កីឡា

ក្រុមបាល់ទាត់អាស៊ាន៤សុទ្ធតែរកបានពិន្ទុការប្រកួតកីឡាអាស៊ីម្សិលមិញ

បានផុស

៣ years មុន

នៅ

ថ្ងៃពុធ ២០ កញ្ញា ២០២៣

ដោយ

ក្រុមបាល់ទាត់អាយុក្រោម២៣ឆ្នាំដែលជាម្ចាស់មេដាយមាសស៊ីហ្គេមគឺ ឥណ្ឌូណេស៊ី មីយ៉ាន់ម៉ា និង វៀតណាម សុទ្ធតែរកបាន៣ពិន្ទុពេញដូចគ្នា ក្នុងព្រឹត្តិការណ៍កីឡាអាស៊ី លើកទី១៩ ឆ្នាំ២០២២ (លើកមកឆ្នាំ២០២៣)នៅប្រទេសចិន។ ស្របពេលជាមួយគ្នាក្រុមយុវជនថៃរកបាន១ពិន្ទុ បន្ទាប់ពីស្មើគ្នា។

ពូល A

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពូល A ម្ចាស់ផ្ទះ ចិន បានយកឈ្នះ លើក្រុមឥណ្ឌា ដោយលទ្ធផល ៥-១ ដើម្បីឈរលើកំពូលតារាង ប៉ុន្តែនៅពូលជាមួយគ្នានេះ ក្រុមអាស៊ាន មីយ៉ាន់ម៉ា ក៏រកបាន៣ពិន្ទុដែរ បន្ទាប់ពីបានឈ្នះយុវជន បង់ក្លាដែស ដោយលទ្ធផល ០-១។

ពូល B

ក្រុមអាស៊ានគឺ វៀតណាម ឡើងឈរលើកំពូលតារាងពូល B តាមរយៈជ័យជម្នះដោយលទ្ធផល ៤-២ លើក្រុមម៉ុងហ្គោលី ខណៈអ៉ីរ៉ង់ និងអារ៉ាប៊ីសាអ៊ូឌីត ចែកគ្នាបាន១ពិន្ទុម្នាក់ បន្ទាប់ពីស្មើគ្នាដោយគ្រាប់បាល់កើតឡើង។

ពូល E

ក្រុមយុវជនកូរ៉េខាងត្បូងទទួលបានជ័យជម្នះយ៉ាងធំធេងលើក្រុមគុយវ៉ែតដោយលទ្ធផលតដៃមិនរួច ៩-០ ដើម្បីឈរលេខ១ក្នុងពូល ខណៈនៅពូលជាមួយគ្នានេះ ថៃ និងបារ៉ែន ចែកគ្នា១ពិន្ទុម្នាក់ បន្ទាប់ពីស្មើ ១-១។

ពូល F

ក្រុមម្ចាស់មេដាយមាសស៊ីហ្គេមគឺ ឥណ្ឌូណេស៊ី រកបាន៣ពិន្ទុពេញតាមរយៈជ័យជម្នះ ២-០ លើក្រុមគីជីស្ដាន ប៉ុន្តែនៅពូលជាមួយគ្នានេះ កូរ៉េខាងជើង ក៏រកបាន៣ពិន្ទុដែរ បន្ទាប់ពីឈ្នះក្រុមឆាយនីយតៃប៊ិ ដោយលទ្ធផល ២-០។