កីឡា
បង់ក្លាដែសប្រាប់ចំណុចពិសេសដែលជ្រើសរើសកម្ពុជាប្រកួតមិត្តភាព
ការទទួលស្វាគមន៍យ៉ាងកក់ក្តៅ និងមានអ្នកគាំទ្រចូលរួមទស្សនាលើកទឹកចិត្តច្រើនជាកត្តាទាក់ចិត្តក្រុមបាល់ទាត់ជម្រើសជាតិបង់ក្លាដែសមកប្រកួតមិត្តភាពអន្តរជាតិជាមួយកម្ពុជាវេលាម៉ោង៧យប់ ថ្ងៃទី១៥ ខែមិថុនា ឆ្នាំ២០២៣នេះ នៅពហុកីឡដ្ឋានជាតិអូឡាំពិក។
ក្នុងសន្និសីទសារព័ត៌មានកាលពីព្រឹកថ្ងៃទី១៤ ខែមិថុនា លោក Javier Fernadez Cabrera គ្រូបង្វឹកជម្រើសជាតិបង់ក្លាដែសបានលើកឡើងថា ការប្រកួតមិត្តភាពអន្តរជាតិពិតជាសំខាន់ និងជាការធ្វើតេស្តកីឡាករដ៏ចាំបាច់សម្រាប់ការត្រៀមខ្លួនប្រកួតជម្រុះជើងឯកពិភពលោក និងជម្រុះជើងឯកទ្វីបអាស៊ី AFC Cup ជាដើម។
លោក Javier Fernadez បាននិយាយថា ៖«ការប្រកួតនៅលើទីលានត្រូវលេងជាក្រុមមិនមែនលេងជាបុគ្គលទេ។ ខ្ញុំមិនចាប់អារម្មណ៍លើកីឡាករកម្ពុជាល្អៗ ជាពិសេសកីឡាករចាស់ៗដែលមានបទពិសោធច្រើនដូចជា ចាន់ វឌ្ឍនាកា ជាដើម។ ខ្ញុំគិតថា ប្រកួតនេះនឹងតឹងតែង ហើយសង្ឃឹមថា ក្រុមរបស់ខ្ញុំធ្វើបាន»។
បង់ក្លាដែសទើបតែប្រកួតមិត្តភាពអន្តរជាតិឈ្នះកម្ពុជាដោយលទ្ធផល ០-១ កាលពីចុងឆ្នាំ២០២២ ដូច្នេះនៅពេលសួរថា ហេតុអ្វីជ្រើសរើសប្រកួតជាមួយកម្ពុជាទៀត? គ្រូបង់ក្លាដែសបាននិយាយថា ការប្រកួតជាមួយកម្ពុជាពិតជាគួរឲ្យចាប់អារម្មណ៍ និងកក់ក្តៅ ដោយសារម្ចាស់ផ្ទះកម្ពុជាទទួលស្វាគមន៍យ៉ាងកក់ក្តៅ រាក់ទាក់ ហើយអ្នកគាំទ្រស្រឡាញ់ចូលចិត្តចូលទស្សនាផ្ទាល់ច្រើន។
លោកបញ្ជាក់ថា ម្យ៉ាងទៀត ក្រុមបាល់ទាត់ជម្រើសជាតិកម្ពុជារីកចម្រើន និងមានគុណភាពដែលស័ក្តិសមសម្រាប់ក្រុមរបស់លោកមកប្រកួតមិត្តភាពអន្តរជាតិជាមួយ។
ប្រវត្តិជួបគ្នាមិត្តភាពពីរលើកកន្លងមក កម្ពុជាមិនដែលឈ្នះបង់ក្លាដែសឡើយ។ លើកទី១ ថ្ងៃទី៩ ខែមីនា ឆ្នាំ២០១៩ ម្ចាស់ផ្ទះកម្ពុជាបានចាញ់បង់ក្លាដែសដោយលទ្ធផល ០-១ និងលើកទី២ ថ្ងៃទី២២ ខែកញ្ញា ឆ្នាំ២០២២ កម្ពុជា ចាញ់ ០-១៕
អត្ថបទ៖ ផា រតនា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង