កីឡា

វិសាខាចាញ់៣ប្រកួតជាប់គ្នា ខណៈគ្រូប្រាប់ក្រុមឲ្យប្រឹងបើចង់លេង AFC Cup

បានផុស

៣ years មុន

នៅ

ថ្ងៃចន្ទ ២៥ កញ្ញា ២០២៣

ដោយ

ជំនួបដ៏គួរឲ្យចាប់អារម្មណ៍ប្រចាំសប្ដាហ៍ទី៦ ក្លិបវិសាខា បានចាញ់ក្លិបព្រះខ័នរាជស្វាយរៀងដោយលទ្ធផល ០-១ ដែលបានធ្វើឲ្យពួកគេចាញ់៣ប្រកួតជាប់គ្នាក្នុងពានរង្វាន់ខេមបូឌានព្រីមៀរលីគរដូវកាល២០២៣-២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បរាជ័យ៣ប្រកួតចុងក្រោយគឺក្រោមថ្វីជើង បឹងកេត ៤-២ នៅពហុកីឡដ្ឋានជាតិអូឡាំពិក, ចាញ់ក្លិបភ្នំពេញក្រោន ១-០ នៅទឹកដីរបស់ខ្លួន និងចាញ់ព្រះខ័នរាជស្វាយរៀង ០-១ នៅទឹកដីរបស់ខ្លួនទៀត។

គ្រូបង្វឹកក្លិបវិសាខា លោក Simon Mcmenemy និយាយថា គោលដៅធំរបស់លោកមកដឹកនាំវិសាខាគឺការឈ្នះជើងឯកលីគកំពូលកម្ពុជា ដើម្បីបានទៅលេងក្នុងពានរង្វាន់ AFC Cup។ ដូច្នេះប្រសិនបើចង់ទៅលេងនៅពានរង្វាន់លំដាប់ទី២អាស៊ី ក្រុមរបស់លោកត្រូវតែប្រឹងប្រែងឲ្យខ្លាំង»។

ជំនួបរបស់ម្ចាស់ផ្ទះវិសាខា និងព្រះខ័នរាជស្វាយរៀងក្រោមក្រសែភ្នែកគាំទ្រផ្ទាល់ជិត២ពាន់នាក់បានបញ្ចប់ទៅដោយមានគ្រាប់បាល់តែ១គ្រាប់ប៉ុណ្ណោះ បើទោះជាក្រុមទាំងពីរសម្រុកគ្នាទៅវិញទៅមកក៏ដោយ។ ការពិតនៅលើសង្វៀនឃើញថា ក្រុមម្ចាស់ផ្ទះបានព្យាយាមខ្លាំងដែរ ប៉ុន្តែមិនសូវបានស៊ុតមុខទីរបស់ព្រះខ័នរាជស្វាយរៀងឡើយ។ នៅវគ្គទី២ឱកាសល្អបំផុតបានកើតមានឡើងសម្រាប់ Jonata មួយទល់មួយជាមួយអ្នកចាំទី អោម ឧត្តម តែស៊ុតខុសទីទៅវិញ។

ផ្ទុយទៅវិញ ព្រះខ័នរាជស្វាយរៀងតាំងពីវគ្គទី១រហូតដល់វគ្គទី២បានបង្កើតឱកាសស៊ុតមុខទីរបស់វិសាខាបានច្រើន រហូតដល់នាទីទី៨២ទើបគ្រាប់បាល់កើតឡើងនៅពេលខ្សែប្រយុទ្ធឡាវ Bounphachan Bounkong ដូរចូល ហើយទទួលបានឱកាសបញ្ជូនបាល់ឲ្យ Marcus Haber ស៊ុតចូលតែម្តង។