កីឡា
អ្នកចាត់ការភ្នំពេញហ្គាឡាក់ស៊ី សរសើរក្រុមថ្នាក់ខេត្តវគ្គ៨ក្រុមល្អៗពានសម្តេចតេជោ
ការប្រកួតពានរង្វាន់សម្ដេចតេជោ ហ៊ុន សែន លើកទី១៧ ថ្នាក់ខេត្ត ឆ្នាំ២០២៣-២៤ រកឃើញវគ្គ៨ក្រុមចុងក្រោយហើយ បន្ទាប់ពីបញ្ចប់ការប្រកួតសន្សំពិន្ទុក្នុងពូល ខណៈក្រុមភ្នំពេញហ្គាឡាក់ស៊ីត្រូវការពារតំណែងជើងឯកថ្នាក់ខេត្តរបស់ខ្លួនដែលបានឈ្នះកាលពីរដូវកាលមុន។
លោក ប៉ូ គីនណាក់ អ្នកចាត់ការរបស់ក្រុមភ្នំពេញហ្គាឡាក់ស៊ី បានប្រាប់«កម្ពុជាថ្មី»ថា៖«សម្រាប់ខ្ញុំយល់ឃើញថា ក្រុមដែលឡើងមកដល់វគ្គ ៨ចុងក្រោយទាំងអស់ជាក្រុមល្អ និងខ្លាំង។ ជាពិសេសក្រុមខេត្តទាំងនោះមានរចនាសម្ព័ន្ធច្បាស់លាស់និងមានអ្នកឧបត្ថម្ភដែលបានក្លាយជាក្រុមមានសក្ដានុពល»។
ការប្រកួតក្នុងពានរង្វាន់សម្ដេចតេជោ ហ៊ុន សែន លើកទី១៧ ថ្នាក់ខេត្ត បានរកក្រុមចំនួន៧ហើយឡើងវគ្គ៨ក្រុមចុងក្រោយហើយរួមមាន៖
វគ្គ៨ក្រុមចុងក្រោយ
- ពូល A៖ ក្រុមភ្នំពេញហ្គាឡាក់ស៊ី និងខេត្តព្រះសីហនុ
- ពូល B៖ ខេត្តត្បូងឃ្មុំ និងខេត្តកំពង់ចាម
- ពូល C៖ ខេត្តបន្ទាយមានជ័យ និងក្រុមឈើតុំ-ខេត្ដពោធិ៍សាត់
- ពូល D ៖ ក្រុមសន្ដិភាព-ខេត្តកំពង់ធំ និងអធិរាជដំរីឥសាន្ត-រតនគីរី
លោក ប៉ូ គីនណាក់ បានបន្ថែមថា ៖«ក្រុមដែលឡើងទៅវគ្គ៨ក្រុមចុងក្រោយគឺសុទ្ធតែក្រុមខ្លាំងទាំងអស់ មិនថាក្រុមឈរលេខ១ ឬ លេខ២ក្រុមពូលទេ។ ខ្ញុំមិនអាចធ្វើប្រហែសនិងមើលស្រាលលើក្រុមណាមួយទេ។ អ្វីដែលខ្ញុំអាចធ្វើបានគឺបង្កើនការហ្វឹកហាត់ឲ្យខ្លាំងដើម្បីតៀមខ្លួនប្រកួតបន្ត»។
ចំពោះការប្រកួតពានរង្វាន់សម្ដេចតេជោ ហ៊ុន សែន ឆ្នាំនេះបានអនុញ្ញាតឲ្យក្រុមនីមួយៗអាចដាក់ឲ្យកីឡាករបរទេសចូលលេងបានផងដែរ។ នេះជាផ្លាស់ប្តូរមួយដ៏គួរឲ្យចាប់អារម្មណ៍ និងធ្វើឲ្យការប្រកួតកាន់តែទាក់ទាញ។ ក្រុមនីមួយៗអាចចុះបញ្ជីកីឡាករចាប់ពី១៨នាក់ដល់៣០នាក់ ក្នុងនោះកីឡាករបរទេសមាន៦នាក់។ កីឡាករបរទេសអាចលេងនៅលើទីលាន៤នាក់ ក្នុងនោះ១នាក់ត្រូវតែជាកីឡាករនៅតំបន់អាស៊ាន៕
អត្ថបទ៖ ផា រតនា
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង