កីឡា

គ្រូវិសាខាស្នើឲ្យបញ្ឍប់ការរិះគន់វាយប្រហារលើកីឡាករ ស រតនា

បានផុស

៣ years មុន

នៅ

ថ្ងៃចន្ទ ២៣ តុលា ២០២៣

ដោយ

ក្រោយពីធ្វើមិនបានល្អជាមួយក្រុមជម្រើសជាតិកម្ពុជាក្នុងវគ្គជម្រុះជុំទី១ ជើងឯកពិភពលោក កីឡាករ ស រតនា ត្រូវបានរិះគន់យ៉ាងចាស់ដៃគីអ្នកប្រើប្រាស់ Facebook និងផេកសារព័ត៌មានតូចៗមួយចំនួនដែលជំរុញឲ្យលោក Simon Mcmenemy គ្រូបង្វឹកក្លិបវិសាខា ស្នើសុំឲ្យបញ្ឈប់ការរិះគន់វាយប្រហារលើកីឡាករវិសាខាម្នាក់នេះ និងកីឡាករជម្រើសជាតិផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Simon Mcmenemy គ្រូបង្វឹកក្លិបវិសាខានិយាយថា៖«ខ្ញុំឃើញមានសារព័ត៌មានមួយចំនួនវាយប្រហារកីឡាករ ស រតនា ដែលជាកូនក្រុមរបស់ខ្ញុំ។ តាមពិតទៅ គាត់ជាកីឡាករអាយុក្រោម២៣ឆ្នាំដែលលេងនៅតំបន់ការពារ ប៉ុន្តែក្នុងក្រុមជម្រើសជាតិបែរជាគ្រូបង្វឹកដាក់ឲ្យលេងតំបន់ប្រយុទ្ធ ដែលមិនមែនជាទីតាំងដើមរបស់គាត់»។

«គាត់ជាកីឡាករវ័យក្មេងផងការប្រហារមកលើបែបនេះ ខ្ញុំគិតថា ជារឿងគួរឲ្យអស់សំណើច។ វាក៏ជារឿងមួយដែលមិនគួរកើតមាន។ នៅពេលគាត់ស៊ុតចូលឲ្យក្រុមជម្រើសជាតិកម្ពុជាអាយុក្រោម២៣ឆ្នាំ គ្រប់គ្នាសរសើរគាត់ តែពេល រតនា លេងជាមួយឈុតធំធ្វើមិនបានល្អបានបែរជានាំគ្នាវាយប្រហារគាត់»។ លោកបានបន្ត។

លោកបន្ថែមថា ៖«ដូចជានៅប្រទេសឥណ្ឌូណេស៊ី កីឡាករ បានភ័យខ្លាចចំពោះការវាយប្រហារដោយពាក្យសម្ដី ដែលធ្វើឲ្យកីឡាករបាត់ទំនុកចិត្តហើយគ្មានការអភិវឌ្ឍខ្លួន។ ដូច្នេះជំនួសដោយពាក្យសំដីវាយប្រហារ យើងគួរតែប្ដូរមកជាពាក្យលើកទឹកចិត្តវិញដើម្បីឲ្យពួកគេមានឱកាសអភិវឌ្ឍនខ្លួនវិញ»។