កីឡា
វិសាខា ចាញ់ភ្នំពេញក្រោន៤ប្រកួតជាប់គ្នា ខណៈបឹងកេតឡើងលេខ៣
ក្រុមបាល់ទាត់វិសាខាបានចាញ់ភ្នំពេញក្រោនដោយលទ្ធផល ០-១ សម្រាប់ការប្រកួតសប្តាហ៍ទី៥ ខេមបូឌានព្រីមៀរលីគ ២០២៣-២៤ នៅកីឡដ្ឋានព្រីនស៍ នៅយប់ថ្ងៃទី១៧ ខែកញ្ញា ឆ្នាំ២០២៣។
តាមរយៈជ័យជម្នះនេះ ភ្នំពេញក្រោនមាន១២ពិន្ទុ ឡើងទៅឈរលេខ២នៃតារាងពិន្ទុលីគកំពូលកម្ពុជា បន្ទាប់ពីឈ្នះ៤ប្រកួត និងចាញ់១ប្រកួត ខណៈ វិសាខា មាន៩ពិន្ទុ បានធ្លាក់ទៅចំណាត់ថ្នាក់លេខ៤ ក្រោយឈ្នះ៣ប្រកួត និងចាញ់២ប្រកួត។
៤ប្រកួតចុងក្រោយ វិសាខា មិនអាចយកឈ្នះលើក្រុមភ្នំពេញក្រោនបានទេ ក្នុងនោះចាញ់ភ្នំពេញក្រោន ០-១ ក្នុងសប្តាហ៍ទី៥លីគឆ្នាំ២០២៣, ចាញ់ភ្នំពេញក្រោន ២-១ ក្នុងពានរង្វាន់ ខេមបូឌានស៊ុបភើខាប់ ឆ្នាំ២០២៣ ហើយពីរលើកចុងក្រោយកាលពីឆ្នាំ២០២២ ចាញ់ ២-៤ និងចាញ់៤-៣។
ចំណែក បឹងកេត បានឡើងទៅកាន់លេខ៣ ដោយមាន១០ពិន្ទុ បន្ទាប់ពីបានយកឈ្នះលើក្រុមគិរីវង់សុខសែនជ័យដោយលទ្ធផល ២-០ ក្នុងសប្តាហ៍ទី៥ ដូច្នេះបឹងកេតចាញ់១ប្រកួត ស្មើ១ប្រកួត និងឈ្នះ៣ប្រកួត។
បន្ទាប់ពីធ្វើឲ្យព្រះខ័នរាជស្វាយរៀងទទួលបាន៣ពិន្ទុទាំងលំបាកកាលពីសប្តាហ៍ទី៤ អាយអេសអាយ ដង្កោសែនជ័យ រកបាន១ពិន្ទុ តាមរយៈលទ្ធផលស្មើជាមួយ ណាហ្គាវើលដ៍ ១-១ ក្នុងសប្តាហ៍ទី៥។
ព្រះខ័នរាជស្វាយរៀងនៅតែជាក្រុមមិនទាន់ស្គាល់បរាជ័យ និងបន្តឈរលើកំពូលតារាងដោយបានឈ្នះ៥ប្រកួតជាប់គ្នា ខណៈ គិរីវង់សុខសែនជ័យនៅតែជាក្រុមដែលមិនទាន់ស្គាល់ជ័យជម្នះ បន្ទាប់ពីចាញ់បឹងកេតដោយលទ្ធផល ២-០ ក្នុងសប្តាហ៍ទី៥។ ក្រុមដែលមានមូលដ្ឋាននៅខេត្តតាកែវមួយនេះទើបរកបាន១ពិន្ទុប៉ុណ្ណោះ បន្ទាប់ពីស្មើ១ប្រកួត និងចាញ់៤ប្រកួត៕
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត