កីឡា

ក្រុមកម្ពុជា Burn X Flash ទទួលបានប្រាក់រង្វាន់១,៥ម៉ឺនដុល្លារក្នុងជើងឯក MSC 2023

បានផុស

៩ ខែ មុន

នៅ

ថ្ងៃចន្ទ ១៩ មិថុនា ២០២៣

ដោយ

ក្រុមកីឡាអេឡិចត្រូនិកកម្ពុជា Burn X Flash ទទួលបានចមណាត់ថ្នាក់លេខ៤ក្នុងការការប្រកួតជើងឯក Mobile Legends: Southeast Asia Cup (MSC 2023) ដែលបានបញ្ចប់ទៅកាលពីយប់ថ្ងៃអាទិត្យ ទី១៨ ខែមិថុនា ឆ្នាំ២០២៣ នៅផ្សារអ៊ីអនសែនសុខ ខណៈជើងឯកបានទៅក្រុមឥណ្ឌូណេស៊ី ONIC Esports ដោយទទួលបានប្រាក់រង្វាន់១៤ម៉ឺនដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Burn X Flash បានក្លាយជាក្រុមកម្ពុជាដំបូងគេក្នុងការឡើងដល់វគ្គពាក់កណ្តាលផ្តាច់ព្រ័ត្រជើងឯកអាស៊ីអាគ្នេយ៍មួយនេះ។ នៅវគ្គសន្សំពិន្ទុក្នុងពូល ក្រុមតំណាងកម្ពុជា បានចាញ់ ONIC Esports ២-០ ប៉ុន្តែយកបានឈ្នះក្រុមមកពីអាមេរិកខាងជើង Outplay ដោយលទ្ធផល ២-០ ដើម្បីឈរលេខ២ក្នុងពូល។

នៅវគ្គ៨ក្រុមចុងក្រោយ ក្រុមតំណាងកម្ពុជាបានយកឈ្នះក្រុម RSG Slate SG របស់សិង្ហបុរីដោយលទ្ធផល ៣-០។ នៅវគ្គពាក់កណ្តាលផ្តាច់ព្រ័ត្រ Burn X Flash បានចាញ់ក្រុមខ្លាំង Blacklist International ដោយលទ្ធផល ៣-១ ដូច្នេះធ្លាក់ទៅប្រកួតយកចំណាត់ថ្នាក់លេខ៣ដែលបានចាញ់ក្រុមហ្វីលីពីន ECHO ដោយលទ្ធផល ២-៣ ដើម្បីទទួលបានចំណាត់ថ្នាក់លេខ៤។

MSC 2023 មានក្រុមចូលរួមប្រកួត១២ដែលមកពីប្រទេសផ្សេងៗគ្នាជាច្រើនត្រូវបានបែងចែកជា៤ពូលដោយក្នុង១ពូលមាន៣ក្រុម ចាប់ប្រកួតពីថ្ងៃទី១០ ដល់ទី១៨ ខែមិថុនា ឆ្នាំ២០២៣ដែលកម្ពុជាទទួលរៀបចំជាម្ចាស់ផ្ទះ។