កីឡា

៥គូជើងឯកស្វាយរៀងខាប់ U15 សប្តាហ៍នេះគ្មានគូណាស្មើគ្នាឡើយ

បានផុស

៣ years មុន

នៅ

ថ្ងៃអាទិត្យ ២៣ មេសា ២០២៣

ដោយ

ការប្រកួតបាល់ទាត់ពានរង្វាន់យុវជនស្វាយរៀងខាប់អាយុក្រោម១៥ឆ្នាំ (U15) ឆ្នាំ២០២៣ ក្នុងសប្តាហ៍ទី៧ បានដំណើរការប្រកួត៥គូដោបញ្ចប់ទៅគ្មានគូណាមួយស្មើគ្នាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីពានរង្វាន់ស្វាយរៀងខាប់ យុវជនអាយុក្រោម១៥ឆ្នាំបានចាប់ផ្តើមឡើងកាលពីថ្ងៃទី៨ ខែមីនា ឆ្នាំ២០២៣ មក ការប្រកួតរាល់សប្តាហ៍កន្លងមកតែងតែមានគូខ្លះដែលបញ្ចប់ទៅដោយលទ្ធផលស្មើគ្នា ប៉ុន្តែសប្តាហ៍នេះពិតជាពិសេសជាងសប្តាហ៍មុនៗដោយគ្មានគូណាមួយស្មើគ្នាឡើយ។

ការប្រកួតកាលពីថ្ងៃសៅរ៍ ទី២២ ខែមេសា កន្លងទៅនេះ ក្រុមយុវជនគគីរសោម ទទួលបានជ័យជម្នះលើក្រុម ស្រុកកំពង់រោទិ៍ ដោយលទ្ធផល ០-៣ ខណៈក្រុមយុវជនចុងព្រែកទទួលរងបរាជ័យយ៉ាងធ្ងន់ធ្ងរដោយថ្វីជើងក្រុមយុវជនជីភូ ៧-២ ហើយក្រុមយុវជនស.ស.យ.ក ក្រុងស្វាយរៀងក៏មិនធម្មតាដែរដោយបានយកឈ្នះលើក្រុមយុវជនពិសីព្រែកប្រសូតិ ១-៥។

ចំពោះការប្រកួតនៅថ្ងៃអាទិត្យ ទី២៣ ខែមេសានេះ មាន២គូគឺក្រុមយុវជនព្រះខ័នរាជស្វាយរៀង U15 បានយកឈ្នះលើយុវជន ស.ស.យ.ក ស្រុករំដួលដោយលទ្ធផល ០-២ និងក្រុមយុវជនសង្កាត់ស្វាយតឿ បានឈ្នះក្រុមយុវជន គោព្រៃ ភូមិស្វាយធំ ដោយគ្រាប់បាល់ ៣-០។

សប្តាហ៍ទី៧ ថ្ងៃសៅរ៍ ទី២២ ខែមេសា

ស.ស.យ.ក ស្រុកកំពង់រោទិ៍ ០-៣ យុវជនគគីរសោម
យុវជនជីភូ ៧-២ យុវជនចុងព្រែក
ពិសីព្រែកប្រសូតិ ១-៥ ស.ស.យ.ក ក្រុងស្វាយរៀង

សប្តាហ៍ទី៧ ថ្ងៃអាទិត្យ ទី២៣ ខែមេសា

ស.ស.យ.ក ស្រុករំដួល ០-២ ព្រះខ័នរាជស្វាយរៀង U15
យុវជនសង្កាត់ស្វាយតឿ ៣-០ គោព្រៃ ភូមិស្វាយធំ

ការប្រកួតពានរង្វាន់ស្វាយរៀងខាប់ យុវជនអាយុក្រោម១៥ឆ្នាំ ឆ្នាំ២០២៣នេះមានក្រុមចូលរួមប្រកួតចំនួន២១ក្រុម ដែលត្រូវបានបែងចែកជា៤ពូល។ ក្នុងនោះពូល «ក»មាន៦ក្រុម ខណៈ៣ពូលផ្សេងទៀតគឺ«ខ គ និង ឃ»មាន៥ក្រុមដូចខាងក្រោម។

សូមបញ្ជាក់ថា ការប្រកួតបាល់ទាត់ពានរង្វាន់ស្វាយរៀងខាប់ U15 លើកទី១នេះ ត្រូវបានផ្តួចផ្តើមរៀបចំឡើងដោយ ឯកឧត្តម ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជាខេត្តស្វាយរៀង៕