ។ បើអត់ពីខ្ញុំ ក៏មានអ្នកផ្សេងបន្តទៀតដែរ»។ ម្ចាស់ក្លឹបបឹងកេតបានសន្យាចំពោះមុខអ្នកគាំទ្រនៅថ្ងៃចុងក្រោយនៃកីឡដ្ឋានខេមបូឌាអ៊ែរវ៉ែរ។

សូមបញ្ជាក់ថា កីឡដ្ឋានរបស់បឹងកេតមានអាយុកាល៥ឆ្នាំហើយ បន្ទាប់ពីត្រូវបានកសាងឡើង ប៉ុន្តែដោយសារដីជួលគេមានតម្លៃខ្ពស់ ដូច្នេះក្លឹបមិនអាចទប់ទល់នឹងថ្លៃជួលបន្តទៅទៀតបានទេ ខណៈស្ថានភាពសេដ្ឋកិច្ចមិនសូវល្អប្រសើរ៕