កីឡា

កម្ពុជាទទួលបានជ័យជម្នះលើម៉ុងហ្គោលី ២-១ ជើងឯក AFC U23 Asian Cup

បានផុស

២ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U23) ទទួលបានជ័យជម្នះដោយលទ្ធផល ២-១ លើក្រុម U23 ម៉ុងហ្គោលី សម្រាប់ការប្រកួតវគ្គជម្រុះក្នុងពូល ជើងឯកយុវជនអាស៊ីអាយុក្រោម២៣ឆ្នាំ (AFC U23 Asian Cup Qatar 2024) នៅប្រទេសអារ៉ាប៊ីសាអ៊ូឌី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនៅវគ្គទី១ ក្រុមយុវជនកម្ពុជារកបាន២គ្រាប់ដោយកីឡាករ សរ រតនា នៅទី៣០ និង សា ទីនៅទី៤៥ ប៉ុន្តែនៅវគ្គទី២ ម៉ុងហ្គោលតាមបាន១គ្រាប់វិញដោយកីឡាករ Bat-Oril Gerelt-Od នៅនាទី៥៣ ដែលរក្សា ២-១ រហូតចប់ការប្រកួត។

ការប្រកួតទី១ ក្រុម U23 កម្ពុជារកបាន១ពិន្ទុពីលទ្ធផលស្មើលីបង់ ២-២ និងបាន៣ពិន្ទុពេញពីជ័យជម្នះលើម៉ុងហ្គោលី ដូច្នេះយុវជនកម្ពុជាមាន៤ពិន្ទុដែលមានឱកាសសម្រាប់ការអ៊ុតមើលក្រុមលេខ២ល្អបំផុតក្នុងពូល ខណៈម៉ុងហ្គោលីនៅបាតតារាងគ្មានពិន្ទុ បន្ទាប់ពីចាញ់៣ប្រកួត។

ការប្រកួតបន្ទាប់នៅថ្ងៃទី១២ ខែកញ្ញា ឆ្នាំ២០២៣ ក្រុមយុវជនកម្ពុជាត្រូវប៉ះក្រុមម្ចាស់ផ្ទះអារ៉ាប៊ីសាអ៊ូឌីត ដែលជាក្រុមការពារតំណែងជើងឯកឆ្នាំចាស់ ហើយជាក្រុមខ្លាំងត្រូវបានគេរំពឹងថា នឹងដណ្តើមបានចំណាត់ថ្នាក់លេខ១ក្នុងពូល J ជាមួយកម្ពុជា លីបង់ និងម៉ុងហ្គោលី៕