កីឡា

World Cup នារី៖ ហ្វីលីពីនត្រូវការពិន្ទុដាច់ខាតប៉ះនូវែលសេឡង់់ថ្ងៃនេះ

បានផុស

២ years មុន

នៅ

ថ្ងៃអង្គារ ២៥ កក្កដា ២០២៣

ដោយ

ក្រុមបាល់ទាត់នារីជម្រើសជាតិហ្វីលីពីន ត្រូវការពិន្ទុដាច់ខាតក្នុងការប្រកួតជាមួយម្ចាស់ផ្ទះ នូវែលសេឡង់ វេលាម៉ោង១២:៣០ថ្ងៃនេះ នៅកីឡដ្ឋាន Wellington Regional សម្រាប់ការប្រកួតវគ្គសន្សំពិន្ទុក្នុងពូល A ពានរង្វាន់បាល់ទាត់នារីពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាប្រកួតទី២ វគ្គសន្សំពិន្ទុក្នុងពូល A សម្រាប់ក្រុមទាំងពីរ។ ការប្រកួតដំបូង ម្ចាស់ផ្ទះ នូវែលសេឡង់ចាប់ផ្តើមបានយ៉ាងល្អដោយយកឈ្នះក្រុមជម្រើសជាតិនារីន័រវែសក្នុងលទ្ធផល ១-០ មាន ៣ពិន្ទុឈរលេខ ២ក្នុងពូល A។

ចំណែកហ្វីលីពីនធ្វើមិនបានល្អទេដោយបានចាញ់ក្រុមស្វីសដោយលទ្ធផល ២-០ ឈរលេខ ៤ ក្នុងពូល។ ថ្ងៃនេះជាការប្រកួតដ៏លំបាកមួយរបស់ក្រុមតំបន់អាស៊ានដែលត្រូវជួបជាមួយក្រុមម្ចាស់ផ្ទះ។

បើតាមការព្យាករ ក្រុមនារីហ្វីលីពីនមានភាគរយប្រហែលជា៨% ប៉ុណ្ណោះដែលអាចទទួលបានជ័យជម្នះ ខណៈក្រុមនូវែលសេឡង់មានដល់៧១%ក្នុងការទទួលបានជ័យជម្នះ ។

ក្រុមទាំង២ក៏បានជួបគ្នាក្នុងជំនួបមិត្តភាពកាលពីថ្ងៃទី ៦ ខែកញ្ញា ឆ្នាំ ២០២២ ពេលនោះក្រុមជម្រើសជាតិនារីន័រវែលសេឡង់បានយកឈ្នះហ្វីលីពីនដោយលទ្ធផល ២-១។

ជំនួបនេះពិតជាចាំបាច់បំផុតសម្រាប់ហ្វីលីពីន ដោយសារចាញ់ការប្រកួតលើកទី១ ដូច្នេះបើចាញ់ការប្រកួតនេះគឺឱកាសតិចតូចបំផុតដែលអាចឡើងទៅ វគ្គ១៦ក្រុមចុងក្រោយ។

ហ្វីលីលីពីន ជាក្រុមមួយក្នុងចំណោមក្រុមជម្រើសជាតិនារីអាស៊ាន២ដែលទទួលបានកៅអីឡើងទៅជុំផ្តាច់ព្រ័ត្រជើងឯកនារីពិភពលោក បន្ទាប់ពីវៀតណាម។ ក្រុមជម្រើសជាតិនារីទាំងពីរទទួលបានសាទរពីប្រទេសអាស៊ានដែលអាចឡើងទៅដល់ជុំផ្តាច់ព្រ័ត្រ និងជាប្រវត្តិសាស្ត្រដំបូងរបស់ក្រុមទាំងពីរ៕