កីឡា

នេះជាមូលហេតុ Loic Chan អត់ជាប់ U23 កម្ពុជាចុងក្រោយ

បានផុស

៧ ខែ មុន

នៅ

ថ្ងៃចន្ទ ១៤ សីហា ២០២៣

ដោយ

សហព័ន្ធកីឡាបាល់ទាត់កម្ពុជាបានបញ្ជីឈ្មោះក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U23)ជាផ្លូវការហើយដើម្បីត្រៀមទៅប្រកួតជើងឯកយុវជនអាស៊ាននៅប្រទេសថៃ AFF U23 Championship 2023។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបញ្ជីឈ្មោះ២៣នាក់ចុងក្រោយមិនមានឈ្មោះយុវជនខ្មែរ-បារាំង Loic Chan ទេ។ យុវជនដែលជាកូនប្រុសរបស់តារាសម្តែងក្បាច់គុនខ្មែរនៅហូលីវូដ និងម្តាយជាជនជាតិបារាំងមកប្រទេសប្រទេសកម្ពុជារយៈពេលជាងមួយសប្តាហ៍ហើយដើម្បីធ្វើតេស្តជាមួយ U23 កម្ពុជា។ រូបគេមានឈ្មោះ២៨នាក់ដំបូង ប៉ុន្តែមិនមាន២៣នាក់ចុងក្រោយ។

កាលពីសប្តាហ៍មុន ធារី ចន្ថាប៊ីន ដែលបានជួយសម្រួលដល់ Loic Chan បានប្រាប់សារព័ត៌មានកម្ពុជាថ្មីថា យុវជនខ្មែរ-បារាំងរូបនេះមិនទាន់មានឯកសារគ្រប់គ្រាន់ផ្លូវការក្នុងការធ្វើដំណើរជាមួយក្រុម U23 កម្ពុជាដើម្បីទៅប្រទេសថៃទេ។

លោក Maurice Chan មុននេះបានប្រាប់ថា ៖«Loïc មិនអាចធ្វើដំណើរទៅប្រទេសថៃជាមួយក្រុម U23 កម្ពុជាបានទេ ពីព្រោះរូបគេនៅមិនទាន់មានឯកសារគ្រប់គ្រាន់។ រឿងនេះពិតជាសោកស្តាយណាស់សម្រាប់កូនខ្ញុំ និងពួកយើង។ ប៉ុន្តែយើងត្រូវតែអត់ធន់ និងរង់ចាំឱកាសក្រោយទៀត»៕