កីឡា
លំអិតជុំវិញការកក់សំបុត្រ និងទទួលបានសំបុត្រចូលទស្សនាស៊ីហ្គេមឥតគិតថ្លៃ
អ្នកគាំទ្រមួយចំនួនប្រហែលជាមិនទាន់ច្បាស់ពីរបៀបកក់សំបុត្រ និងទទួលបានសំបុត្រចូលទស្សនាពិធីបើក-បិទ និងការប្រកួតគ្រប់ប្រភេទកីឡាក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ នៅកម្ពុជាទេ។ តាមពិតទៅ APP ដែលបងប្អូនអាចចូលកក់សំបុត្របានទាល់តែថ្ងៃទី២៤ ខែមេសានេះទើបរួចរាល់ និងដំណើរការ។
លោក ថោង ខុន រដ្ឋមន្ត្រីក្រសួងទេសចរណ៍ និងអនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម (CAMSOC-CAMAPGOC) បានប្រាប់ថា APP សម្រាប់ចូលកក់សំបុត្រ និងទទួលបានសំបុត្រចូលទស្សនាពិធីបើក និងបិទ ចូលទស្សនាការប្រកួតគ្រប់ប្រភេទកីឡាគឺរួចរាល់ចាប់ពីថ្ងៃទី២៤ ខែមេសា ឆ្នាំ២០២៣ ដូច្នេះមានន័យថា ចាប់ពីថ្ងៃទី២៤ ខែមេសា ខាងមុខនេះទៅទើបអ្នកគាំទ្រអាចចូលកក់សំបុត្រតាម APP បាន។
លោកមានប្រសាសន៍ថា ៖«ក្នុងស៊ីហ្គេមនេះ បងប្អូនចូលទស្សនាដោយឥតគិតថ្លៃ អីចឹងយើងមាន System (ប្រព័ន្ធ) មួយដែលបងប្អូនប្រជាពលរដ្ឋអាចកក់ទៅតាម System ហ្នឹង។ ហើយឆែកយកសំបុត្រតាម System ប៉ុន្តែអត់គិតថ្លៃទេ។ ផ្នែកហ្នឹងខាងគណៈកម្មការប្រកួត គេបានរៀបចំ។ ដូចខាងខាងបាល់ទាត់អីចឹង សហព័ន្ធនឹងឆែកតាមអនឡាញនៅទីតាំងប្រកួត បងប្អូនយកសំបុត្របាន ចូលមើលបានហើយ។ បែបហ្នឹងអត់មានបញ្ហាអ្វីទាំងអស់។ ធ្វើអីចឹងបានគ្រប់គ្រងបាន មានលេខកៅអី មានកន្លែងតំបន់»។
លោកបន្តថា ៖«ដោយឡែកចំពោះបងប្អូនដែលចង់ចូលទស្សនាពិធីបើក និងពិធីបិទ ទាំងអស់គ្នាទាំង៦ម៉ឺននាក់ សុទ្ធតែអត់មានគិតថ្លៃ ប៉ុន្តែពិធីបើក វាមិនមែនមានតែខ្មែរដូចកីឡាជាតិទេ។ លើកនេះមានបរទេសច្រើន គ្រាន់តែប្រតិភូកីឡាបរទេសជាង១ម៉ឺននាក់ហើយ តែអត្តពលិកភាគច្រើនមិនចូលរួមទេ ដោយសារគេត្រៀមកម្លាំងដើម្បីប្រកួត តែប្រតិភូកីឡាជាង៦ពាន់នាក់។ យើងអញ្ជើញទាំងអស់ គ្រប់ខេត្ត គ្រប់ស្ថាប័ន តែប្រជាពលរដ្ឋនៅភ្នំពេញច្រើនជាង។ បន្ទាប់មកប្រជាពលរដ្ឋនៅខេត្តកណ្តាល កំពង់ស្ពឺ និងកំពង់ឆ្នាំង។ ក្រៅពីហ្នឹងគ្រប់ខេត្តទាំងអស់ដែលក្នុងមួយៗខេត្តមានចំនួន១០០នាក់»។
«ចំពោះបងប្អូនខ្មែរនៅក្រៅប្រទេសក៏អាចអញ្ជើញមកទស្សនាពិធីបើក ពិធីបិទបានដែរ ប៉ុន្តែទាល់តែដល់ថ្ងៃទី២៤ ខែមេសាទើបវេបសាយ (APP) រួចរាល់។ បងប្អូនអាចចូលពីថ្ងៃទី២៤ មេសានេះបាន។ បងប្អូនគ្រាន់តែចូលកក់សំបុត្រ ហើយមកយកសំបុត្រនៅស្តង់នៅមុខពហុកីឡដ្ឋានជាតិមរតកតេជោចាប់ពីថ្ងៃទី២៤។ បងប្អូនអាចពឹងគ្រួសារនៅខ្មែរ មិត្តភក្តិនៅខ្មែរដើម្បីយកសំបុត្រនៅស្តង់តែម្តង ប៉ុន្តែអ្នកមកពីក្រៅប្រទេសត្រូវបង្ហាញលិខិតឆ្លងដែន និងអាសយដ្ឋានដើម្បីយកសំបុត្របាន តែបើអត់មានបងប្អូននៅខ្មែរ គ្រាន់តែបង្ហាញលិខិតឆ្លងដែន និងសម្រាកនៅឯណា។ យើងត្រៀម៣ពាន់កន្លែងសម្រាប់បងប្អូនខ្មែររស់នៅក្រៅប្រទេស អីចឹងយើងបើកជូនចាប់ពីថ្ងៃទី២៤ ខែមេសា ដល់ថ្ងៃដាច់ខែ»។
ជារួម ការចុះឈ្មោះ និងកក់សំបុត្រតាមរយៈ APP គឺអាស្រ័យទៅលើប្រភេទកីឡា ទីកន្លែងការប្រកួត និងកាលបរិច្ឆេទប្រកួត បន្ទាប់មកបងប្អូនទៅយកសំបុត្រនៅមុខទីកន្លែងប្រកួត ដែលសហព័ន្ធ និងគណៈកម្មការរៀបចំការប្រកួតតាមប្រភេទកីឡានីមួយៗត្រួតពិនិត្យ និងផ្តល់ជូនសំបុត្រចូលទស្សនាដោយឥតគិតថ្លៃ។ ការគ្រប់គ្រងបែបនេះដើម្បីការពារសុវត្ថិភាព សន្តិសុខ និងជៀសវាងការប៉ះទង្គិចគ្នារវាងអ្នកគាំទ្ររៀងៗខ្លួន៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ