ម៉ោង ២រសៀលនេះ កីឡាការិនីកម្ពុជា ស្រួង ភាវី នឹងបន្តប្រកួតប៊ីយ៉ាការ៉ុម ក្នុងវិញ្ញាសា១បាំង

នៅរសៀលថ្ងៃនេះ កីឡាការិនីប៊ីយ៉ាការ៉ុមនិងស្នូកឃ័រកម្ពុជា ស្រួង ភាវី នឹងបន្តប្រកួតប៊ីយ៉ាការ៉ុម ក្នុងវិញ្ញាសា១បាំង បន្ទាប់ពីយកឈ្នះមេដាយមាសជូនជាតិ ក្នុងការប្រកួតកីឡា​​ប៊ីយ៉ា​ការ៉ុម​ លើវិញ្ញាសា៣បាំង ក្នុង​​ព្រឹត្តិការណ៍​កីឡា​ស៊ីហ្គេម​លើក​ទី​៣២ រួចមក។

ម្ចាស់មេដាយមាសរូបនេះ នឹងបន្តប្រកួតប៊ីយ៉ាការ៉ុម វិញ្ញាសា១បាំង​ ជាមួយនឹង Vutthiphan Kongkaket ដែលមកពីប្រទេសថៃ វេលាម៉ោង ២រសៀលនេះ នៅផ្សារទំន់បអ៊ីអន២ ជាន់ទី៣ ក្រោមការបេជ្ញាចិត្តរួចជាស្រេច ថានឹង​ដណ្តើម​យក​មេដាយមាស​ជូនប្រទេសកម្ពុជា ដែលត្រូវប្រកួតនៅវេលាម៉ោង២រសៀល ថ្ងៃទី១២ ខែឧសភា ឆ្នាំ២០២៣ បន្តិចទៀតនេះ។

គួរបញ្ជាក់ថា សម្រាប់ការប្រកួតនៅក្នុងឱកាសព្រឹត្តិការណ៍​កីឡា​ស៊ីហ្គេម​លើក​ទី​៣២នេះ កីឡាការិនីឆ្នើមរូបនេះ ទទួលបានការចាប់អារម្មណ៍ខ្លាំង លើការបង្ហាញសមត្ថភាពយកឈ្នះលើគូប្រកួតជាបន្ទាប់ និងក្លាយជាម្ចាស់មេដាយមាសលើវិញ្ញាសា ៣បាំងរួចទៅហើយ។ យ៉ាងណាមិញ កីឡាការិនីរូបនេះ នៅតែមោះមុតបន្តដណ្តើមមេដាយជូនជាតិបន្ថែមទៀត៕