កីឡា
អបអរសាទរ ភ្នំពេញក្រោន ឈ្នះ Shan United មិនឲ្យតដៃរួច៤-០
ក្រុមម្ចាស់ផ្ទះភ្នំពេញក្រោនទទួលបានជ័យជម្នះយ៉ាងកក់ក្តៅលើក្រុមភ្ញៀវ Shan United ក្នុងលទ្ធផលតដៃមិនរួច ៤-០ថ្ងៃទី៥ ខែតុលា នេះ វគ្គសន្សំពិន្ទុក្នុងពូល F ពានរង្វាន់ AFC Cup នៅពហុកីឡដ្ឋានជាតិអូឡាំពិក។
នៅវគ្គទី១ ក្រុមជើងឯកលីគកំពូលកម្ពុជា ភ្នំពេញក្រោន បានបំប៉ោងសំណាញ់ទីក្រុមជើងឯកលីគកំពូលមីយ៉ាន់ម៉ា Shan United តែ១គ្រាប់ប៉ុណ្ណោះដោយខ្សែប្រយុទ្ធជប៉ុន Shintaro Shimizu តាមរយៈការស៊ុតពិន័យ១១ម៉ែត្របានសម្រេចនៅនាទី២៧។
ចូលវគ្គ២ ក្រុមភ្ញៀវបានព្យាយាមដាក់សម្ពាធច្រើននៅដើមវគ្គ ប៉ុន្តែមិនអាចទម្លាយសំណាញ់ទីរបស់ម្ចាស់ផ្ទះបានទេ។ ផ្ទុយទៅវិញ ភ្នំពេញក្រោនអាចរកបាន៣គ្រាប់បន្ថែមទៀតដែលគ្រាប់ទី២រកបានដោយ Shintaro នៅនាទីទី៧៥ ខណៈគ្រាប់ទី៣ដោយ លឹម ពិសុទ្ធ នៅនាទី៨៩ និងគ្រាប់ទី៤ដោយកីឡាករជប៉ុន Shintaro ទៀតនៅនាទីទី៩០+៤ ដែលបានធ្វើឲ្យរូបគេរកធ្វើបានហែតទ្រីកក្នុងប្រកួតការប្រកួតនេះ ហើយជាគ្រាប់ទី៤ដែលរូបគេរកបានវគ្គសន្សំពិន្ទុក្នុងពូល២ប្រកួត។
មែនទែនទៅ ការប្រកួតនេះ ភ្នំពេញក្រោនគួរតែអាចរកបានគ្រាប់បាល់ច្រើនជាងនេះ ប៉ុន្តែឱកាសដាច់មាត់ និងតែតច្បាស់ៗជាច្រើនដងធ្វើមិនបានសម្រេច។
រហូតដល់ពេល ភ្នំពេញក្រោន ឈ្នះ២ប្រកួតជាប់គ្នា និងរកបាន៦ពិន្ទុពេញដោយឈរលេខ២ក្នុងពូល F នៅពីក្រោមក្រុមអូស្ត្រាលី Marcathur FC ដែលឈ្នះ២ប្រកួតមាន៦ពិន្ទុដែរ ប៉ុន្តែមានគ្រាប់បាល់ចំណេញច្រើនជាង៕
លទ្ធផលពូល F ប្រកួតទី២
-Macarthur FC ៨-២ DH Cebu FC
-ភ្នំពេញក្រោន ៤-០ Shan United
តារាងពិន្ទុបណ្តោះអាសន្ន
-Macarthur មាន៦ពិន្ទុ
-ភ្នំពេញក្រោន មាន៦ពិន្ទុ
-Shan United មានសូន្យពិន្ទុ
-DH Cebu មានសូន្យពិន្ទុ
អត្ថបទ៖ វីរបុត្រ
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ១ សប្តាហ៍ agoសារព័ត៌មានអាមេរិក CBS ចុះផ្សាយពីរបៀបដែល បណ្តាញចោរមានមូលដ្ឋាននៅថៃ Latchford លួចវត្ថុបុរាណខ្មែរ លក់ទៅឲ្យសារមន្ទីរអន្តរជាតិ និង មហាសេដ្ឋី