កីឡា

យប់នេះ U23 កម្ពុជា ប៉ះ ម៉ុងហ្គោលី ត្រូវការឈ្នះបំផុត

បានផុស

៣ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំត្រូវការជ័យជម្នះបំផុតនៅពេលប៉ះ ម៉ុងហ្គោលី វេលាម៉ោង៨យប់នេះ វគ្គជម្រុះពានរង្វាន់ AFC U-23 Asian Cup 2024 ថ្ងៃទី៩ ខែកញ្ញា ឆ្នាំ ២០២៣ នៅកីឡដ្ឋាន Prince Sultan bin Abdul Aziz ប្រទេសអារ៉ាប៊ីសាអ៊ូឌីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបើកឆាក កម្ពុជារកបានតែ១ពិន្ទុប៉ុណ្ណោះពីលទ្ធផលស្មើគ្នា ២-២ ជាមួយក្រុមយុវជនលីបង់ ខណៈម៉ុងហ្គោលីមិនទាន់មានពិន្ទុទេ បន្ទាប់ពីចាញ់ម្ចាស់ផ្ទះអារ៉ាប៊ីសាអ៊ូឌីតដោយលទ្ធផល ៣-១។

តារាងពិន្ទុក្នុងពូល J បច្ចុប្បន្ន អារ៉ាប៊ីសាអ៊ូឌីត មាន៣ពិន្ទុឈរលេខ១ លីបង់ឈរលេខ២ កម្ពុជាឈរលេខ៣ និងម៉ុងហ្គោលីឈរលេខ៤។

ប្រសិនបើកម្ពុជារកបាន៣ពិន្ទុពេញក្នុងការប្រកួតយប់នេះ នោះកម្ពុជាអាចនឹងមានលទ្ធភាពក្នុងការអ៊ុតមើលក្រុមលេខ២ល្អបំផុតក្នុងពូល ពីព្រោះការប្រកួតចុងក្រោយប៉ះអារ៉ាប៊ីសាអ៊ូឌីតជាក្រុមខ្លាំងម្ចាស់ការពារតំណែងជើងឯកឆ្នាំចាស់ ដូច្នេះពិតជាពិបាកណាស់សម្រាប់ក្រុមកម្ពុជាក្នុងការប្រជែងតំណែងលេខ១ក្នុងពូល។

ផ្ទុយទៅវិញ ប្រសិនបើ កម្ពុជាចាញ់ម៉ុងហ្គោលីយប់នេះ គឺស្ទើរតែគ្មានសង្ឃឹមសម្រាប់ការអ៊ុតមើលក្រុមលេខ២ល្អបំផុតក្នុងពូល។

សូមបញ្ជាក់ថា ការប្រកួតជម្រុះក្នុងពូល AFC U-23 Asian Cup 2024 នេះគឺយកលេខ១ក្នុងពូលចំនួន១១ យកលេខ២ល្អបំផុតចំនួន៤ បូកទាំងម្ចាស់ផ្ទះកាតារ១ទៀត សរុប១៦ក្រុមដែលត្រូវប្រកួតជុំផ្តាច់ព្រ័ត្រ ឆ្នាំ២០២៤ នៅប្រទេសកាតារ។

ប្រវត្តិប្រកួត ៥លើកចុងក្រោយរបស់ក្រុមជម្រើសជាតិកម្ពុជាអាយុក្រោម ២៣ឆ្នាំ

កម្ពុជា ២-២ ម៉ាឡេស៊ី Southeast Asian Games ថ្ងៃទី ១៦ខែឧសភា ឆ្នាំ២០២២
កម្ពុជា ៥-០ ព្រុយណេ ក្នុងពានរង្វាន់ AFF U-23 ថ្ងៃទី ១៧ខែសីហា ឆ្នាំ ២០២៣
កម្ពុជា ១-១ មីយ៉ាន់ម៉ា ក្នុងពានរង្វាន់ AFF U-23 ថ្ងៃទី ១៩ខែសីហា ឆ្នាំ ២០២៣
កម្ពុជា ០-២ ថៃ ក្នុងពានរង្វាន់ AFF U-23 ថ្ងៃទី ២១ខែសីហា ឆ្នាំ ២០២៣
កម្ពុជា ២-២ លីបង់ ក្នុងពានរង្វាន់ AFC U-23 Asian Cup ថ្ងៃទី ៦ខែកញ្ញា ឆ្នាំ ២០២៣

ប្រវត្តិប្រកួត ៥លើកចុងក្រោយរបស់ក្រុមជម្រើសជាតិម៉ុងហ្គោលីអាយុក្រោម ២៣ឆ្នាំ

ម៉ុងហ្គោលី ១-១ ថៃ ក្នុងពានរង្វាន់ AFC U-23 Asian Cup ថ្ងៃទី ២៥ខែតុលា ឆ្នាំ២០២១
ម៉ុងហ្គោលី ០-១ ម៉ាឡេស៊ី ក្នុងពានរង្វាន់ AFC U-23 Asian Cup ថ្ងៃទី ២៨ខែតុលា ឆ្នាំ២០២១
ម៉ុងហ្គោលី ២-៣ ឡាវ ក្នុងពានរង្វាន់ AFC U-23 Asian Cup ថ្ងៃទី ៣១ខែតុលា ឆ្នាំ២០២១
ម៉ុងហ្គោលី ១-០ ឆាយនីសតៃប៊ិ មិត្តភាពអន្តរជាតិ ថ្ងៃទី២២ ខែកញ្ញា ឆ្នាំ២០២២
ម៉ុងហ្គោលី ១-៣ អារ៉ាប៊ីសាអូឌីត ក្នុងពានរង្វាន់ AFC Asian Cup ថ្ងៃទី ៦ខែកញ្ញា ឆ្នាំ២០២៣

អត្ថបទ៖ ផា រតនា

Related Topics:ក្រុមបាល់ទាត់ជម្រើសជាតិកម្ពុជា AFC U23 Asian Cup