កីឡា

ថ្ងៃនេះនឹងរកឃើញម្ចាស់មេដាយ៤គ្រឿងអាស៊ានប៉ារ៉ាហ្គេមទី១២

បានផុស

៣ years មុន

នៅ

ថ្ងៃសៅរ៍ ៣ មិថុនា ២០២៣

ដោយ

សម្រាប់ការប្រកួតអាស៊ានប៉ារ៉ាហ្គេម លើកទី១២ ឈានដល់ថ្ងៃទី២ហើយ បន្ទាប់ពីការប្រកួតថ្ងៃដំបូងកាលពីថ្ងៃទី២ ខែមិថុនា ឆ្នាំ២០២៣។ ថ្ងៃទី២មានការប្រកួត៣ប្រភេទកីឡា និងត្រូវរកឃើញម្ចាស់មេដាយមាស៤គ្រឿងគឺ២គ្រឿងសម្រាប់កីឡាបាល់បោះរទេះជនពិការ និង២គ្រឿងទៀតសម្រាប់កីឡាវាយសី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាវាយសីពិការ

ការប្រកួតកីឡាវាយសីមាន២វិញ្ញាសាដែលនឹងរកឃើញម្ចាស់មេដាយមាសនៅថ្ងៃទី៣ ខែមិថុនា ឆ្នាំ២០២៣ នៅទីលានវាយសី ក្នុងពហុកីឡដ្ឋានជាតិមរតកតេជោ ចាប់ពីម៉ោង៨:៣០នាទីព្រឹកទៅ។

វិញ្ញាសា ក្រុមឈរ វគ្គពាក់កណ្តាលផ្តាច់ព្រ័ត្រ៖ ឥណ្ឌូណេស៊ី vs វៀតណាម
វិញ្ញាសា ក្រុមបុរសឈរ វគ្គពាក់កណ្តាលផ្តាច់ព្រ័ត្រ៖ ម៉ាឡេស៊ី vs ថៃ
វិញ្ញាសា ក្រុមបុរសឈរ វគ្គដណ្តើមមេដាយសំរិទ្ធ និងមេដាយមាស
វិញ្ញាសាបុរសក្រុម WH វគ្គផ្តាច់ព្រ័ត្រដណ្តើមមេដាយមាស៖ ម៉ាឡេស៊ី VS ថៃ

កីឡាអុកពិការ

ការប្រកួតមានច្រើនវិញ្ញាសា វគ្គសន្សំពិន្ទុក្នុងពូល ចាប់ពីម៉ោង៨:៣០នាទី រហូតដល់១០:៣០នាទីព្រឹក នៅសាលដំបូលទូក សាកលវិទ្យាល័យភូមិន្ទភ្នំពេញ។

កីឡាបាល់បោះរទេះពិការ

ការប្រកួតកីឡាបាល់បោះរទេះពិការមាន២វិញ្ញាសាគឺបុរស៣ទល់៣ និងនារី៣ទល់៣ នឹងរកឃើញម្ចាស់មេដាយមាស និងបន្តការប្រកួតសន្សំពិន្ទុសម្រាប់វិញ្ញាសា៥ទល់៥។ ការប្រកួតនៅសាលដំរី នៅពហុកីឡដ្ឋានជាតិមរតកតេជោ។

វិញ្ញាសានារី៣ទល់៣
- ដណ្តើមមេដាយសំរិទ្ធ៖ ហ្វីលីពីន vs ឡាវ
- ដណ្តើមមេដាយមាស៖ កម្ពុជា vs ថៃ
វិញ្ញាសាបុរស៣ទល់៣
- ដណ្តើមមេដាយសំរិទ្ធ៖ កម្ពុជា vs ម៉ាឡេស៊ី
- ដណ្តើមមេដាយមាស៖ ថៃ vs ហ្វីលីពីន
វិញ្ញាសាបុរស៥ទល់៥
- វគ្គសន្សំពិន្ទុ៖ កម្ពុជា vs ថៃ