បង់ក្លាដែស ប្រកួតកម្ដៅសាច់ដុំជាមួយ Tiffy Army ដោយសារមូលហេតុនេះ

ក្រុមបាល់ទាត់ជម្រើសជាតិបង់ក្លាដែស បានយកឈ្នះលើក្រុមនៃលីគកំពូលកម្ពុជា សមាគមកីឡាកងយោធពលខេមរភូមិន្ទ ឬ Tiffy Army ១-០ ក្នុងការប្រកួតកម្ដៅសាច់ដុំមួយក្នុងរាជធានីភ្នំពេញ កាលពីថ្ងៃចន្ទម្សិលមិញ។

Sohel Rana ជាកីឡាកតែម្នាក់គត់ដែលរកបានមួយគ្រាប់ក្នុងការប្រកួតនៅនាទី១២ ក្រៅពីនេះពុំមានរឿងអ្វីកើតឡើងក្នុងការប្រកួតឡើយ។ ជាមួយគ្នាផងដែរ គ្រូបង្វឹករបស់បង់ក្លាដែស លោក Javier Cabrera បាននិយាយក្រោយការប្រកួតថា ពួកគេបានផ្តោតលើការការពារនៅក្នុងការហ្វឹកហាត់។

«យើងដឹងថា ជាពិសេសក្នុងការប្រកួតខ្លីៗដូចជា SAFF Championship (ពានជើងឯកអាស៊ីខាងត្បូង) វាជារឿងសំខាន់ដែលមិនត្រូវចាញ់។ នោះគឺជាគោលដៅសំខាន់មួយ។ ក្រុមដឹងថាពួកគេមិនអាចរបូតគ្រាប់បាល់បានទេ ហើយវាគឺជាគោលដៅសំខាន់មួយនៅក្នុងផែនការនៃការប្រកួតនេះ។» លោក Cabrera បាននិយាយ។

ដោយឡែកប្រធានក្រុម កីឡាករ Jamal Bhuiyan បាននិយាយថា ៖«សរុបមក វាគឺជាការប្រកួតដ៏ល្អមួយ។ យើងមានឱកាសច្រើនក្នុងតង់ទីមួយ។ វាមិនងាយស្រួលក្នុងការប្រកួតជាមួយពួកគេទេ ខណៈដែលពួកគេមានកីឡាករបរទេសបីបួននាក់។ វាគឺជាការសាកល្បងដ៏ល្អមួយ។ ចំណុចវិជ្ជមានគឺយើងបានឈ្នះការប្រកួតនេះ ហើយមិនរបូតគ្រាប់បាល់ឡើយ»។

ក្រុមនេះក៏កំពុងត្រៀមខ្លួនសម្រាប់ការប្រកួតជើងឯតំបន់អាស៊ីខាងត្បូង (SAFF Championship) ដែលគ្រោងនឹងចាប់ផ្ដើមនៅទីក្រុង Bengaluru ប្រទេសឥណ្ឌានៅថ្ងៃទី២១ ខែមិថុនា ខាងមុខផងដែរ។ ពួកគេនឹងប្រកួតមិត្តភាពរបស់ FIFA ជាមួយនឹងក្រុមជម្រើសជាតិកម្ពុជា នៅថ្ងៃព្រហស្បតិ៍ ទី១៥ នេះ៕

ប្រែសម្រួល៖ មន្នីរ័ត្ន

ប្រភព៖ dhakatribune.com